Éxodo 40:2 - Qullan Arunaka DC

² “Nayrïr phaxsita qallta uru saraqataruw Tatitumpi Jikisiñ Carpa sayt'ayäta.

Aymar Bibliia 1986

² “Nayrïri phajjsi kallta urunjja sayt'ayätawa nayampi Jiquisiñ Carpa, Diosampi Jiquisiña Chekansa.

Qullan Arunaca

² “Nayrïri phajjsi kallta urunjja sayt'ayätawa nayampi Jiquisiñ Carpa, Diosampi Jiquisiña Chekansa.

Éxodo 40:2 Jak'a apnaqawi uñst'ayäwi

1 Crónicas 17:5

Kunürutix nayax Israel markar Egiptot apsunkta ukkhat jichhakamax janiw nayax utanakan jakkti, jan ukasti ukkhan akkhan mä chhujllanak jakasta.

2 Crónicas 29:3

Marka apnaqañ qalltkäna uka mara qallta phaxsinxa, jupaw Tatitun utapan punkunakap jist'arayäna, ukatsti askichayarakïna.

Éxodo 13:4

Jichhürux Abib phaxsiwa, uka phaxsin mistunipxtaxa,

Éxodo 19:1

Israelitanakax Egipto uraqit mistuwayapkän uka urutxa kimsa phaxsi saraqataruw Sinaí wasarar puripxäna.

Éxodo 26:1

“Tatitump Jikisiñ Carpxa, lino k'anthitat tunka cortinani luräta, morado telata, sajuna telata, wila telampita; ukarusti querubines sat chhiqhaninak jiwaki p'itakipäta.

Éxodo 26:30

Ukhamasti, Tatitumpi Jikisiñ Carpxa kunjämtix qullun uñacht'ayksma uka kipkak luräta.

Éxodo 26:7

“Ukxarusti Tatitump Jikisiñ Carpxar janxatañatakix, cabra t'awrat tunka mayan cortinanak lurarakïta.

Éxodo 27:21

Aaronampi, wawanakapampiw Tatitump Jikisiñ Carpan arum paqar qhanañapatak uka lamparanak wakichani, arust'äwi lurat arca uñkatasinkki uka cortina qhipäxana. Aka kamachix israelitanakataki, wawanakapan wawanakapatakis wiñayatakïniwa.

Éxodo 30:36

Mä chikatxa suma ñut'u k'iyjasin arca nayraqataruw uchäta Tatitump Jikisiñ Carpa manqharu, kawkhantix nayax jumamp jikiskä uka chiqaru. Uka inciensox jumanakatak wali qullanapunïniwa.

Éxodo 35:11

Qullan chiqawja, carpapamppacha, uka carpan patxapa, t'iriñanakapa, lawanakapa, muruq'u lawanakapa, sayir lawanakapa, takxatayañanakapa,

Éxodo 36:18

Ukxarusti, thiyanakat t'irthapiñatakix phisqa tunka t'iriñanak broncet luräna, ukhamat uka carpan mayakïñapataki.

Éxodo 40:1

Tatitux Moisesaruw parläna, akham sasa:

Éxodo 40:6

Ukxarusti wilañchanak nakt'ayas luqtañ altarxa, Carpar mantañäkis uka uñkatasiruw uchäta.

Ezequiel 40:1

Nayrïr phaxsina, tunka uru saraqatarusti, uka urux machaq mara qallta urünwa, uka uruw Tatitux amparap nayxar luqxatitu, ukatsti mä unañchäwi tuqiw Israel uraqir irpitu. Babilonia uraqir apatäpkäyäta ukat aksarux niya pä tunka phisqan maräxänwa, Jerusalén markax katuntatäkän ukkhatsti tunka pusin maräxarakïnwa. Israel uraqinsti Tatitux mä jach'a qullu pataruw irpnuqitu, ukatpach aynach tuqin walja jach'a utanak uñjta, ukax mä markäkaspas ukhamänwa.

Ezequiel 45:18

Tatitux akham siwa: “Nayrïr phaxsina, qallta urusti, jumanakax mä jan kuna kamacht'at urqu vaca wilañchat luqtapxarakïta, ukhamat Tatitun utap q'umachañataki.

Números 1:1

Israelitanakax Sinaí wasarankasipkänwa, ukapachaw Tatitux Moisesar parläna, Diosampi Jikisiñ Carpana. Jupanakan Egipto markat mistunitapax, tunka kimsan phaxsïxänwa. Tatitusti Moisesar akham säna:

Números 7:1

Kunürutix Moisesax qullan chiqawja sayt'ayañ tukuykän ukürux, aceitemp jawintasaw qullan chiqawjan yänakapampi, altaran yänakapamp qullanañchäna.

Números 9:1

Israelitanakan Egipto markat mistunipxatapatsti, pä mara saraqataru, nayrïr phaxsina Sinaí wasaran Tatitux Moisesar parläna, akham sasa:

Números 9:15

Kunürutix Arust'äwi Carpa sayt'ayapkän uküruxa, mä qinayaw imxatäna. Jayp'untxän ukapachasti, Arust'äwi Carpa patxan mä ninaw uñstäna, ukampis willjtarux chhaqtawayxänwa.