Éxodo 37:9 - Qullan Arunaka DC

⁹ ukhamasti uka pä chhiqhaninakax purapat uñthapisitänwa arca qhuphiñar uñxatata, chhiqhanakapamp arca qhuphiñar janxatata.

Aymar Bibliia 1986

⁹ Ucampis uca pä angelanacajj purapa uñthapisita arca tapa uñjjatatäpjjänwa, ucatsti chhekhanacapampejj arca taparuraquiw janjjatapjjäna.

Qullan Arunaca

⁹ Ucampis uca pä angelanacajj purapa uñthapisita arca tapa uñjjatatäpjjänwa, ucatsti chhekhanacapampejj arca taparuraquiw janjjatapjjäna.

Éxodo 37:9 Jak'a apnaqawi uñst'ayäwi

Génesis 28:12

Uka arumasti mä samka samkasïna, uka samkansti mä escalera uñjäna, uraqit alaxpachkam makhataskiri, ukanjamsti Diosan angelanakapaw makhatasipkäna, saraqasinipkarakïna.

Génesis 3:24

Edén chiqat chachampiru warmimpiru jaqunukusinsti, Diosax uka chiqat inti jalsu tuqirux querubines sat chhiqhaninak usküna, ukansti mä aqkir espada uchäna, ukaw taqi tuqit muytarakïna, ukhamat jan khitis jakañ quqar jak'achasiñapataki.

1 Reyes 6:27

Ukanaksti Salomonax Qullanansa Qullanap chiqawja taypiruw uchäna. Uka chhiqhaninakasti janatatat chhiqhanakanïnwa, maynïrin chhiqhapax mayskat pirqaruw purïna, maynïrin chhiqhapasti mayskat pirqarurakiw purïna, pä chhiqhanakasti Qullanansa Qullanapäki uka chikachikan purapat jikisirakïna.

Éxodo 25:20

purap uñthapisita, arca qhuphiñar uñtatkama, chhiqhanakapasti janatatatäñapawa qhuphiñ patxa ukampi imxatañataki.

Éxodo 37:10

Ukxarusti Besalel chachax acacia lawat mä mesa lurarakïna, ukasti sayt'urux llätunk tunka centimetronïnwa, iranarusti pusi tunka phisqani centimetroni, alayarusti suxta tunka phisqani centimetronirakïnwa.

Éxodo 37:8

Qhuphiñampi chhiqhaninakampix maypach lursutakïnwa, uka chhiqhaninakasti purap thiyat mistsutänwa,

Isaías 6:2

Ninjam k'ajkir serafines satanakaw jupa patxankapxäna. Sapa mayniw suxta chhiqhankamäpxäna. Pä chhiqhampix ajanup imantasipxäna, payampisti, jikhanit aynacharuw imt'asipxäna; payampisti jalnaqapxarakïnwa.

Juan 1:51

Jesusax saskakïnwa: —Qhanak sapxsma, jumanakax alaxpach jist'arat uñjapxäta, Diosan angelanakaparusti, Jaqin Yuqapxar makhataskiri, saraqasinkir uñjapxarakïta —sasa.

2 Corintios 3:18

Ukatpï taqi jiwasanakax, ajanunakasan uka velompi jan imantatäxatap laykux, mä lirphur uñtatjamaw Tatitun qhapaq kankañapat k'ajtanxa, ukatsti jupar uñtataw tukupxaraktan, jupan qhanapax jiwasankatap layku, uksti Ajayükis uka Tatituw jiwasanakatak luri.

Efesios 3:10

Ukhamat jichhax iglesia tuqix alaxpachankir taqi munañaninakasa, jilïrinakas Diosan yatiñ kankañap uñt'apxani, ukasti kunayman tuqit uñacht'ayasi.

Filipenses 3:8

Ukat juk'ampis, taqi kunatix nayan utjkitu ukanaksti chhaqhatäkaspas ukham amuyta, Cristo Tatituxar uñt'añan mä jach'a askïtap layku. Cristo laykusti taqi kun apanukuwayta, Cristor jikxatañ laykusti, t'unarjamaw taqi kun uñjta,

1 Timoteo 3:16

Janiw pächasiñax utjkiti kawkïr chiqa kankañatix iyawsäwisan uñstki ukan jach'ätapata: Cristox jaqir tukt'asaw akapachar jutäna, Ajayütap laykuw atipjawayäna, angelanakan uñjatänwa. Arunakapax markanakar yatiyatänwa, aka uraqpachan juparux iyawsawayapxi, alaxpachansti suma katuqatarakiwa.

Hebreos 1:14

Diosar luqtañanxa, taqpach angelanakaw ajayüpxi, qhispiyasiñ katuqapkani ukanakar yanapt'añatak khithanitawa.

1 Pedro 1:12

Ukampis Diosax jupanakaruxa, kuntix yatiyapkäna ukax jan jupanakatakïtapa, jan ukasti jiwasatakïtap amuyt'ayarakïna. Ukatpï jichhax, jumanakarux uka pachpa arunak khitinakatix parlapktam jupanak tuqi yatiyataxa. Jupanakasti alaxpachat khithanit Qullan Ajayun ch'amapampiw parlapxaraktamxa. Angelanakasti ukanak uñjañ munapxarakïnwa.