Éxodo 33:11 - Qullan Arunaka DC

¹¹ Diosasti Moisesampix ajanuy ajanuw parläna, kamisatix mä jaqix jila masipamp parlaski ukhama, ukatsti Moisesax campamentoruw kutt'anxäna. Ukampis jupan yanapiripa, Nun chachan yuqapa Josué waynaxa, Tatitump Jikisiñ Carpat janipuniw mistunirïkänti.

Aymar Bibliia 1986

¹¹ Diosasti, Moisesampejj ajanuy ajanuwa parlapjjäna, cunjämatejj qhitisa mä amigopampejj parlasqui uqhama. Ucatsti Moisesajj Diosampi parlaniwayasinjja campamentoruw cutt'anjjäna. Ucampis Nun sat chachan Josué yokapasti Moisesan yanapiripänwa, ucat aca waynasti Tatitumpi Jiquisiñ Carpatjja janipuniw mistuniricänti.

Qullan Arunaca

¹¹ Diosasti, Moisesampejj ajanuy ajanuwa parlapjjäna, cunjämatejj qhitisa mä amigopampejj parlasqui uqhama. Ucatsti Moisesajj Diosampi parlaniwayasinjja campamentoruw cutt'anjjäna. Ucampis Nun sat chachan Josué yokapasti Moisesan yanapiripänwa, ucat aca waynasti Tatitumpi Jiquisiñ Carpatjja janipuniw mistuniricänti.

Éxodo 33:11 Jak'a apnaqawi uñst'ayäwi

Génesis 32:30

30 (31) Jacobusti uka chiqarux Penuel sasaw sutichäna, sarakïnwa: “Diosarux ajanuy ajanuw uñkatta, ukampis jakaskaktwa” sasa.

2 Crónicas 20:7

Nanakan Diosaxay, jumaw Israel markan nayraqatapat aka uraqin jakir jaqinakarux jaqunuktaxa, ukatsti juman munata Abrahaman wawanakaparuw wiñayatak churxtaxa.

Job 16:21

nayat arxatasis Dios nayraqatan arsuri, kunjämtix mä jaqin nayraqatapan maynit arxatasis arsuski ukhama.

Éxodo 17:9

Ukat Moisesax Josué chachar säna: —Mä qawqha chachanak ajlliwayasin amalecitanakamp nuwasir saram. Nayasti arumanthix qullu patan Diosan thujrup amparaxar ayt'ataw ukankä —sasa.

Éxodo 24:13

Moisesasti sartasin Diosan qulluparuw makhatäna Josué yanapiripamp chika.

Éxodo 32:17

Josué chachax jaqinakan arnaqasitanakap ist'asax Moisesar sänwa: —Nuwasïwin arnaqasitanakjamaw campamentot ist'asi —sasa.

Éxodo 33:10

Jaqinakasti Carpa mantañar qinayan sayt'ipanxa, sapa mayniw carpanakap punkun killt'asis Diosar yupaychapxäna.

Éxodo 33:9

Moisesax Carpar mantkän ukapachasti, sayt'u qinayax saraqanisin Carpa punkuruw sayt'äna, ukchañkamasti Tatitux Moisesaruw parläna.

Isaías 42:8

Nayätwa Tatituxa, ukaw sutixaxa, janiw nayar jach'achañapäki uk yaqhar churaykäti, janirakiw naya lantxa yaqha diosanakarus yupaychaykäti.

Números 11:28

Ukat Josué sat Nun chachan yuqapa, khititix Moisesar waynatpach yanapkän ukax säna: —¡Moisés, tatay, uka arunak jan parlayamti! —sasa.

Números 12:7

ukampis Moisés luqtirixampix janiw ukham lurkti. Jupax taqpach luqtirinakaxat sipan aski jaqipuniwa,

Números 12:8

jupampisti ajanuy ajanuw parlta, qhana arunakampiraki. Jupatix ajanuy ajanu uñjchitu ukasti, ¿kunatarak jumanakasti jupar k'umipxtasti?” sasa.

Juan 11:11

Ukatsti Jesusax saskakïnwa: —Lázaro jilat masixax ikt'askiwa, nayaw jupar sartayir sarä —sasa.

Juan 3:29

Mä jaqichasïwinxa, jaqichasir tawaqumpi mayachasirix jaqichasir waynawa; jaqichasir waynan jila masipax, arsutap ist'asin wal kusisi. Uka pachparakiw nayax kusista.

Deuteronomio 31:14

Tatitux uka qhipat Moisesarux säna: “Niyaw jumatak jiwañam urux jak'achasisinki; ukhamasti Josué chachar jawsam, ukatsti Jikisiñ Carpar panin jutapxam, ukan nayax kuntix lurapxañamäki ukanak sapxäma” sasa. Moisesampi Josué chachampisti Jikisiñ Carparuw sarapxäna,

Deuteronomio 34:10

Israel marka taypinsti, janiw Moisés profetjamax yaqha profetax Tatitumpi ajanuy ajanu parlirix utjkxänti.

Deuteronomio 5:4

Diosasti mä nina taypit jumanakampix ajanuy ajanu parli.

Santiago 2:23

Ukhamaw qillqatax phuqhasïna: “Abrahamax Diosaruw iyawsäna, ukat Diosax askit katuqäna” sasa. Abrahamasti Diosan jilat masipa satarakïnwa.