Éxodo 34:18 - Qullan Arunaka DC

¹⁸ “Jan levaduran t'ant'a manq'añ uru uruyapxäta, nayax sapksma ukhamarjam paqallqu uruw jan levaduran t'ant'a manq'apxäta. Abib sat phaxsina, uka phaxsin Egipto markat mistunipxatam layku.

Aymar Bibliia 1986

¹⁸ “Jumanacasti lurapjjätawa jan levaduran t'ant'a mank'añ fiesta, cunjämtejj sapcsma uqhamarjama, pakallko uruwa jan levaduran t'ant'a mank'apjjäta. Abib sat phajjsina, jumanacajja uca Abib sat phajjsinwa Egiptota mistunipjjtajja.

Qullan Arunaca

¹⁸ “Jumanacasti lurapjjätawa jan levaduran t'ant'a mank'añ fiesta, cunjämtejj sapcsma uqhamarjama, pakallko uruwa jan levaduran t'ant'a mank'apjjäta. Abib sat phajjsina, jumanacajja uca Abib sat phajjsinwa Egiptota mistunipjjtajja.

Éxodo 34:18 Jak'a apnaqawi uñst'ayäwi

Éxodo 12:2

“Aka phaxsix jumanakatak mä suma jach'a phaxsïniwa, mara qallta phaxsïniwa.

Éxodo 12:42

Uka aruman Tatitux israelitanakar Egipto uraqit irpsxañataki uñch'ukiyaskäna. Uka arumasti Tatitutaki satawa, ukat uka arumanxa israelitanakaxa, wawanakapan wawanakapas arum paqari suyapxañaparaki, Tatitun jupanak layku ukham luratap amtasisa.

Éxodo 13:3

Ukat Moisesax israelitanakar säna: “Aka urut amtasipxapunïtawa, aka urun Tatitux jach'a ch'amapamp Egipto uraqit jumanakar irpsunipxtam, t'aqhisiyat jakapkäyät uka uraqita. Janiw levaduran t'ant'a manq'apxätati.

Éxodo 13:4

Jichhürux Abib phaxsiwa, uka phaxsin mistunipxtaxa,

Éxodo 23:14

“Nayar jach'añchañatakisti maran kimsa kutiw uruyañ uru luräta.

Éxodo 23:15

Jan levaduran t'ant'a manq'añ uru uruyäta, arsutaxarjamasti paqallq uruw jan levaduran t'ant'a manq'äta. Abib sat phaxsin luräta, uka phaxsin Egiptot mistunitam layku. Ukampis uka uruyäwirux janiw khitis ukhamak jan kun apanis nayar uñstir jutañapäkiti.

Levítico 23:6

“Uka pachpa phaxsina tunka phisqani uru saraqatarusti, jan levaduran t'ant'anak manq'añ phunchhäwi amtapxarakïta. Paqallqu urunakaw jan levaduran t'ant'a manq'apxäta.

Números 28:16

“Sapa mara qallta phaxsina, tunka pusin uru saraqatarusti, Pascua uruyapxäta, Tatitun jach'a kankañapat amtasisa,

Números 28:17

tunka phisqan uru saraqatasti, jach'a urüniwa. Paqallq uruw jan levaduran t'ant'a manq'apxäta.

Marcos 14:1

Israelitanakan Pascua uru uruyañatakix pä urukixänwa, uka urun jan levaduran t'ant'a manq'apxirïna. Jilïr sacerdotenakampi, kamachi yatichirinakampisti kunjäm tuqitsa Jesusarux katuntañpin munapxäna, ukat jupar jiwayañataki.

Lucas 22:1

Jan levaduran t'ant'a manq'añ urux jak'ankxänwa, jan ukax, Pascua uru sataraki.

Hechos 12:3

Judionakatak uka luratan walïtap uñjasinsti, Herodesax Pedroruw katuntayarakïna. Uka urunakasti jan levaduran t'ant'a manq'añ uruyañ urunakänwa.