Éxodo 32:20 - Qullan Arunaka DC

²⁰ ukatsti uka quri vaca qallu katusin ninampiw phichkatäna, ukatxa laq'ar tukuyañkam k'iyjasin umaruw willintäna; ukatsti israelitanakarux uka uma umantayarakïna.

Aymar Bibliia 1986

²⁰ Ucampis uca korit lurat vaca kallu catusinjja ninampiw phichcatäna, ucatsti lak'jam ñut'u q'iyjasinjja umaru willintasinwa uca umjja israelitanacarojj umantayaraquïna.

Qullan Arunaca

²⁰ Ucampis uca korit lurat vaca kallu catusinjja ninampiw phichcatäna, ucatsti lak'jam ñut'u q'iyjasinjja umaru willintasinwa uca umjja israelitanacarojj umantayaraquïna.

Éxodo 32:20 Jak'a apnaqawi uñst'ayäwi

1 Reyes 15:13

Maacá awichaparusti, tayka reina kankañap apaqarakïna, Astarté diosar uñtasit lurayatap layku. Asá reyix uk t'unjasin Cedrón sat uma jalsu chiqan nakhantayäna.

2 Reyes 23:15

Ukatsti Betel chiqan utjir altarampi, yupaychañ utanakapampi, kawkïrinaktix israelitanakaru juchar puriyiri Nabat chachan Jeroboam yuqapax lurkäna ukanakxa, Josías reyix laq'ar tukuyañkamaw tukjäna, ukatsti ninampiw nakhantayäna, ukhamarak Astarté diosan lantiparusa.

2 Reyes 23:6

Tatitun utapankkän uka Astarté diosan lantiparusti Jerusalenat anqäxaruw apanuküna, ukatsti Cedrón jawir thiyan qhillar tukuyañkamaw ninamp nakhantayäna, uka qhillsti markan amay imäwiparuw willitatäna.

2 Crónicas 34:4

jupan uñjkataw Baal diosan kunayman uñtasitanakapar lurat altaranakap tukjapxäna. Ukxarusti Josías reyix uka patxan utjiri, incienso nakhayañ altaranak t'unjayäna. Ukhamarak Astarté diosan uñtasitanakapsa, yaqha diosanaksa, ninamp umatatayas lurat diosanaksa jisk'a jisk'a tukjayäna; taqi ukanak laq'aruw tukuyäna, ukatsti khitinakatix wilañchanak luqtapkatayna ukanakan amay imäwipxaruw willxatapxäna.

Éxodo 32:21

Ukatsti Aaronaruw sarakïna: —¿Kunarak aka markasti lurtam, akham jach'a jucha jupanakar lurayañamatakisti? —sasa.

Proverbios 1:31

¡Jan wali sarnaqatanakamat t'aqhisipxäta! Ñanqha amtatanakamampiw amjayasipxäta.

Proverbios 14:14

Jan amuyt'asir jaqix sarnaqatapampix kusisitakiwa, aski jaqisti, suma aski luratanakapat kusisi.

Deuteronomio 7:25

Uka markanakar atipjasasti, diosanakapsa ninampiw phichhantapxäta, ukampis janiw uka diosanakapar lip'suyat quripsa qullqipsa katusiñ yant'apxätati; jumanakax jan ukamp yant'ayasipxamti, uk lurasasti Tatit nayraqatan jan wali lurapxasma.

Deuteronomio 7:5

Ukat sipana, jupanakarux akanak lurapxäta: Altaranakap tinkuyapxäta, yupaychañ qalanakapampi, lawanakapamp t'unjapxarakïta, idolonakapsa taqpach phichhantapxäta.

Deuteronomio 9:21

Ukatsti lurasipkatäta, jucha lurañar puriyapktam uka vaca qallu katusinxa, ninaruw jaquntäyäta, ukatsti ñut'u laq'ar tukuyasin qullut saraqanki uka jisk'a jawir umaruw warantäyäta.