Éxodo 32:10 - Qullan Arunaka DC

¹⁰ ¡Jichhax janis kunsa arxaykita, sinti q'apisitapunïtwa, jupanakarux taq t'unjä! Ukampis wawanakamat mä jach'a marka sayt'ayä —sasa.

Aymar Bibliia 1986

¹⁰ ¡Jichhasti nayaru jaytita, nayasti wali coleratätwa, ucatsti jupanacarojj take t'unjäjja! Ucampis jumarojj mä jach'a marca tucuyäma —sasa.

Qullan Arunaca

¹⁰ ¡Jichhasti nayaru jaytita, nayasti wali coleratätwa, ucatsti jupanacarojj take t'unjäjja! Ucampis jumarojj mä jach'a marca tucuyäma —sasa.

Éxodo 32:10 Jak'a apnaqawi uñst'ayäwi

Génesis 12:2

Wawanakamampisti mä jach'a marka tukuyäma, aski waxt'äwinakampiw phuqt'äma, sutimsa jach'aruw aptarakï, mayninakatakisti askirakïniwa.

Salmos 106:23

Diosax jupanakar tukjañ munäna; jupan ajllit Moisesasti, nayraqatapan achikt'äna, ukat q'apisiñap t'akurayäna.

Éxodo 22:24

24 (23) ukatsti nayax wali q'apisitaw jumanakarux espadampkam jiwarayapxäma. Warminakamasti ijmaw qhiparani, wawanakamas wajchaw qhipararakini.

Éxodo 32:11

Moisesasti aka arunakampiw Tatit Diosapar sumachañ munäna: —Tatay, ¡janikiy aka markatak q'apisimti! Juma pachpaxay Egipto markat jupanakar jach'a ch'amamampi, jach'a kankañamamp irpsunstaxa.

Éxodo 32:19

Campamentor jak'achasasti, Moisesax qurit lurat vaca qallu uñjäna, thuqhurinakaruw uñjarakïna, ukat walpun q'apisïna, amparapankkän uka tablanaksa uraqir jaqt'asin qullu kayun jisk'a jisk'a t'unjäna;

Éxodo 33:3

Sarapxam kawkhantix lechesa, misk'isa umjam jalaski uka uraqiru. Ukampis janiw nayax jumanakamp chik sarkäti, thakhin jumanakar jan tukjaskañaxataki, jumanakax jan ist'asir jaqinakäpxtawa —sasa.

Jeremías 11:14

Ukhamasti jumax Jeremías, jan nayarux aka markataki mayistati; jupanakarusti janiw ist'käti kunapachatix jan walt'añanak taypinkkasin yanap mayipkitani ukapachaxa.

Jeremías 14:11

Tatitusti sarakituwa: “Jan aka markan askinkañapatak mayistati.

Jeremías 15:1

Tatitux sarakituwa: “Moisesampi, Samuelumpis nayan nayraqataxar uñstanisipkpan, ukkhas janipuniw nayax aka jaqinakat khuyapayaskiristti. Nayan nayraqataxat mistupxpan, jayar sarapxpan.

Jeremías 7:16

“Jichhasti Jeremías, sum ist'ita: aka markatakix jan nayar achikt'istati. Jan ist'asis achikt'askakitäta ukkhasti, janiw nayax ist'kämati.

Ezequiel 20:13

Ukampis jupanakax wasar tuqin nayatakiw sayt'asxapxi, jupanakar churata kamachinakarus janiw jaysapkiti; janirakiw sábado urunsa nayarux yupaychapkituti, jupanakasti uka kamachinakar phuqhasax jakañ katuqapxasapäna. Ukat nayax jupanakxaru q'apisiñaxa samarasiñ amtäyäta, pachpa wasaran tukjañataki,

Números 14:12

Nayaw jupanakar jiwarayir usu apayanï, uka uraq jan katupxañapataki; ukampis jumarux taqit sipan mä jach'a markaruw tukuyäma, jupanakat sipan juk'amp ch'amani —sasa.

Números 16:21

—¡Aka jaqinakat jithiqtapxam, nayaw taqpachanir tukjä! —sasa.

Números 16:22

Moisesampi, Aaronampisti ajanup uraqir puriñkamaw alt'apxäna, Tatiturux sapxarakïnwa: —Tatit Diosay, jumaw taqi jaqinakarus jakañ churtaxa, ¿mä sapa jaqin juchap laykukiti taqpach markatak q'apisïtasti? —sasa.

Deuteronomio 9:14

Jumax sartam, nayaw aka marka t'unjä, aka uraqit chhaqtayarakï, jan mayamp amtasiñataki, ukampis jumarux jupanakat sipan ch'amani mä jach'a marka tukuyäma’ sasa.

Deuteronomio 9:19

Nayax Tatitun jumanakatak q'apisitapata, jumanakar t'unjañ munatapat wali mulljataw uñjasïyäta; ukampis Tatitux mä kutimpiw mayitaxar ist'itu.

Santiago 5:16

Ukalayku, jumanakax maynit maynir juchanakam arsusipxam, ukatsti k'umaraptañatakix sapa maynitak Tatitur mayipxarakim. Mä aski jaqin taqi chuymampi Tatitur mayitapax wali ch'amaniwa.