Éxodo 7:18 - Qullan Arunaka DC

¹⁸ Jawir uman jakir chawllanakasti jiwaraniwa, ukat jawirax wal q'aphini, egipcionakax axtasiñat janiw uka uma umañ munapkaniti” —sasa.

Aymar Bibliia 1986

¹⁸ Jawir umana jaquir chawllanacasa jiwaraniwa, ucat jawirajj wali thujsätap laycusti egipcionacajj ajjtasisajj janiw jawirat umañ munapcaniti.”

Qullan Arunaca

¹⁸ Jawir umana jaquir chawllanacasa jiwaraniwa, ucat jawirajj wali thujsätap laycusti egipcionacajj ajjtasisajj janiw jawirat umañ munapcaniti.’

Éxodo 7:18 Jak'a apnaqawi uñst'ayäwi

Éxodo 7:21

Uka jawiran utjir chawllanakax jiwaränwa, ukatsti jawirax walpun thujsäna, egipcionakax janiw uka umat umkxapxänti, taqi Egipto uraqinkir umanakaw wilaru tuküna.

Éxodo 7:24

Egipcio jaqinakasti janiw Nilo jawirat uma umkxapxänti, jan ukasti jawir thiyanakan phuch'unak allipxäna uka phuch'unakat q'uma uma apsuñataki, jawir uman jan umt'añjamätap layku.

Isaías 19:6

uma sarañawjanakapas walipuniw thujsani. Egipton jalir umanakasti juk'at juk'at wañt'awayxani, uka jak'an utjir alinakas wañsuwayxaniwa;

Números 11:20

jan ukasti phaxspachaw aycha manq'apxani, axtasiñkama, nasanakapat mistuyañkama, jupanak taypin jikxataskasasa, naya, Tatitur jisk'achapxatapata, naya nayräxan jachapxatapata: ‘¿Kunatakirak Egiptot mistunpachätansti?’ sapxatap layku.

Números 21:5

ukat jupanakax Tatitutak arusiñ qalltapxäna, Moisesarusti sapxänwa: —¿Kunatakirak Egiptot irpsunipxistasti? ¿Wasaran jiwarayañatakit irpsunipxistasti? Janiw umasa, manq'as utjapkituti. ¡Aka jan sist'ayasir manq'ampix amjatäxapxtwa! —sasa.