Éxodo 33:16 - Qullan Arunaka DC

¹⁶ Jumatix nanakamp jan sarkasma ukasti ¿kunjämatarak yatipxiriststi markamasa, nayasa juman yanapamamp sarasipkataxsti? Juman yanapamampikiw markamampi, nayampix aka uraqin utjir yaqha markanakat mayjäpxirista —sasa.

Aymar Bibliia 1986

¹⁶ Jumatejj jan nanacampi sarcasma ucajj ¿cunjämataraqui yatisispasti jakenacamasa, nayasa juman yanapamampi sarasipcatajjatsti? Ucampis juman yanapamampiquiwa jakenacamasa, nayasa take aca oraken jaquir jakenacans uñjcata mayja uñstapjjeristjja —sasa.

Qullan Arunaca

¹⁶ Jumatejj jan nanacampi sarcasma ucajj ¿cunjämataraqui yatisispasti jakenacamasa, nayasa juman yanapamampi sarasipcatajjatsti? Ucampis juman yanapamampiquiwa jakenacamasa, nayasa take aca oraken jaquir jakenacans uñjcata mayja uñstapjjeristjja —sasa.

Éxodo 33:16 Jak'a apnaqawi uñst'ayäwi

2 Samuel 7:23

¡Janirakiw Israel markamjamas yaqha markax aka uraqin utjkiti! Jumaw Tatay, juman markamäñatak qhispiytaxa, ukatsti wali aytat markaruw tukuyaraktaxa, jach'a muspharkañ luräwinak jupanakatak lurasa. Egiptot qhispiyanit markam nayraqatatsti jumaw yaqha markanakarusa, diosanakaparus jaqunuktaxa.

1 Reyes 8:53

Tatay, jumaw taqi aka uraqin utjir markanak taypit markamar jumatak yaqhachastaxa, kunjämtix Moisés luqtirim tuqi arsktaxa, kunapachatix nayra awkinakaxar Egiptot jumax irpsunkta ukapacha” sasa.

Salmos 147:20

Janiw kawkïr markampis ukham lurkänti, uka markanakax janipuniw arsutanakap uñt'apkänti. ¡Tatitur yupaychapxañäni!

Éxodo 34:10

Tatitusti Moisesar sänwa: “Sum ist'am, taqpach markamampiw mä arust'äwi lurä. Jach'a muspharkañanak lurä, janiw kawkha uraqinsa, kawkha markansa ukhamax luraskänti. Jumanakax jakapkät uka markanakan taqi uka jaqinakaw uñjani kuntix naya, Israelan Tatitupax lurkä ukxa. Ukhamasti nayax jumanakatak lurkä ukanakax wali muspharkañäniwa.

Éxodo 34:9

—¡Tatay! ¡Tatay! Chiqpachapun khuyapayasiñam jikxatsta ukax, nanakamp chikay saram. Chiqpachansa aka jaqinakax jan ist'asirïpxiwa, ukampis nanakan juchanakaxata, jan wali luratanakaxatsa pampachapxitaya, jumatakjam tukt'ayasay katuqt'asxapxita —sasa.

Éxodo 8:22

22 (18) Ukampisa, Gosen uraqin janiw ukax utjkaniti, markaxan ukan jakatap layku. Ukhamat yatïta naya, Tatitun aka uraqinkataxa.

Levítico 20:24

Nayasti sapxsmawa, kawkïr uraqtix nayax churapkäma uka jaqinakan uraqinakapax jumanakankxaniwa. Uka uraqisti wali suma uraqipuniwa, manq'añanakamas jan tukuskayapunïniwa. “Nayätwa jumanakan Tatit Diosamaxa, jumanakarusti nayaw yaqha markanakat sipan mä suma marka yaqhachapxsma.

Levítico 20:26

Jumanakasti nayatakix q'uma jaqinakäpxam, naya Tatit Diosamasti q'umätwa, ukampis yaqha markanakat sipan nayan markaxäpxañamatakiw yaqhachapxsma.

Números 14:14

Canaán uraqinkir jaqinakaruw yatiyapxani. Jupanakax ist'apxarakiw juma, Tatitun aka marka taypinkaskatama, ajanuy ajanu uñjayasitama, qinayamas jupanak patxankaskatapa; urunsti jupanakan nayraqatap mä qinay tuqi saraskatama, arumansti mä nina tuqirak saraskatama.

Números 23:9

Aka jach'a qarqanak patat uñjta, aka quntu patanakat uñtarakta; yaqhachat markaw jakasi, janiw yaqha markanakjamäkisa.

Mateo 1:23

“Chacha jan uñt'ir mä tawaquw usur jaqiptani, jupasti mä yuqall wawa wawachasini, juparusti Emanuel sutimpiw sutichani.” (ukasti: “Diosax jiwasampiwa” sañ muni).

2 Corintios 6:17

Ukat Tatitux sarakiwa: “Jupanak taypit mistupxam, jithiqtapxarakim; kunatix q'añüki uk jan llamkt'apxamti. Nayasti jumanakar katuqxapxämawa,

Deuteronomio 4:34

¿Utjarakpachati mä diosasa markaparu yaqha markanak taypit ajlliri, wali yant'anakampi, uñacht'äwinakampi, muspharkay luräwinakampi, nuwasiñanakampi, ukatsti wali ch'aman amparampi katuntasa, wali axsarkañ luräwinak luriri, kunjämatix Tatit Diosamax jumanakatak Egipto markan lurkäna ukhamsti?

Deuteronomio 4:7

¿Kawkïr jach'a markan diosaparak jupanak jak'anki, kamisatix Tatit Diosasax jupar art'asipktan ukapacha jiwasanak jak'ankki ukhamsti?