Éxodo 40:20 - Qullan Arunaka DC

^20-21 Ukatsti Moisesax kamachi arunakan qillqat tablanakxa, arust'äwi lurat arca manqharuw uchäna; ukxarusti kallañ muruq'u lawanak arcar uchäna, uka patxarusti arcan qhuphiñap ucharakïna, ukatsti qullan chiqawja manqharuw uk apäna; ukat cortina warkt'äna arca imt'arakïna, kunjämtix Tatitux Moisesar siskatayna ukhamarjama.

Aymar Bibliia 1986

²⁰ Ucampis Moisesajj Diosan tunca camachi arunacapanïqui uca tablanacsti arca mankheruw apantäna. Ucjjarusti arcarojj morok'o lawanacwa ucharaquïna callañataqui, patjjarusti tapampiraquiw khopjjataraquïna.

Qullan Arunaca

²⁰ Ucampis Moisesajj Diosan tunca camachi arunacapanïqui uca tablanacsti arca mankheruw apantäna. Ucjjarusti arcarojj morok'o lawanacwa ucharaquïna callañataqui, patjjarusti tapampiraquiw khopjjataraquïna.

Éxodo 40:20 Jak'a apnaqawi uñst'ayäwi

1 Reyes 8:9

Arcansti janiw kuna yaqhas utjkänti, jan ukasti kawkïr qalat lurat pä tablanaktix Moisesax Horeb chiqankkasin uchkatayna ukakiw ukankäna, Egiptot mistunipkäna ukapacha Tatitux israelitanakampi arust'äwi lurkäna uka.

1 Crónicas 15:3

Ukspachaw Davidax taqi israelitanakar Jerusalén markan tantacht'äna, kawkharutix jupax wakicht'kän ukkhar Tatitun arcap apañataki.

2 Crónicas 5:10

Uka arcansti, Moisesax Horeb chiqan qalat lurat pä tablanak uskkäna ukakiw utjäna, kawkïr tablanakarutix Tatitux israelitanakampi arust'äwiru mantatapa lurkäna kunapachatix Egiptot mistunipkän ukapacha.

Salmos 40:8

8 (9) Dios Tatituxay, munañam lurañaw kusisiyitu; ¡yatichäwinakamax chuymaxankiwa!

Éxodo 16:34

Aaronasti kunjämtix Tatitux Moisesar siskatayna ukhamarjamaw maná t'ant'a uchat phukhu, arust'äwi arca nayraqatar imäna.

Éxodo 26:34

Ukxarusti, Qullanansa Qullanap chiqawjankki uka arust'äwi arcarux qhuphiñ uchäta.

Éxodo 31:18

Tatitux Sinaí qullun Moisesar parlañ tukt'aykän ukapachaw, tunka kamachinakan qillqantat pä qala tablanak jupar churäna, ukanakasti pachpa Diosan ampar luk'anapamp qillqatänwa.

Éxodo 40:19

qullan chiqawjarux carpa janatatäna, ukatsti patxarux janxatañampiw utachxatarakïna kunjämtix Tatitux siskatayna ukhamarjama.

Éxodo 40:3

Uka manqhirusti arust'äwi lurat arca uchäta, ukatsti cortinampiw jist'aqarakïta.

Mateo 3:15

Jesusasti ukxarux sarakïnwa: —Jichhax ukhamäpan sama, wakisiw Diosan munañap phuqhañasaxa —sasa. Ukat Juanax Jesusar bautisäna.

Romanos 10:4

Kamachisti Cristompiw tukusxi, ukhamat taqinis iyawsäwi tuqi aski jaqit katuqatäpxani.

Romanos 3:25

Diosasti Criston wila wartatap tuqiw juchat pampachasiñ utjayi. Juchat pampachatäñsti iyawsäwi tuqikiw jikxatsna. Diosax ukham tuqiw aski jaqïtas uñacht'ayañ munäna: nayra pachan juchanak lurkäyätan uk pampachasa,

Deuteronomio 10:5

ukatsti nayax qullut saraqanxasinxa; lawat lurat arcaruw uka tablanak uchta, kunjämtix Tatitux siskitu ukhamarjama, ukan jichhakamas imatäskaraki” sasa.

Hebreos 4:16

Ukhamasti munasir Dios Awkisarux iyawsañasampi jak'achasiñäni, jiwasat khuyapt'ayasiñapataki, munasiñapan wakisir urun yanapt'añapataki.

Hebreos 9:4

ukawjansti qurit lurat incienso nakt'ayañ altarampi, qurimpi apakipat arust'äwi arcampiw utjäna. Uka arca manqhansti qurit lurat mä chatuw utjäna, uka chatunsti maná sat t'ant'aw uchatäna; Aaronan thujrupax ch'uxñatatkatayna, ukhamarak tunka kamachi qillqat qalanakas arca manqhankänwa.

1 Juan 2:2

Jesucristox juchanakas qhispiyañ laykuw jakañap luqtasiwayi, janiw jiwasan juchas laykukiti, jan ukasti taqi akapachankir jaqinakan juchanakap laykuwa.