Éxodo 4:21 - Qullan Arunaka DC

²¹ Tatitusti, Moisesarux sataynawa: —Egiptor purkät ukkhaxa, faraonan nayraqatapan wali amuyumpipuniw muspharkañ chimpunak lurañamatak ch'am churksma ukanak luräta. Nayasti faraonan chuymap qalarayä, ukhamat israelitanakarux jan antutkaniti.

Aymar Bibliia 1986

²¹ Tatitusti, Moisesarojj sascaquïnwa: —Cunapachatejj Egiptor purïta ucqhajja faraonan nayrakatapanjja wali amuyumpipuniwa cawquïr ch'amtejj churcsma muspharcañ unanchanaca lurañamataqui ucanacjja luräta. Ucampis nayajja faraonan chuymapjja kalarayäwa, uqhamat israelitanacarojj jan antutañapataqui.

Qullan Arunaca

²¹ Tatitusti, Moisesarojj sascaquïnwa: —Cunapachatejj Egiptor purïta ucqhajja faraonan nayrakatapanjja wali amuyumpipuniwa cawquïr ch'amtejj churcsma muspharcañ unanchanaca lurañamataqui ucanacjja luräta. Ucampis nayajja faraonan chuymapjja kalarayäwa, uqhamat israelitanacarojj jan antutañapataqui.

Éxodo 4:21 Jak'a apnaqawi uñst'ayäwi

Génesis 6:3

Ukampis Tatitux sänwa: “Janiw jaqirux wiñayatak jakaykäti, jupasti janchikiwa. Ukhamasti patak pä tunkan marakiw jakani” sasa.

1 Reyes 22:22

Ajayusti sänwa: “Reyin taqpach profetanakaparux k'arinak parlayä” sasa. Ukat Tatitux sarakïna: “Ukhamatxa k'arintätawa, ukhamax saramay uk luriri” sasa.

Salmos 105:25

Egipto uraqinkirinakarusti chuymanakap mayjt'ayäna Diosan markapar uñisipxañapataki, uywatanakapar jan walinak lurapxañapataki.

Salmos 78:43

Egipto uraqin muspharkañanak lurkän ukanakata;

Éxodo 10:1

Tatitux Moisesaruw säna: —Faraonan ukar saram, nayaw jupampiru, yanapirinakapampirux chuymanakap qalarayta, ukhamat jupanakar nayan jach'a muspharkañ chimpunakax uñacht'ayañaxataki,

Éxodo 10:20

Ukampis Tatitux faraonan chuymap qalarayänwa, janiw israelitanakarux antutañ munkänti.

Éxodo 10:27

Ukampis Tatitux faraonan chuymap qalarayäna israelitanakar jan khithanukuñapataki.

Éxodo 11:10

Ukhamaw Moisesampi, Aaronampix taqi uka muspharkañanak faraonan nayraqatapan lurapxäna, ukampis Tatitux faraonan chuymap qalarayänwa, faraonasti janiw israelitanakarux Egiptot sarxapxañapatak antutañ munkänti.

Éxodo 11:9

Uka qhipatsti, Tatitux Moisesar saskakïnwa: —Faraonax janiw jumanakar ist'apkätamti, ukhamat nayan jach'a muspharkañ luräwinak Egipto markan juk'amp uñacht'ayañaxataki —sasa.

Éxodo 14:17

Nayaw egipcionakarux chuymap qalarayä jumanakar arktaniñapataki; ukat faraonar nayan ch'aman kankañax uñacht'ayä, ukhamarak carronakaparu, caballonakaparusa.

Éxodo 14:4

Ukampis nayaw faraonarux chuymap qalarayä, ukat jumanakar arktanipxätam; nayasti jupampiru, taqpach ejercitopampiruw ch'amax uñacht'ayä. Ukhamat egipcionakax yatipxani nayan Tatitütaxa” sasa. Israelitanakasti kunjämtix Tatitux siskatayna ukham lurapxäna.

Éxodo 14:8

Tatitusti faraonarux chuymap qalarayäna, ukhamat israelitanakar arktañapataki, israelitanakax wali ch'amaniw mistuwayatayna.

Éxodo 3:19

Nayasti yattwa, Egiptonkir reyix janiw antutañ munapkätamti, ukampis nayaw jupar wayt'ä.

Éxodo 3:20

Ch'amanïtax uñacht'ayä ukatsti kunayman jach'a muspharkañanak lurä, ukanakampiw egipcionakarux t'unjä. Ukkhakiw jumanakarux sarapxañamatak antutapxätam.

Éxodo 7:13

Ukhamäkipansa, faraonax chuymap qalarayasïna, janiw Moisesampiru, Aaronampir ist'añ munkänti, Tatitux siskatayna ukhamarjama.

Éxodo 7:3

Ukampis nayaw faraonarux chuymap qalarayä jan munañapataki, walja muspharkañ uñacht'äwinak Egipton lurarakï.

Éxodo 8:11

11 (7) K'ayra jamp'atunakax reyi utamat jawiraruw sarxapxani. Janiw jumarusa, yanapirinakamarusa, jaqinakamarus q'apisiykxapxätamti —sasa.

Éxodo 8:15

15 (11) Ukampisa, faraonax taqi ukanak jan utjxipansti, chuymap qalarayasïna janiw Moisesampiru, Aaronampir ist'añ munkxänti, kunjämtix Tatitux siskatayna ukarjama.

Éxodo 8:32

32 (28) Ukampis faraonax wasitat chuymap qalarayasïna, ukatsti janiw israelitanakar khithanukuñ munkxarakikïnti.

Éxodo 9:12

Ukampis Tatitux faraonan chuymap qalarayänwa, ukhamat Moisesampiru, Aaronampiru jan ist'añapataki, kunjämtix Tatitux Moisesar siskatayna ukarjama.

Éxodo 9:35

Ukatsti faraonax chuymap qalarayasisax, janirakikiw israelitanakar antutañ munkxänti, kunjämtix Tatitux Moisés tuqi siskatayna ukhamarjama.

Isaías 6:10

Aka markan amuyupsa q'al pixtuntam, ukhamat jan amuyt'asipxañapataki, jinchunakapsti llupantam, ukhamat jan ist'apxañapataki, nayranakapsa juykhu tukuyam, ukhamat jan uñjapxañapataki, ukhamat nayan ukar jan kuttanisipkañapataki, nayan jupanakar jan qullaskañaxataki” sasa.

Isaías 63:17

Tatay, janiy jumat jithiqtat jakayapxistati, janirakiy chuymanakaxsa qalarayapxistati jumar jan jaysañatakixa. Luqtirinakamar munatam laykusay sum tukuyapxita, kawkïri ayllunakatix jumankki ukanak laykusay wasitat munasiñam uñacht'ayapxita.

Juan 12:40

“Diosax jupanakarux juykhu tukuyi jupanakan jan uñjapxañapataki, chuymanakap qalarayi jupanakan jan amuyt'apxañapataki; jupanakan nayar jan kuttanipxañapataki, jupanakar jan k'umarachañaxataki.”

Romanos 1:28

Diosar jan uñt'añ munapxatap laykuxa, jupax jan wali amtäwinakaparuw jaytanuku, kunatix jan lurañäki uk lurapxañapataki.

Romanos 9:18

Ukhamasti Diosax khitirutix munki ukarux khuyapt'ayasiwa, khitirutix chuyma qalarayañ munki ukarusti qalarayarakiwa.

2 Corintios 2:16

Jan qhispiyatanakatakix uka incienso q'aphix jiwayir q'apjamawa, ukampis qhispiyatanakatakix jakañ churir q'apjamawa. ¿Khitirak ukatak wakicht'atasti?

Deuteronomio 2:36

Janiw kawkïri markas jiwasan amparanakasat jaltirjamäkänti; Tatit Diosasaw taqi aka markanak amparasar katuyistu, Arnón jawir thiyankir Aroer sat markat qalltasa, qhirwa chinqankir marka, Galaad uraqkama.

Josué 11:20

Tatituw uka uñisirinakarux chuymanakap qalarayäna israelitanakar saykatañapataki, ukhamat israelitanakan jan khuyapt'ayasis q'al tukjañapataki, kunjämtix Tatitux Moisesar siskatayna ukhamarjama.

1 Pedro 2:8

Qillqatan saskakiwa: “Aka qalax waljaniruw liwisiyani; waljaniw aka qarqar lanktasipxani,” sasa. Jupanakasti Tatitun arunakapar jan iyawsapxatapat liwisipxi, ukatak uchatarakïnwa.