Éxodo 9:29 - Qullan Arunaka DC

²⁹ Moisesasti sänwa: —Nayax aka markat mistusin ukspachaw amparax luqtas Tatitur mayï, ukatsti qhixu qhixunakasa, chhijchhisa t'akurxaniwa, ukat yatïta aka uraqix Tatitunkatapa.

Aymar Bibliia 1986

²⁹ Moisesajj sänwa: —Nayasti aca marcat mistusinjja, amparajj loktasawa Tatiturojj mayëjja, ucatsti janiw utjcjjaniti khejjokhejjonacasa, ni chhijchhisa, ucatwa yatïta orakejj Tatituncatapa.

Qullan Arunaca

²⁹ Moisesajj sänwa: —Nayasti aca marcat mistusinjja, amparajj loktasawa Tatiturojj mayëjja, ucatsti janiw utjcjjaniti khejjokhejjonacasa, ni chhijchhisa, ucatwa yatïta orakejj Tatituncatapa.

Éxodo 9:29 Jak'a apnaqawi uñst'ayäwi

1 Reyes 8:22

Ukatsti Salomonax Tatitun altarap nayräxaruw sayt'asïna, taqpach israelita jaqinak nayraqatana, ukatsti amparanakap alaxpachar luqtasaw jach'at säna:

1 Reyes 8:38

jumax khiti jaqina, jan ukax taqpach Israel markamana, chuyma ust'at uñjasisa t'aqhisiñapan aka uta tuqir uñtat amparanakap luqtanis jumat mayisitanakaparu, achikt'asitanakaparus ist'akimaya. Jumax alaxpachatpachay ist'anim, kawkhantix jakta ukawjatpacha, ukatsti pampachamaya; sapa maynirus luratanakapatjam churarakim, juma sapakiw jaqin amtäwinakapa, chuymapsa uñt'taxa.

Esdras 9:5

Ukatsti, jayp'u tuqir wilañcha luqtañäki ukkhaw llakisiñaxat kutitatta. Ch'iyanuqat isinpachaw Tatituxan nayraqatapan qunqurt'asta, amparanakax luqtasaw

Job 11:13

Jichhax taqi kunsa chiqapar lurañ amtasim, Diosat mayisirakim.

Salmos 135:6

Tatitux taqi kuntix munki uk luri, alaxpachansa, akapachansa, lamar qutansa, quta manqhansa.

Salmos 143:6

Juma tuqiruw amparanakax luqtansma, waña uraqir uñtataw jumatjam pharjayasta.

Salmos 50:12

Manq'at awtjayaskirista ukas janiw jumat maykirismati, akapachasa, ukan utjirisa, nayankatap layku.

Éxodo 19:5

Ukhamasti, jumanakatix nayan arunakax sum ist'asin jaysapxitäta, arust'äwi lurataxsa phuqhapxarakïta ukaxa, jumanakax taqi markanak taypin nayan munat markaxäpxätawa, taqi uraqix nayankiwa.

Éxodo 20:11

Tatitux suxta urun luräna, alaxpacha, akapacha, qutanaka, kunanakatix ukanakan utjki ukanaka; paqallqüri urunsti samaränwa. Ukat Tatitux paqallqür urur aski waxt'äwimp phuqt'äna, qullan urüñapatakiw arsurakïna.

Éxodo 8:22

22 (18) Ukampisa, Gosen uraqin janiw ukax utjkaniti, markaxan ukan jakatap layku. Ukhamat yatïta naya, Tatitun aka uraqinkataxa.

Éxodo 8:6

6 (2) Aaronasti Egipto uraqin utjir umanakxaruw thujrup aytäna, ukatsti k'ayra jamp'atunakax uka umanakat mistsunisax Egipto markpacharuw phuqhantäna.

Éxodo 9:33

Moisesasti faraonamp parlasin markat mistuwayäna, amparanakap aytasaw Tatitur mayïna. Ukatsti ukspachaw chhijchhix t'akurawayxäna, janiw jallus purxatkxänti, qhixu qhixunakas janirakiw utjkxänti.

Isaías 1:15

Jumanakax wal mayisipxtaxa, amparanakam luqtasaw mayisipxtaxa, ukampis nayax janiw uñjapksmasa, ist'apkaraksmasa. ¡Jaqinak jiwayapxatamatxa, luqtapkta uka amparanakamaxa, wilampi q'añuchjatawa!

1 Corintios 10:26

taqi akapachasa, kunanakatix ukan utjki ukas Tatitunkiwa.

1 Corintios 10:28

Ukampis maynitix sapxätam: “Aka aychax yaqha diosanakar wilañcha luqtatawa” sasaxa, ukhamax jan uk manq'apxamti, uk arsuriru jan mayjt'ayañataki, jumanakas jan mayjt'asisipkañamataki.

Deuteronomio 10:14

Amuyapxarakim, jumanakan Tatit Diosamankiw alaxpachasa, alaxpachan alaxpachapasa, uraqisa, taqi kunatix ukan utjki ukanakasa.