Éxodo 37:25 - Qullan Arunaka DC

²⁵ Ukxarusti Besalel chachax incienso q'aphichañ altarxa acacia lawat luräna. Uka altarasti pusi tuqit mä tupunikïnwa, sayt'urux pusi tunka phisqani centimetroni, iranarusti pusi tunka phisqan centimetroni, alayarusti llätunk tunka centimetronirakïnwa. Altaran waxranakapasti altarampix maypach luratakïnwa.

Aymar Bibliia 1986

²⁵ Ucjjarusti Bezaleel chachajj luraraquïnwa mä altara incienso k'aphichañataqui acacia sat lawanacata. Aca altarasti cajonänwa, largorojja pusi tunca pheskani centimetroni, anchorusti pusi tunca pheskani centimetroni, altorusti llätunc tunca centimetroniraqui. Uqhamarac altaran wajjranacapasti maypacha lurataquïnwa altar pachpampejja.

Qullan Arunaca

²⁵ Ucjjarusti Bezaleel chachajj luraraquïnwa mä altara incienso k'aphichañataqui acacia sat lawanacata. Aca altarasti cajonänwa, largorojja pusi tunca pheskani centimetroni, anchorusti pusi tunca pheskani centimetroni, altorusti llätunc tunca centimetroniraqui. Uqhamarac altaran wajjranacapasti maypacha lurataquïnwa altar pachpampejja.

Éxodo 37:25 Jak'a apnaqawi uñst'ayäwi

2 Crónicas 26:16

Ukampis kunapachatix marka apnaqäwipan wali ch'amanïxäna ukkhaxa, jach'a jach'aw tukxäna, ukaw jupar aynacht'ayäna. Jupasti Tatit Diosaparux janiw sum arkkxänti, jach'a jach'a tukuñapampiw Tatitun utaparux altaran incienso nakt'ayañatak mantäna.

Éxodo 31:8

t'ant'a uchañ mesa, yänakapampi, suma qurit lurat candelero, yänakapampi, incienso nakt'ayañ altara,

Éxodo 35:15

incienso nakhayañ altara, kallañapamppacha, luqtañ aceite, suma q'apkir incienso, qullan chiqar mantañatak cortina,

Éxodo 37:24

Candelerompi, ukar uchañ yänakamp lurañatakix, kimsa tunka kimsan kilo quriw wakisïna.

Éxodo 37:26

Ukatsti qurimpiw patxat lip'suyäna, pusi thiyanakapsa, waxranakapsa, qurimpiw muyukipayäna.

Éxodo 40:5

Ukatsti, incienso q'aphichañatak quri altar uchäta, arust'äwi lurat arca uñkatasiru, ukatsti qullan chiqawja mantañar cortina uchäta.

Mateo 23:19

¡Juykhunaka! ¿Kawkïris juk'amp wakiskirixa, luqtati, jan ukax, uka luqtar qullan tukuyir altaracha?

Hebreos 13:10

Jiwasanakan mä altaraw utjistu, uka altaratsti nayra qullan chiqankir sacerdotenakan manq'añapax janiw wakiskiti.

Hebreos 7:25

Ukat jupa tuqi Diosar jak'achasirinakarux wiñayatak qhispiyaspa, jupanakatak Diosar mayiñatakix jupax wiñayatakiw jaki.

Hebreos 9:4

ukawjansti qurit lurat incienso nakt'ayañ altarampi, qurimpi apakipat arust'äwi arcampiw utjäna. Uka arca manqhansti qurit lurat mä chatuw utjäna, uka chatunsti maná sat t'ant'aw uchatäna; Aaronan thujrupax ch'uxñatatkatayna, ukhamarak tunka kamachi qillqat qalanakas arca manqhankänwa.

1 Pedro 2:5

Ukatpï Diosax jakkir qalanak tukuyapxätamxa, uka qalanakampix ajay templo sayt'ayani, jumanakarux qullana sacerdotenak tukuyani, Jesucristo tuqi ajayun suma luqtäwinakam Tatitur churañataki.