Éxodo 6:14 - Qullan Arunaka DC

¹⁴ Israelita wila masinakan jilïrinakapax akanakänwa: Israelan Rubén jilïr wawapan wawanakapa: Hanoc, Falú, Hesrón, Carmí, jupanakasti Rubenan ayllupankirïpxänwa.

Aymar Bibliia 1986

¹⁴ Acanacänwa nayra awquinacapan familiapanquir jilïrinacan sutinacapajja. Israelan, Rubén sat jilïr wawapan wawanacapajj acanacänwa: Hanoc, Falú, Hezrón, Carmi ucanaca, jupanacasti Rubenan familianacapänwa.

Qullan Arunaca

¹⁴ Acanacänwa nayra awquinacapan familiapanquir jilïrinacan sutinacapajja. Israelan, Rubén sat jilïr wawapan wawanacapajj acanacänwa: Hanoc, Falú, Hezrón, Carmi ucanaca, jupanacasti Rubenan familianacapänwa.

Éxodo 6:14 Jak'a apnaqawi uñst'ayäwi

Génesis 46:11

Leví chachan wawanakapa: Guersón, Quehat, Merarí.

Génesis 46:9

Rubenan wawanakapa: Hanoc, Falú, Hesrón, Carmí.

1 Crónicas 5:24

Wila masinakapan jilïrinakapax akanakänwa: Éfer, Isí, Eliel, Azriel, Jeremías, Hodavías, Jahdiel. Taqi jupanakax jan axsarir soldadonakänwa, wali uñt'at jaqinaka, wila masinakan jilïrinakaparakïnwa.

1 Crónicas 7:2

Tolá chachan wawanakapa: Uzí, Refaías, Jeriel, Jahmai, Ibsam, Samuel, jupanakasti Tolá awkipan wila masinakapan jilïrinakapänwa, ukatsti jan axsarir nuwasirinakänwa. Davidan urunakapansti jupanakat saraqir wawanakapax pä tunka payan waranqa suxta patakanïnwa.

1 Crónicas 7:7

Bela chachan wawanakapax phisqanïnwa: Esbón, Uzí, Uziel, Jerimot, Irí. Taqi jupanakax wila masipan jilïrinakapa, jan axsarir jaqinakäpxänwa. Wila masinakapar qillqatarjamasti wawanakapax pä tunka payan waranqa kimsa tunka pusin jaqinakänwa.

1 Crónicas 8:6

Ehud chachan wawanakapa, Gueba chiqan jakir wila masin jilïrinaka, jupanakax Manáhat chiqar alisnukutänwa:

Éxodo 6:13

Ukatsti Tatitux Moisesampi, Aaronampi parlasin säna, jupanakax faraonaru, israelitanakar sapxañapataki, Egipto markat israelitanakar apsunipxañapataki.

Éxodo 6:25

Aaronan Eleazar yuqapasti, Futiel sat chachan maynïr phuchhapampiw jaqichasïna, jupanakan wawapasti Finees satänwa. Jupanakasti levitanakat saraqirinakan jilïrinakapawa, wila masitkama.

Números 1:18

ukatsti payïr phaxsina mä uru saraqataruw taqpach markar tantachthapipxäna. Uka urunsti jaqix mayat mayat jakthapitäpxänwa, wila masitkama, tunu awkit saraqiritkama. Ukhamat taqpach chachanakan sutinakapax qillqantasïna pä tunka maranit amstaru,

Números 26:12

Simeón chachat saraqir wila masi tamanakan wawanakapax Nemuel, Jamín, Jaquín,

Josué 13:15

Moisesax Rubén ayllurux qawqhanïkitix wila masi tamanakapax ukhamarjamaw uraqinak lakiräna,

Josué 13:23

Rubén ayllun uraqipax, wila masi tamanakaparjam lakinuqatax, taqi uka markanaka, jisk'a markanakamppachax, Jordán jawirkamaw purïna.

Josué 14:1

Eleazar sacerdotempi, Nun chachan Josué yuqapampix, wila masi tamanakan jilïrinakapamp chikaw israelitanakarux cananeo uraqinak lakintapxäna, Jordán jawirat inti jalanta tuqina.

Josué 19:51

Taqi uka uraqinak Eleazar sacerdotempi, Josué chachampi, markan jilïr jaqinakapampix Siló chiqan suertetkam israelitanakan ayllunakaparux churäna, Dios nayraqatana, Tatitump Jikisiñ Carpa mantañana. Ukhamaw uraqinak lakinuqañax tukuyatäxäna.