Éxodo 35:3 - Qullan Arunaka DC

³ Kawkhantix jumanakax jakapkäta ukanxa, sábado urux janipuniw kuna ninsa naktayapxätati” sasa.

Aymar Bibliia 1986

³ Uqhamarac cawqhantejj jumanacajj jacapcta ucanjja samarañ urojj janipuniw cuna ninsa nactayapjjaraquïtati” sasa.

Qullan Arunaca

³ Uqhamarac cawqhantejj jumanacajj jacapcta ucanjja samarañ urojj janipuniw cuna ninsa nactayapjjaraquïtati” sasa.

Éxodo 35:3 Jak'a apnaqawi uñst'ayäwi

Éxodo 12:16

Ukatsti nayrïr urumpi, paqallqüri urumpix mä qullan tantachasïwi lurapxäta. Uka urunakansti janiw kunsa lurapxätati, jan ukasti kunatix manq'añatak phayañäki ukak lurapxäta.

Éxodo 16:23

Moisesasti jupanakar sänwa: —Tatituw ukham lurañatak arsu. Qharürux sábado uruwa, Tatitur luqtat samarañ uruwa. Kuntix phayasipxañamäki ukxa jichhür phayasipxam, kuntix qhatiyasipxañamäki uksa jichhür qhatiyasipxam; jilt'kani ukxa qharürutak imasipxam —sasa.

Éxodo 20:9

Jumax suxta uruw irnaqäta, taqi kuntix lurañamäki ukanakxa, ukürunakaw luräta,

Éxodo 23:12

“Suxta uruw taqi lurañanakam luräta, paqallqüri urusti samarätawa, ukhamata vacamasa, asnomasa samarañapataki; ukatsti uywatamasa, yaqha markankir jaqis ch'ama katxatañapataki.

Éxodo 31:15

Suxta uruw irnaqasini, ukampis paqallqüri urux Tatitur luqtat samarañ uruwa. Khititix uka urun kunsa lurkani ukaxa, jiwayatäniwa.’

Éxodo 35:4

Moisesasti taqpach israelitanakaruw akham säna: “Tatitux taqi akanak lurañas muni:

Isaías 58:13

“Sábado urxa yäqapxapunim; uka qullan uruxansti janipun kuna aljasiñanakansa sarnaqapxamti, uka urusti jumanakatakix kusisiñ urüñapawa, mä qullan urüñaparakiwa. Uka urux Tatitur luqtat urüñapawa. Ukham uka uruxarux yäqapxäta, jan kuna aljasiñanakar uskusisa, jan wali arunak jan parlasa.

Levítico 23:3

“Suxta uruw irnaqäwim luräta, ukampis paqallqu urunsti janipuniw kunsa lurätati; uka urux samarañ urüniwa, uka urusti mä qullana tantachasïwi luräta. Kawkhansa jakaskam, uka urux Tatitur yupaychañ urüniwa.