Éxodo 33:9 - Qullan Arunaka DC

⁹ Moisesax Carpar mantkän ukapachasti, sayt'u qinayax saraqanisin Carpa punkuruw sayt'äna, ukchañkamasti Tatitux Moisesaruw parläna.

Aymar Bibliia 1986

⁹ Cunapachatejj Moisesajj uca Carparu mantcäna ucqhasti mä sayt'u kenayawa alajjpachat saraktanisa uca Jiquisiñ Carpa puncuru sayt'äna, uccañcamasti Tatitojj Moisesaruw parläna.

Qullan Arunaca

⁹ Cunapachatejj Moisesajj uca Carparu mantcäna ucqhasti mä sayt'u kenayawa alajjpachat saraktanisa uca Jiquisiñ Carpa puncuru sayt'äna, uccañcamasti Tatitojj Moisesaruw parläna.

Éxodo 33:9 Jak'a apnaqawi uñst'ayäwi

Génesis 17:22

Diosasti Abraham chachampi parlañ tukuyasinxa, uka chiqat sarxänwa.

Génesis 18:33

Kunapachatix Tatitux Abraham chachampi parlañ tukuyxän ukkhaxa, uka chiqat sarawayxänwa; Abrahamasti utjasïwiparuw kutt'xäna.

Salmos 99:7

Diosax qinay taypitpach jupanakarux parläna, kamachi arunakap churäna jupanakasti uka arunakap phuqhapxäna.

Éxodo 25:22

Nayax arust'äwi arca patxankki uka pä querubines sat chhiqhaninak taypin jumampix jikisï. Ukatsti, uka patatpach israelitanakan lurapxañapäki ukanak yatiyäma.

Éxodo 31:18

Tatitux Sinaí qullun Moisesar parlañ tukt'aykän ukapachaw, tunka kamachinakan qillqantat pä qala tablanak jupar churäna, ukanakasti pachpa Diosan ampar luk'anapamp qillqatänwa.

Éxodo 33:10

Jaqinakasti Carpa mantañar qinayan sayt'ipanxa, sapa mayniw carpanakap punkun killt'asis Diosar yupaychapxäna.

Éxodo 33:11

Diosasti Moisesampix ajanuy ajanuw parläna, kamisatix mä jaqix jila masipamp parlaski ukhama, ukatsti Moisesax campamentoruw kutt'anxäna. Ukampis jupan yanapiripa, Nun chachan yuqapa Josué waynaxa, Tatitump Jikisiñ Carpat janipuniw mistunirïkänti.

Éxodo 33:8

Moisesax Carpar sarkän ukapachasti, taqiniw sartasipxäna, carpanakapat mistunisaw punkur sayt'at uñch'ukipxäna Moisesan carpar mantañapkama.

Éxodo 34:3

Janiw khitis jumamp chikax makhataniñapäkiti, janiw khitis qullu jak'an sarnaqañapäkiti; janirakiw ovejanakasa, vacanakas qullu jak'an manq'añapäkiti —sasa.

Éxodo 34:5

Ukatsti Tatitux qinayanjam saraqanïna, ukan Moisesamp parläna, jupan sutip arsusïna.

Éxodo 34:9

—¡Tatay! ¡Tatay! Chiqpachapun khuyapayasiñam jikxatsta ukax, nanakamp chikay saram. Chiqpachansa aka jaqinakax jan ist'asirïpxiwa, ukampis nanakan juchanakaxata, jan wali luratanakaxatsa pampachapxitaya, jumatakjam tukt'ayasay katuqt'asxapxita —sasa.

Ezequiel 3:22

Tatitusti ukkhanpach amparap luqxatasin sarakitu: “Sartasim, pampa tuqir saram, ukan nayax jumar parlxayäma” sasa.

Números 11:17

Nayax saraqanisin jumar parläma, ukatsti juman ajayumat apaqasaw uka jilïr jaqinakar churä, jumar aka marka apnaqañ yanapt'añapataki; jan juma sapak taqi kun luraskañamataki.

Números 7:89

Moisesax Tatitump parlañatak Jikisiñ Carpar mantkän ukapachasti, Tatitun jupar parlaskatap ist'äna, arust'äwi arcan qhuphiñ patapankir pä querubines sat chhiqhaninak taypita.

Deuteronomio 31:14

Tatitux uka qhipat Moisesarux säna: “Niyaw jumatak jiwañam urux jak'achasisinki; ukhamasti Josué chachar jawsam, ukatsti Jikisiñ Carpar panin jutapxam, ukan nayax kuntix lurapxañamäki ukanak sapxäma” sasa. Moisesampi Josué chachampisti Jikisiñ Carparuw sarapxäna,

Deuteronomio 31:15

ukansti punku mantañ chiqan Diosax qinay taypin jupanakarux uñstäna.