Gálatas 1:7 - Qullan Arunaka DC

⁷ Chiqpachansa, janiw yaqha qhispiyasiñ arux utjkiti, jan ukasti, jumanak taypin yaqhanakaw jumanakar pantjayir utji, jupanakax Criston qhispiyasiñ arunakap maysaruw q'iwiñ munapxi.

Aymar Bibliia 1986

⁷ Ucampis janiw chekpachanjja yakha casta khespiyasiñ arojj utjquiti, jan ucasti utjiwa yakhanaca jumanacar pantjayiri. Jupanacajj Criston khespiyasiñ arunacapwa maysar k'ewiñ munapjje.

Qullan Arunaca

⁷ Ucampis janiw chekpachanjja yakha casta khespiyasiñ arojj utjquiti, jan ucasti utjiwa yakhanaca jumanacar pantjayiri. Jupanacajj Criston khespiyasiñ arunacapwa maysar k'ewiñ munapjje.

Gálatas 1:7 Jak'a apnaqawi uñst'ayäwi

Jeremías 23:26

¿Kunapachkamas uka profetanakax jupanakan amtatanakaparjam k'ari arunak yatiyasipkakini?

Jeremías 23:36

Ukampis jani mayampsa ‘Tatitun iwxapawa’ sasax parlapxamti, ukampis khititix ukham parlkani ukaruxa, nayaw pachpa arunakap kutintasiyä. Jumanakax jakkir Diosana, taqi ch'aman Tatitun arunakap jan waliruw tukuyapxtaxa, maysaruw q'iwipxtaxa.

Mateo 24:24

Ukürunakanxa walja k'ari cristonaka, k'ari profetanakaw jutani; jupanakasti sallqjañatakix kunayman unañchanaka, muspharkañanak lurapxani, pachpa Diosan ajllitanakapar kunaw pantjayapxani.

Hechos 13:10

juparusti sarakïnwa: —¡K'ari ñanqha jaqi, sallqjañampi, jan walimpi, phuqhantat supayan wawapa, chiqa kankañ uñisir jaqi! ¿Kunatarak Tatitun suma chiqa thakhip q'iwiptayañ munaskaktasti?

Hechos 15:24

Nanakax yatipxtwa yaqhip jaqinakan nanakan jan kamskat akat sarapxatapa. Uka jaqinakan jumanakar yatichäwinakapamp mayjt'ayatapa. [Akham arunakapampi pächasiyasa: ‘Wakisiw jumanakan circuncisión luräwi katuqapxañamaxa, Moisesan kamachiparjam phuqhapxañamasa’ sasa.]

Hechos 20:30

Jumanak taypinpach yaqhipanakax sartani, k'arinak yatichasa, chiqäkaspas ukhama, iyawsirinakampi arkayasiñ munasa.

2 Corintios 11:13

jupanakax k'ari, sallqjir apostolunakakiwa, Criston apostolunakapäkaspas ukhamaw tukupxi.

2 Corintios 2:17

Janiw nanakax Diosan yatiyäwi arunakap aljas sarnaqapkti, kunjämtix waljaninakax lurapki ukhama; jan ukasti, taqi chuymaw Diosan nayraqatapan yatiyapxta, Cristompi mayakïtanakax layku.

2 Corintios 4:2

Janiw kunatsa p'inqasipkti, janirakiw kunsa jamasanakan lurapkti; janiw jan wali amtañanakampi sarnaqapkti, janirakiw Diosan arunakapsa maysar q'iwipkti. Jan ukasti, kunatix chiqäki ukak arsupxta, ukhamat taqinimpis Diosan nayraqatapan askit uñt'ayasipxta.

Gálatas 1:6

Jumanakan Diosar mäki jaytanukupxatamat walpun muspharta, yaqha qhispiyasiñ arunakar jank'aki arkapxatamata, Jesucristo tuqiw jupax munasiñap uñacht'ayapxtam.

Gálatas 2:4

Ukampis yaqhip k'ari jilatanakaw nanak taypir jamasat mantanitayna, Jesucristo tuqi qhispiyatäpktsa uk nanakar uñaqiri, ukat wasitampi judionakan kamachinakapar jaysapxañaxataki.

Gálatas 4:17

Judío kamachirjam phuqhapxañam wayt'ir jaqinakax, jumanakat wali amtapxi, ukampis amtäwinakapax janiw walïkiti. Jupanakax nanakat t'aqaqtapxañam munapxtam, ukhamat jupanakar makhatapxañamataki.

Gálatas 5:10

Tatitur iyawsañaxaw nayan utjitu, janiw jumanakax mayja amtapkätati; ukampis Diosax jumanakar pixtuntas sarnaqir jaqirux, khitïskpansa, mutuyaniwa.

Gálatas 5:12

Ukampis khitinakatix jumanakar pixtuntas sarnaqasipki: “circuncisión lurayasipxañamaw” sasa, ukanakax, ¡mäpit jupanakpach taqpach khariqasipxpan!

Gálatas 6:17

Jichhat uksarusti, jan khitis nayar llakisiyitpati; walja chhuxrinakaw janchixan utji, ukanakaw Tatit Jesucristonkatax layku t'aqhisitax uñacht'ayi.

2 Timoteo 2:18

jupanakasti chiqa arut maysaruw saranukupxi: “Jiwatat jaktañax niyaw lurasiwayxi” sasa, uka arunakampiw mayninakan iyawsäwinakap mayjt'ayas sarnaqapxi.

1 Juan 2:26

Khitinakatix jumanakar pantjasiyañ munapxtam ukanakxat qillqanipxsma.

1 Juan 4:1

Munat jilatanaka, janiy kawkïr ajayurus iyawsapkakimti, jan ukasti uñakipapxam, Diosan ajayupati janicha uk yatiñataki. Akapachax walja k'ari profetanakamp phuqhantatawa.

2 Juan 1:10

Maynitix jumanakan ukar sarasax jan aka yatichäwinïkan ukaxa, utar jan katuqapxamti, janirak aruntapxamsa;

2 Juan 1:7

Ukampis walja sallqjirinakaw akapachan sarnaqi, jupanakax janiw Tatit Jesucriston chiqpach jaqir tukus jutatap iyawsapkiti. Ukham jan iyawsirinakax sallqanakawa, anticristorakiwa.

Judas 1:4

Yaqhip jaqinakax sallqjañanakampiw jumanak taypir mantanipxi, jupanakarusti Qillqatanakax juchañchañatak nayratpach uñacht'ayäna. Uka ñanqha lurir jaqinakasti Tatitun khuyapayasiñap maysaruw uñtayapxi jan wali luräwinakapan jakañataki, ukatsti jiwasan mä sapa Tatit Jesucristo Uywirisarux jan uñt'iriw tukupxi.

Apocalipsis 12:9

Uka jach'a dragonasti alaxpachat jaqunukutaw uñjasïna, ukax nayratpach utjir katariwa, supaya, Satanás satarakiwa, jupaw aka uraqin jaqinakar sallqanti. Jupampi angelanakapampisti aka uraqir jaquqanitaw uñjasipxäna.

Apocalipsis 13:14

Nayrïr axsarkañ animalan churata munañanïñ kankañampiw aka axsarkañ jach'a animalax muspharkañanak luratap tuqi uraqin jakir jaqinakar sallqantäna. Ukatsti nayrïr jach'a axsarkañ animalar uñtat lursuyarakïna, kawkïritix espadampi chhuxriñchjatäsin jakaskatayna ukar uñtata.

Apocalipsis 19:20

Uka jach'a axsarkañ animalasti k'ari profetamp chika katuntatäxänwa, uka k'ari profetasti muspharkañanak lurirïtayna uka axsarkañ animal nayraqatana. Uka muspharkañ luräwinak tuqiw, uka k'ari profetax sallqjatayna khitinakarutix jach'a axsarkañ animalan chimpupampi chimpuyasipkatayna, ukatsti ukan uñtasit lursutapar yupaychapkatayna ukanakaru. Ukatsti k'ari profetasa, uka axsarkañ animalasa azufrempi aqaskir nina qutar jakkirpacha jaquntataw uñjasipxäna.

Apocalipsis 2:2

Nayax taqi luratanakam yatta; ch'ama tukutamsa, llamp'u chuymanïtamsa yattwa. Ñanqha lurir jaqinakar jan uñkatañ munatamsa yatiraktwa. Jan apostolükasin ‘Tatitun apostolupäpxtwa’ siri jaqinakar yant'atam yatiraktwa, ukham yant'asin uka jaqinakan k'arisipxatanakap katjaraktawa.

Apocalipsis 2:20

Ukampis jumatak arsuñaxaw utjitu. Jumax uka Jezabel warmirux janiw kamsktasa. Uka warmix ‘Diosaw khithanitu’ sasaw sarnaqi, yatichäwipampix luqtirinakaxaruw pantjayaski, wachuqa juchan jakayasa, idolonakar luqtatäkis ukanak manq'ayasa.

Apocalipsis 2:6

Ukampis aski luratamax utjaskiwa, uka nicolaíta sat jaqinakan luratanakap jumax uñisisktawa, nayax jupanakar uñisiraktwa.

Apocalipsis 20:3

Ukatsti manqhapacha ch'amakaruw jaquntäna, ukaruw jist'antarakïna, punkurusti mä chimpu uchantäna, ukhamat waranqa mara phuqhasiñapkam uka dragonan markanakar sallqjir jan mistuniñapataki. Waranqa mara qhipatsti, uka dragonax mä juk'a pachatak antutnukutaw uñjasini.