Éxodo 4:15 - Qullan Arunaka DC

¹⁵ Jumasti Aaronar kunanaktix nayax sisksma ukanak yatiyäta, jupan juma lanti markar sañapataki. Nayasti parlapkäta ukkhax jumanakampïskäwa, nayarakiw yatichasipkäma kunanakatix lurapxañamäki ukanaksa.

Aymar Bibliia 1986

¹⁵ Jumasti jilamaruwa yatiyäta cunanactejj parlañamäqui uca arunaca. Nayasti jumanacampïscäwa cunapachatejj parlapcäta ucqhajja, uqhamarac nayaraquiw yatichasipcäma cunanacatejj lurapjjañanacamäqui ucanacsa.

Qullan Arunaca

¹⁵ Jumasti jilamaruwa yatiyäta cunanactejj parlañamäqui uca arunaca. Nayasti jumanacampïscäwa cunapachatejj parlapcäta ucqhajja, uqhamarac nayaraquiw yatichasipcäma cunanacatejj lurapjjañanacamäqui ucanacsa.

Éxodo 4:15 Jak'a apnaqawi uñst'ayäwi

2 Samuel 14:3

Ukatsti reyin nayraqataparuw uñstäta, kuntix nayax siskäma uka arunakxa, ukhampach jupar säta” sasa. Joab chachasti kuntix warmix arsuñapäki uk yaticht'äna,

Salmos 25:12

Tatitur waqaychir jaqirux, kawkïr thaktix sarañapäki uk uñacht'ayi;

Salmos 51:15

15 (17) Tatay, lakaxay jist'arita, lakaxampisti jumar jach'añchasaw q'uchü.

Éxodo 3:12

Tatitusti sarakïnwa: —Moisés, nayaw jumampiskä, naya pachpa jumar khithatax yatiñamatakisti, akäniw chimpuxa: Israelitanakar Egiptot irpsunxät ukapachasti, jumanakax taqiniw aka qullun nayar yupaychapxitäta —sasa.

Éxodo 4:12

Ukhamasti saramaya, parlkäta ukkhax nayaw jumampiskä, nayarakiw kunanaktix arsuñamäki uksa yatichäma —sasa.

Éxodo 4:28

Ukatsti Moisesax, kuntix Tatitux siskatayna ukanak Aarón jilapar yatiyäna, kuna muspharkañanaktix lurañapatak arskäna ukanak yatiyarakïna.

Éxodo 4:30

Aaronasti kunanaktix Tatitux Moisesar siskatayna ukanak jupanakarux yatiyäna, Moisesasti jupanak nayraqatanxa, kawkïr muspharkañ chimpunaktix Diosax lurañapatak siskatayna ukanak lurarakïna.

Isaías 51:16

nayaw alaxpach uskta, aka uraqsa sum sayt'ayta. Nayarakiw lakamarus arunakax uchtxa, ch'amaxampiw imsma. Nayaw Jerusalén markarux ‘Jumax markaxätawa’ ” sarakta.

Isaías 59:21

Tatitux siwa: “Nayaw jumanakampix mä arust'äwi lurta, arsuraktwa, ch'amaxasa, yatichäwinakax churapksma ukanakasa, janipuniw jumanakatxa juk'ampi jayarst'kxaniti, janirakiw wawanakamatsa jayarst'kxaniti, ukanakasti wiñayatakipunïniwa” sasa.

Jeremías 1:9

Ukatsti Tatitux amparap luqtanisin lakaxat llamkt'itu, sarakituwa:

Jeremías 36:32

Ukhamasti Jeremías profetax yaqha jisk'a lip'ichinak aptasin Baruc qillqiriparuw churi, ukatsti jupax kuntix Jeremiasax siskäna taqi uka arunak qillqarakïna, kawkïr qillqattix Joacín reyix nakhantaykäna ukan qillqatäkäna uka kipka arunakarak qillqantayäna. Ukhamarus Jeremiasax uka qillqatarux yaqha arunakampi yapxatarakïna.

Números 16:28

Moisesasti saskakïnwa: —Tatituw taqi akanak lurañaxatak nayar khithanitu, janiw nayax chuymaxatjam kuns lurkti, jichhaw jumanakax uk uñjapxäta.

Números 22:38

Balaamasti sarakïnwa: —Akaxay, nayax akanktwa. Ukampis nayax kuntix Diosax siskitani ukak arsü —sasa.

Números 23:12

Balaamasti sänwa: —Tatitux nayan arsuñax munki uka arunakak saskta —sasa.

Números 23:16

Tatitusti Balaamar uñstasin, kuntix arsuñapäkän uka arunak yatiyäna, juparusti sarakïnwa: —Balac reyin ukar kutt'am, juparusti kuntix sisksma uka pachpa arunak säta —sasa.

Números 23:5

Tatitusti uka pachax, Balaaman lakapar kuntix parlañapäki uka arunak uchäna, jupar sarakïnwa: —Balac reyin ukar kutt'am, juparusti kuntix sisksma uka pachpa arunak yatiyam —sasa.

Mateo 28:20

Taqi kuntix nayax jumanakar yatichapksma ukanak phuqhañ yatichapxam. Nayasti sapürupuniw akapachan tukusiñapkam jumanakampïskä —sasa.

Lucas 21:15

nayaw jumanakarux yatiñ kankañan phuqt'at arunak churapxäma, ukarusti janirakiw khiti uñisirinakamas kun kamsañatakis ch'amanïpkaniti.

1 Corintios 11:23

Nayax yatichapksma ukxa, Tatitut katuqta. Tatit Jesusax aljantatäñapäkän uka arumaw t'ant'a irtäna,

1 Corintios 15:1

Jichhasti jilatanaka, Diosan suma yatiyäwi arunak yatiyapksma ukat amtasipxañam munta. Jumanakax uka suma yatiyäwi arunak iyawsapxta, ukarjamarakiw sayt'atäsipktaxa.

Deuteronomio 18:18

Nayaw jilanakap taypit jumjam profeta sayt'ayä, ukatsti kuntix nayax, parlam siskä uk jupanakar parlañapataki, nayax arskä ukanak sañapataki.

Deuteronomio 5:31

ukampis jumax akankañatakiw kuttanïta. Kamachinak katuyäma jupanakar yatichañamataki, ukhamat jupanakax uka kamachi arunakarjam kuna uraqtix churkä ukan sarnaqapxañapataki’ sasa.

1 Samuel 16:3

Ukatsti Jesé chacharux uka wilañcha luqtäwirux jawsayarakim, ukat kunatix lurañamäki uk nayaw saskäma. Khitirutix nayax ajlliskä ukaru reyitak yaqhacharakim —sasa.