Éxodo 40:34 - Qullan Arunaka DC

³⁴ mä qinayaw Tatitumpi Jikisiñ Carpa patxar urpxatäna, ukatsti Tatitun jach'a kankañapaw qullan chiqawja phuqhantarakïna.

Aymar Bibliia 1986

³⁴ Mä kenayaw Tatitumpi Jiquisiñ Carpa patjjarojj urpjjatäna, ucatsti uca carparojj Tatitun jach'a cancañapaw phokt'äna.

Qullan Arunaca

³⁴ Mä kenayaw Tatitumpi Jiquisiñ Carpa patjjarojj urpjjatäna, ucatsti uca carparojj Tatitun jach'a cancañapaw phokt'äna.

Éxodo 40:34 Jak'a apnaqawi uñst'ayäwi

2 Samuel 7:6

Israelitanakar Egipto markat irpsunkta uka urut jichhakamax, janipuniw nayax templonakan utjaskti, jan ukasti mä jan yäqkay chhujllanakpun utjastxa.

2 Crónicas 5:13

Ukatsti taqpachaniw mayar tukutaki trompetanak phust'apxäna, ukhamaraki mayacht'asisa q'uchupxäna, Tatitur jach'añchañataki, yuspagarañataki, trompetanaka, platillonaka, yaqha toct'añ yänakamp toct'asa, akham sasaw q'uchupxarakïna: “Tatitur jach'añchapxam, jupax askiwa, munasiñapasti wiñayatakiwa” sasa. Tatitun utapasti ukapachax mä qinayampiw phuqhantasïna,

2 Crónicas 7:2

ukat sacerdotenakax uka utar jan mantapkänti.

Salmos 26:8

Tatay, qullan utamarux munastwa, qhapaq kankañamax ukankiwa.

Éxodo 14:24

qhipärmanthi willjtasti, Tatitux nina taypita, qinay taypit egipcionakar uñch'ukiskäna, ukatsti jupanakpur pixtuntasiyäna;

Éxodo 16:10

Aaronax israelitanakamp parlaskän ukkhasti, akatjamat wasar tuqit mä qinay uñstanir uñjapxäna, Tatitun qhapaq kankañapaw mä qinay taypit uñstanïna.

Éxodo 25:8

Ukatsti nayatakix mä qullan utjäwi lurarapipxitäta, nayan jumanak taypin utjasiñaxataki.

Éxodo 29:43

Uka chiqan israelitanakampix jikisï, uka chiqasti nayan ukankatax laykuw qullanañchat uñjasini.

Éxodo 33:9

Moisesax Carpar mantkän ukapachasti, sayt'u qinayax saraqanisin Carpa punkuruw sayt'äna, ukchañkamasti Tatitux Moisesaruw parläna.

Isaías 57:15

Alaxpachankir Tatitu, khititix wiñayatak jakki, sutipasti qullanäkaraki, ukax akham siwa: “Nayax alay qullan chiqan jakta, ukampis khititix alt'at chuymani, llakt'ata sarnaqki ukarux ch'amañcharaktwa.

Isaías 6:4

Uka arunak ist'asasti, Tatitun utapan punkunakapax khathatïnwa, jiwq'irakiw phuqharanttäna.

Ezequiel 10:4

Tatitun qhapaq kankañapasti uka querubines sat chhiqhaninakan patan unxtäna, ukatsti Tatitun utapar mantañäkis uka punku tuqiruw saräna; qinayasti Tatitun utaparuw phuqhantäna, uta anqäxasti Tatitun qhapaq kankañapampiw phuqhantasirakïna.

Levítico 16:2

Ukat Tatitux Moisesar säna: Aarón jilamarux akham sas yatiyam, jan kuna pachas mantkpati kawkïr qullan chiqatix velo qhipäxan utjki uka chiqaruxa, janirak arcar qhupxatatäki uka nayraqatarus mantkpati, ukhamat jan jiwañapataki; nayasti mä qinay taypin uka juchat pampachayasiñäki uka qhuphiñ patxan uñstarakï.

Hageo 2:7

Taqi markanak khathatiyarakï, ukatsti qamir yänakap apanipxani, nayan utaxasti k'ajkirirakïniwa.” Taqi ch'aman Tatituw arsu:

Hageo 2:9

Aka payïr utasti nayrïr utat sipan k'ajkirïniwa, ukansti suman sarnaqasiñ utjayarakï. Naya, taqi ch'aman Tatituw arsta.”

Números 7:89

Moisesax Tatitump parlañatak Jikisiñ Carpar mantkän ukapachasti, Tatitun jupar parlaskatap ist'äna, arust'äwi arcan qhuphiñ patapankir pä querubines sat chhiqhaninak taypita.

Romanos 9:4

Jupanakax Israelat saraqir wawanakawa, Diosasti jupanakarux wawanakapat uñt'asïna, wali ch'aman kankañapampiw jupanak taypinkäna, jupanakarusti arust'äwi arunakapa, Moisesan kamachipa, jupar yupaychaña, arsutanakamp kun churäna.

Apocalipsis 15:8

Qullan utjäwisti jiwq'impi phuqhantatänwa, uka jiwq'isti Diosan jach'a kankañapata, ch'amapat jutäna, janirakiw khitis ukarux mantañatak ch'amanïkänti, kuntix paqallqu angelanakax paqallqu t'aqhisïwinak apapkän ukanakan phuqhasiñapkama.

Apocalipsis 21:3

Ukatsti jach'a aru ist'arakta qhapaq qunuñat art'asiniri: “¡Akaxay, Diosax jichhax jaqinak taypin jaki! Jupanakampiw jakani, jupanakasti markapäniwa, Dios kipkarakiw jupanakampïni, jupanakan Diosaparakïniwa.