Éxodo 7:13 - Qullan Arunaka DC

¹³ Ukhamäkipansa, faraonax chuymap qalarayasïna, janiw Moisesampiru, Aaronampir ist'añ munkänti, Tatitux siskatayna ukhamarjama.

Aymar Bibliia 1986

¹³ Ucampis faraonajj chuymapjja wali kalarayasïna, janiraquiw ist'añ muncänti cuntejj Tatitojj siscäna uca arunacjja.

Qullan Arunaca

¹³ Ucampis faraonajj chuymapjja wali kalarayasïna, janiraquiw ist'añ muncänti cuntejj Tatitojj siscäna uca arunacjja.

Éxodo 7:13 Jak'a apnaqawi uñst'ayäwi

2 Crónicas 36:13

Ukhamarus Nabucodonosor reyitakiw sayt'asïna, juparusti uka reyix Dios laykuw jupar jaqkattañapatak juramento lurayatayna, ukatsti munañapampix Israelan Tatit Diosapar kuttanxañatakis wal ch'urkhisïna.

Éxodo 10:1

Tatitux Moisesaruw säna: —Faraonan ukar saram, nayaw jupampiru, yanapirinakapampirux chuymanakap qalarayta, ukhamat jupanakar nayan jach'a muspharkañ chimpunakax uñacht'ayañaxataki,

Éxodo 10:20

Ukampis Tatitux faraonan chuymap qalarayänwa, janiw israelitanakarux antutañ munkänti.

Éxodo 10:27

Ukampis Tatitux faraonan chuymap qalarayäna israelitanakar jan khithanukuñapataki.

Éxodo 14:17

Nayaw egipcionakarux chuymap qalarayä jumanakar arktaniñapataki; ukat faraonar nayan ch'aman kankañax uñacht'ayä, ukhamarak carronakaparu, caballonakaparusa.

Éxodo 4:21

Tatitusti, Moisesarux sataynawa: —Egiptor purkät ukkhaxa, faraonan nayraqatapan wali amuyumpipuniw muspharkañ chimpunak lurañamatak ch'am churksma ukanak luräta. Nayasti faraonan chuymap qalarayä, ukhamat israelitanakarux jan antutkaniti.

Éxodo 7:12

jupanakat sapa mayniw thujrunakap uraqir liwnuqapxäna, uka thujrunakapasti katarinakarurakiw tuküna. Ukampis Aaronan jach'a thujrupax uka yatiñan jaqinakampina, layqa jaqinakampin thujrunakap manq'antäna.

Éxodo 7:14

Ukxarusti Tatitux Moisesar saskakïnwa: —Faraonax q'apisiñampi chuymapan qalarayasisax janiw israelitanakar antutañ munkiti.

Éxodo 7:22

Egiptonkir yatir jaqinakasti yatiñanakapampix kipkarak lurapxäna, ukatsti kunjämtix Tatitux siskatayna ukhampun faraonax chuymap qalarayasïna, janiw Moisesampiru, Aaronampir ist'añ munkänti.

Éxodo 8:11

11 (7) K'ayra jamp'atunakax reyi utamat jawiraruw sarxapxani. Janiw jumarusa, yanapirinakamarusa, jaqinakamarus q'apisiykxapxätamti —sasa.

Éxodo 8:15

15 (11) Ukampisa, faraonax taqi ukanak jan utjxipansti, chuymap qalarayasïna janiw Moisesampiru, Aaronampir ist'añ munkxänti, kunjämtix Tatitux siskatayna ukarjama.

Éxodo 8:19

19 (15) Ukat yatir jaqinakax faraonar sapxäna: —¡Diosaw taqi akanak luraski! —sasa. Ukampis faraonax chuymap qalarayasisax janiw ist'añ munkänti, kunjämtix Tatitux siskatayna ukarjama.

Éxodo 8:28

28 (24) Ukat faraonax sarakïna: —Nayax wasarar sarapxañamatakix antutapxämawa, Tatit Diosamar ukan wilañcha luqtapxañamataki, ukampis janiw wali jayar sarapxätati, nayatakis mayipxarakïtawa —sasa.

Éxodo 9:12

Ukampis Tatitux faraonan chuymap qalarayänwa, ukhamat Moisesampiru, Aaronampiru jan ist'añapataki, kunjämtix Tatitux Moisesar siskatayna ukarjama.

Éxodo 9:35

Ukatsti faraonax chuymap qalarayasisax, janirakikiw israelitanakar antutañ munkxänti, kunjämtix Tatitux Moisés tuqi siskatayna ukhamarjama.

Éxodo 9:7

Faraonax israelitanakan uywanakap uñjiriw khithäna, ukampis janiw mayas uywanakapat jiwkataynati. Ukhamäkipansa, faraón reyix chuymap qalarayasiskakïnwa, ukatsti janiw israelitanakarux sarxapxañapatak antutkänti.

Romanos 1:28

Diosar jan uñt'añ munapxatap laykuxa, jupax jan wali amtäwinakaparuw jaytanuku, kunatix jan lurañäki uk lurapxañapataki.

Romanos 2:5

Ukampis jumax qala chuymanïtam layku, Diosar makhatañ jan munatam laykux, juma pachpaw mutuñ urutakix mutuyäwi katuqañatak wakichasisktaxa, kunapachatix Diosax chiqpach juchañchir uñstankani,

Deuteronomio 2:30

“Ukampis Sihón reyix janiw uraqip chiqa sarakipañas munkänti, jumanakan Tatit Diosamaw jan munañapatak uka reyin chuymap mayjt'ayäna, ukhamat jumanakan amparamar katuyañataki, kamisatix jichhürun jikxataski ukhama.

Hebreos 3:13

Jan ukasti, maynit maynikam sapür ch'amachasipxam, pachax “jichhür” utjkipana, kunjämtix Qillqatax siski ukarjama, ukat jumanakat jan maynis juchampi atipjayasiñapataki, ukatsti chuymapas jan kutkatasir tukuñapataki.

1 Samuel 6:6

Janiy jumanakax Egipton reyipjama, jaqinakapjamas tukupxamti. Jupanakax chuymanakap qalarayasipxäna, ukatsti kunapachatix Diosax ch'amampi mutuykän ukkhakiw faraonax israelitanakar Egiptot sarxapxañapatak antutäna.