Éxodo 8:10 - Qullan Arunaka DC

¹⁰ 10 (6) Faraonasti sänwa: —Qharürpacha —sasa. Moisesasti sarakïnwa: —Mayitamarjamaw phuqhasini, ukhamat yatïta Israelan Tatit Diosapjamax yaqha diosan jan utjatapa.

Aymar Bibliia 1986

¹⁰ Faraonasti sänwa: —Kharürpacha mayipjjam —sasa. Ucatsti Moisesajj saraquïnwa: —Lurasiniwa mayitamarjamajja, uqhamatwa yatïta jan yakhajj utjatapa nanacan Tatitu Diosajj-jamajja.

Qullan Arunaca

¹⁰ Faraonasti sänwa: —Kharürpacha mayipjjam —sasa. Ucatsti Moisesajj saraquïnwa: —Lurasiniwa mayitamarjamajja, uqhamatwa yatïta jan yakhajj utjatapa nanacan Tatitu Diosajj-jamajja.

Éxodo 8:10 Jak'a apnaqawi uñst'ayäwi

2 Samuel 7:22

¡Kunja jach'ätas jumax Tatituxay! Nanak pachpaw yatiqapxta, janiw khitis jumjamax utjkiti, janiw yaqha diosas jumat sipan utjkiti.

1 Crónicas 17:20

Tatay, janiw khitis jumjamax utjkiti, janirakiw yaqha diosax jumat juk'ampix utjkiti, kunjämatix nanakax ist'apkta ukhama.

Salmos 83:18

18 (19) ¡Juma sapak Diosätam yatipxpan, aka uraqxar juma sapak Alaxpachankirïtam yatipxarakpan!

Salmos 86:8

¡Tatay, janiw khiti diosas jumjamax utjkiti! ¡Janirakiw luratanakamjamax utjkiti!

Salmos 9:16

16 (17) Tatitux chiqapar uñjirïtap uñt'ayasi: ñanqha lurir jaqisti pachpa sipitaparuw jalt'i.

Éxodo 15:11

Tatay, ¡janiw khiti diosas jumjam utjkiti! ¡Janiw khitis jumjam qullanasa, jach'a ch'amanis utjkiti! ¡Jumax kunayman muspharkañanaka, axsarkañanak utjaytaxa! ¡Askïtaw yupaychatäñataki!

Éxodo 8:9

9 (5) Ukat Moisesax faraonar sarakïna: —Sitaya, ¿kunapachas jumax munta Diosar nayan mayiñaxa jumatakisa, yanapirinakamatakisa, markamatakisa, k'ayra jamp'atunak Tatitun apanukuñapataki, reyi utamatsa, juma jak'atsa; k'ayra jamp'atunakan jawirar mantxañapataki? —sasa.

Éxodo 9:14

jichha kutix taqi mutuyäwinakax apayanï, jumataki, yanapirinakamataki, taqi jaqinakamataki, ukhamat yatïta jani yaqhax nayjam aka uraqpachan utjatapa.

Éxodo 9:29

Moisesasti sänwa: —Nayax aka markat mistusin ukspachaw amparax luqtas Tatitur mayï, ukatsti qhixu qhixunakasa, chhijchhisa t'akurxaniwa, ukat yatïta aka uraqix Tatitunkatapa.

Proverbios 27:1

Qharürutxa jan jach'a jach'a tukkamti; janiw khitis yatkiti kuntix jutir urunakax apankani ukxa.

Isaías 40:18

¿Khitimpirak Tatiturusti kikipayapxasmasti? ¿Kuna k'ari diosampirak jupar uñtasiyapxasmasti?

Isaías 40:25

Qullana Tatitusti jiskt'iwa: “¿Khitimpis jumanakax uñtasiyapxitäta? ¿Khitirak naya kipkarakïspasti?”

Isaías 46:9

kunanakatix nayratpach luraskän ukanak amtasipxam. Nayakïtwa Diosaxa, janiw yaqhax utjkiti, nayätwa Diosaxa, janirakiw khitis naya kikipax utjkiti.

Deuteronomio 3:24

‘Dios Tatay, jumaw aka luqtirimar ch'amam uñacht'aytaxa. Janiw jumjam jach'a muspharkañanak lurir yaqha Diosax utjkiti alaxpachansa, akapachansa.

Deuteronomio 32:31

“Uñisirinakasax sum yatipxi, jupanakan arxatiripax janiw arxatirisjamäkiti.

Deuteronomio 33:26

Tukuyañatakisti Moisesax sänwa: “Israelitanaka, janiw yaqha Diosax utjkiti, jumanakan Diosamjamaxa Diosax alaxpachan reyipawa, jumar yanapirix jutapuniniwa.

Deuteronomio 4:35

Ukanakasti Tatitun chiqpach Diosätapa yatipxañamataki uñacht'ayatawa, jupat sipansa yaqhax jan utjatap yatiñamataki.

Deuteronomio 4:39

“Ukhamasti, chuymanakamar sum imapxam Tatitukiw Diosaxa, alaxpachansa, akapachansa, janiw yaqhax jupat juk'amp utjkiti.

Santiago 4:14

¡ukampis kunäkanitix qharür jakañamax uk janiw yatisipktati! Jumanakasti mä urpu qinayjamakïpxtawa, ukax mä jisk'apach uñstasax mäkiw chhaqti.