Éxodo 32:32 - Qullan Arunaka DC

³² Jupanakar juchanakap pampachakimaya; jan pampachkäta ukasti, ¡juman qillqatamat nayan sutix apsxita! —sasa.

Aymar Bibliia 1986

³² Ucampis nayajj achict'asmawa perdonamay juchanacapjja, jan perdonañ muncsta ucajja, ¡sutejja apsjjam cawquïr librorutejj kellktajja ucata! —sasa.

Qullan Arunaca

³² Ucampis nayajj achict'asmawa perdonamay juchanacapjja, jan perdonañ muncsta ucajja, ¡sutejja apsjjam cawquïr librorutejj kellktajja ucata! —sasa.

Éxodo 32:32 Jak'a apnaqawi uñst'ayäwi

2 Samuel 18:33

33 (1) Uk ist'asasti, reyix chuymap ch'allxtayasïna; ukat punku patankkän uka utar makhatasin walpun jachäna, sarakïnwa: “¡Ay, Absalón, wawaxay! ¡Wawaxay, Absalón wawaxay! ¡Nayakis juma lanti jiwiriskäyäta! ¡Wawaxay, Absalón wawaxay!” sasa.

Salmos 139:16

Nayranakamax janchixan lurasitap uñjäna; taqi ukanakasti qillqatamar qillqantatänwa. Jakañ urunakaxax suma jakhutänwa, nayrïr uru janïr purinkipana.

Salmos 56:8

8 (9) Diosaxay, jaltatanakaxax juman jakhutawa; jumaw jachatanakaxsa yattaxa. ¿Janit ukanakast qillqataman qhanäkisti?

Salmos 69:28

28 (29) ¡Jakañ qillqat taypit sutip apsum! ¡Janipun aski jaqinakampi chik qillqantamti!

Éxodo 32:10

¡Jichhax janis kunsa arxaykita, sinti q'apisitapunïtwa, jupanakarux taq t'unjä! Ukampis wawanakamat mä jach'a marka sayt'ayä —sasa.

Ezequiel 13:9

K'ari unañchäwinak uñjiri profetanakaru, k'ari profecía arunak parliri profetanakarus mutuyäwa. Israel markaxan tantachasïwinakapansti janiw kuna parlañanakapas utjkaniti; sutinakapasti janiw israelitanak taypin qillqatäkaniti, janirakiw israelitanakan uraqinakaparus mantapkaniti. Ukapachaw jumanakax nayan Tatitütax yatipxäta.’

Daniel (hebreo) 12:1

“ ‘Ukapachaw Israel markan arxatiripa Miguel jilïr angelax uñstanini. “ ‘Ukasti llakisiñ urunakäniwa, uka urunakjamasti janipuniw kunapachas utjkänti, markanakan utjatapat aksaru. Uka urux purinkani ukapachasti, markamankirinakat qillqatan qillqantatäpki ukanakax, taqiniw qhispipxani.

Amós 7:2

Kunapachatix t'iju t'ijunakax qhipa ch'uxñanakamppacha manq'antkäna ukkhaw sista: —¡Tatay, pampacht'apxita! ¿Kamisarak taqi akanak mutupxästi? Nanakax mä jisk'a markakïpxstxaya —sasa.

Malaquías 3:16

(Tatitur axsartas sarnaqirinakasti jupanakkamaw parlasipxäna, Tatitusti jupanakar ist'änwa. Ukatsti, jupan nayraqatapan qillqasïna, Tatitur axsartañampi yäqirinakataki, sutip waqaychirinakataki).

Malaquías 3:17

Taqi ch'aman Tatitux siwa: “Niyaw urux purisinki, jupanakax wasitat nayankxani uka uruxa. Jupanakax nayatakix mä suma imat qurïkaspas ukhamäniwa, janiw kunampis jupanakar ñanqhachkäti; kunjämtix mä awkix wawapat khuyapayaski ukhamaw jupanakat khuyapayasirakï.

Números 11:15

Jumatix nayar ukham luraskakitätaxa, jakañaxak apaqxita chiqpachan munaschista ukaxa. Ukataq jan walt'añan uñjasiñaxax tukusxaspawa —sasa.

Números 11:25

Ukapachasti Tatitux qinayanjam saraqanisinxa, Moisesampiw parläna; ukatsti Moisesan utjkän uka ajayut apaqäna, ukatsti uka paqallq tunka jilïr jaqinakaruw churäna, ajayux jupanakxar purkän ukkhasti, jupanakax Tatitut katuqat arunak yatiyañ qalltapxäna; ukasti mä kutikiw ukham lurasïna.

Números 14:19

Tatay, munasiñamax sinti jach'awa, aka markan juchanakap pampachakimaya, kamisatix Egiptot akakam khuyapt'ayaskta ukhama.

Lucas 10:20

Ukampis jan kusisipxamti ñanqha ajayunakan jumanakar jaysapxatam laykuxa, jan ukasti sutinakamax alaxpachan qillqantatäxatapat kusisipxam —sasa.

Lucas 23:34

Jesusasti sänwa: “Awkixay, aka jaqinakar pampacham, jupanakasti janiw kuna luratapsa yatipkiti” sasa. Soldadonakasti Jesusan isip jupanakkam jaljasiñatakix suerte jaqtapxäna.

Romanos 9:3

naya pachpaw ñanqhachat uñjasiñ munirista, Cristot jayarst'ata, ukhamat marka masinakaxarux yanapt'irista.

Deuteronomio 25:19

Ukhamasti, kunapachatix Tatit Diosamax churkätam uka uraqin taqi uñisirinakamat qhispiykätam ukapachaxa, jumanakax Amalec chachan sutip aka uraqit chhaqtayapxañamawa. ¡Janipun uk phuqhañ armasipxamti!

Deuteronomio 29:20

20 (19) Tatitux janiw uka jaqirux pampachañ munkaniti, jan ukasti uka jaqirux q'apisiñampiw mutuyani, ukatsti aka qillqatan utjki uka ñanqhachäwinakaw jupxankani, Diosasti uka jaqin saraqirinakap q'al aka uraqit chhaqtayarakini.

Deuteronomio 9:14

Jumax sartam, nayaw aka marka t'unjä, aka uraqit chhaqtayarakï, jan mayamp amtasiñataki, ukampis jumarux jupanakat sipan ch'amani mä jach'a marka tukuyäma’ sasa.

Filipenses 4:3

Juma, nayampi chik irnaqiri, jumaruw uka kullakanakar yanapt'añamatak achikt'assma, jupanakasti nayamp chikaw qhispiyasiñ arunak yatiyañan irnaqapxäna, Clemente jilatampi, mayni yanapirinakaxampi kunaw irnaqapxäna. Jupanakan sutinakapasti wiñay jakañ qillqatan qillqantatäxiwa.

Apocalipsis 17:8

Jumax uñjkta uka axsarkañ animalax nayrapachan jakkäna ukawa, jichhasti ukax janiw jakkxiti, ukampis aka uraqi manqhat mistsunini, jiwañar janïr sarkasa. Uraqin jakirinakasti, khitinakantix sutinakapax akapach qalltatpach jakañ qillqatan jan qillqantatäki ukanakasti, uka axsarkañ animalar uñjasax walpun muspharapxani, uka axsarkañ animalasti nayraw utjäna, jichhasti janiw utjkxiti, ukampis wasitat uñstanini.

Apocalipsis 21:27

Janipuniw uka markarux kuna q'añus mantkaniti, janirakiw k'ari diosanakar yupaychirinakasa, sallqjirinakas mantkaniti. Jan ukasti, khitinakan sutipatix Corderon wiñay jakañ qillqatapan qillqatäki ukanakakiw uka markarux mantapxani.

Apocalipsis 22:19

Khititix akan qillqatäki uka profecía arunakata kunsa apaqanixa, janiw Diosax jakañ churir quqan achupat jupar jalt'asiykaniti, janirakiw akan qillqatäki uka qullan markar mantaykaniti.

Apocalipsis 3:5

Jan walt'äwinak atipjirinakaru, nayar iyawsañ katxäsirinakarux, janq'u isimpiw isthapiyä, janirakiw wiñay jakañ qillqatat sutinakap apanukkäti, jan ukasti, Awkixan nayraqatapana, angelanakap nayraqatan jupanakarux uñt'asxä.