Éxodo 39:13 - Qullan Arunaka DC

¹³ pusïr siqinsti: topacio, ónice, jaspe, uka qalanakaraki. Uka qalanakasti qurit lurat patxarkam uchxatatänwa,

Aymar Bibliia 1986

¹³ Pusïr sekensti: mä topacio, mä ónice, mä jaspe sat kalanacaraqui. Ucampis take aca kalanacasti kori patjjarcam catjjaruyatänwa.

Qullan Arunaca

¹³ Pusïr sekensti: mä topacio, mä ónice, mä jaspe sat kalanacaraqui. Ucampis take aca kalanacasti kori patjjarcam catjjaruyatänwa.

Éxodo 39:13 Jak'a apnaqawi uñst'ayäwi

Génesis 2:12

Uka chiqan utjir qurix sinti sumawa, ukansti resina sat q'apkir qullampi, ónice sat suma qalampiw utjaraki.

1 Crónicas 29:2

Taqi ch'amaxampiw kunatix wakiski ukanak Tatituxan utapatakix wakt'ayta: quri, qullqi, bronce, hierro, lawa, sapa mayatakix yaqha yaqha. Ukhamarak cornalina qala, lip'suyañ qala, mosaico qalanaka, kunayman munkañ qalanaka, walja janq'u qalanaka.

Éxodo 28:11

Uka qalanakxarusti quri yänak lurir jaqiw sutinak uchañapa, kunjämtix chimpuntañatak luratäki ukhama. Ukatsti uka pä qalanak quri patxaruw uchäta,

Éxodo 28:9

“Ukatxa ónice sat suma saminakan pä qalanak katüta, ukarusti Israelan tunka payan wawanakapan sutinakap qillqantäta,

Éxodo 39:12

kimsïr siqinsti: jacinto, ágata, amatista;

Éxodo 39:14

tunka payanirakïnwa, Israelan wawanakapan tunka payanïtapata; sapa qalarusti tunka payan ayllun sutinakapat mä sutimpi, ukasti mä chimpükaspas ukham uchatänwa.

Cantar de los cantares 5:14

amparanakapax qurikamakiwa topacio qalanakamp muyukipata; janchipasti suma llust'achsut marfilar uñtatawa, zafiro qalanakamp k'achachatawa;

Ezequiel 1:16

Uka pusi jach'a muyurinakasti mä kipkakïnwa, kunjämatix luratäpkäna ukhamarusti topacio sat k'ajkir suma qalar uñtataw k'ajapxarakïna. Amuyatat sapa muyurinak taypin yaqha muyuris utjkaspa ukhamänwa.

Apocalipsis 21:20

phisqïristi, ónice qalampi; suxtïristi, cornalina qalampi; paqallqüristi, crisólito qalampi; kimsaqallqüristi, berilo qalanakampi; llätunkïristi, topacio qalanakampi; tunkïristi, crisoprasa qalampi; tunka mayanïristi, jacinto qalanakampi; tunka payanïristi, amatista qalampi k'achachatänwa.