Éxodo 33:7 - Qullan Arunaka DC

⁷ Moisesasti campamentot jaya chiqaruw mä carpa uchäna, ukarusti Diosampi Jikisiñ Carpa sasaw sutichäna. Tatitur jiskt'asiñ munirinakaxa, Carparuw sarirïna, ukasti campamento anqäxankänwa.

Aymar Bibliia 1986

⁷ Moisesasti Diosampi jiquisiñ sat waquichat carpsti campamentotjja jaya chekaruw aptäna, ucsti sutichänwa Diosampi Jiquisiñ Carpa sasa. Ucampis qhititejj Tatituru cunsa jisct'asiña munqui ucajja saränwa campamentot ankäjjancqui uca Carparu.

Qullan Arunaca

⁷ Moisesasti Diosampi jiquisiñ sat waquichat carpsti campamentotjja jaya chekaruw aptäna, ucsti sutichänwa Diosampi Jiquisiñ Carpa sasa. Ucampis qhititejj Tatituru cunsa jisct'asiña munqui ucajja saränwa campamentot ankäjjancqui uca Carparu.

Éxodo 33:7 Jak'a apnaqawi uñst'ayäwi

2 Samuel 21:1

Davidan urunakapan mä jach'a mach'aw utjäna, ukasti kimsa maränwa. Ukat Davidax Tatitur jiskt'asïna, Tatitusti jupar sänwa: “Aka mach'ax Saúl reyin juchanakap layku, wila masinakapan juchanakap laykuw utji, gabaonita jaqinakar jiwarayapxatap layku” sasa.

Salmos 10:1

Tatay, ¿kunatarak nayat jayanktasti? ¿Kunatarak t'aqhisiñaxan nayat imantastasti?

Salmos 27:8

Chuymaxax situwa: “Tatitur thaqtam.” Nayasti, Tatay, jumaruw thaqtsma.

Salmos 35:22

¡Tatay, jumaw taqi kun uñjtaxa! ¡Janikiy amukt'amti! ¡Janikiy nayat jayarst'amti!

Éxodo 18:12

Jetró chachasti ukspachaw mä uywa katusin nakt'at wilañcha Diosar luqtäna, ukhamarak yaqha waxt'anakampi. Uka qhipatsti, Aaronampi, Israelan jilïrinakapampix Moisesan awkch'ipamp chikaw Diosan nayraqatapan manq'apxäna.

Éxodo 18:7

Moisesasti Jetró awkch'ipar katuqiriw mistuwayäna. Ukatsti jupan nayraqatapan alt'asisaw jamp'att'arakïna; aruntasisasti chhujllaruw mantapxi.

Éxodo 33:6

Ukat, israelitanakax Horeb qullun jikxatasipkän ukkhatpach suma quri yänakap jan uchaskxapxänti.

Éxodo 33:8

Moisesax Carpar sarkän ukapachasti, taqiniw sartasipxäna, carpanakapat mistunisaw punkur sayt'at uñch'ukipxäna Moisesan carpar mantañapkama.

Proverbios 15:29

Tatitux ñanqha lurir jaqinakat jithiqtiwa, aski jaqinakan mayisitanakapsti ist'iwa.

Isaías 59:2

Ukampisa jumanakan ñanqha luratanakamasti, mä pirqjamaw Tatitut jaljtayapxtam; jumanakan juchanakam laykuw Tatitux jinchunakapsa llupantasi, janirakiw ist'añsa munapktamti.

Oseas 9:12

Wawanakapar uywasipkchini ukasa, uka wawanakap jan mayan aparäxa. ¡Jupanakar apanukkä ukapachaxa, kunakïkani aka jaqinakatxa!

Deuteronomio 4:29

Ukampis jumanakatix uka chiqan Tatit Diosamar taqi chuymampi, taqi jakañampirak thaqhapxäta ukaxa, jikxatapxätawa.

Hebreos 8:2

ukatsti sacerdotjamax chiqpach qullan utan lurañampiw phuqhi, uka utasti Tatitun luratänwa, janiw jaqinakan luratäkänti.