Éxodo 30:15 - Qullan Arunaka DC

¹⁵ Jakañapat Tatitur churasaxa, janiw qamir jaqix phisqa gramo qullqit juk'ampi churañapäkiti, jan utjirin jaqis janirakiw ukat juk'ak churañapäkiti.

Aymar Bibliia 1986

¹⁵ Cunapachatejj sapa mayni jakejj Tatituru jacañapat churapcani ucqhajja, janiw mä kamiri jakejja pheska gramo kollketjja jila churañapäquiti, ni mä pobre jakesa ucat menosjja churañapäcaraquiti.

Qullan Arunaca

¹⁵ Cunapachatejj sapa mayni jakejj Tatituru jacañapat churapcani ucqhajja, janiw mä kamiri jakejja pheska gramo kollketjja jila churañapäquiti, ni mä pobre jakesa ucat menosjja churañapäcaraquiti.

Éxodo 30:15 Jak'a apnaqawi uñst'ayäwi

2 Samuel 21:3

Davidasti jupanakarux jiskt'änwa: —¿Kunarak nayasti jumanakatak luririststi? ¿Kunjämatsa jumanakar jach'a ñanqha luratat askichirista, Tatitun markapar jach'añchapxañamatakisti? —sasa.

Job 34:19

Jupax janiw marka apnaqirinakat arxataskiti, janirakiw qamirinakarus jan kunaninakat sipan juk'amp khuyapayaskiti, jupaw taqpachanir irnuqasistu.

Éxodo 30:12

“Israelitanakar jakt'käta ukapachaxa, jupanakax sapa mayni jaqiw Tatiturux kunatix jakañapat churañäki uka churapxañapa, kuna jiwayir usus jakthapiña urunakan jan utjañapataki.

Éxodo 30:14

Khitinakatix pä tunka maranit amstar jakt'atäpki, jupanakaw Tatitur uk churapxañapa.

Éxodo 30:16

Ukhamasti jumaw apthapïta, israelitanakax jakañapat churapkani uka qullqi, uk apthapisasti Tatitump Jikisiñ Carpan yupaychäwi lurañatakiw katuyäta. Ukhamat Tatitun israelitanakat amtasiñapataki, jupanakan sapa mayni jakañapat qullqi churapxatapata.”

Éxodo 38:26

Pä tunka maranit amstaru jakt'at jaqinakatxa, suxta patak kimsan waranqa phisqa patak phisqa tunkanïnwa, jupanakat sapa mayniw phisqa chikatan gramo qullqi churapxäna, qullan chiqawjan tupuparjama.

Proverbios 22:2

Qamir jaqisa, jan kunan jaqis khuskhakiwa; panpachaniruw Tatitux irnuqi.

Ezequiel 45:16

“Taqiniw aka markanxa uka waxt'anak Israel markan apnaqiripar churapxam satäpxi,

Levítico 17:11

Taqi jakirinakan jakañapax wilankiwa. Naya pachpaw jumanakarux uka uywanakan wilap churapxsma altaran nayar luqtapxañamataki, uka wilan jakañax utjatap laykuw jumanakax juchat pampachatäñ jikxatapxta.

Números 31:50

Ukat nanakax jikxatapkta uka taqpach quri yänak Tatitutak apanipxta, chipananaka, surtijanaka, aretenaka, yaqha k'achachasiñanaka, taqi ukanaka Tatitur luqtañataki, jucha luratat nanakar pampachañapataki —sasa.

Efesios 6:9

Jumanakasti uywirinaka, ukhamarakiy uywatanakamarux sum uñjapxam, janirak axsarayapxamti. Amtasipxam, jumanakasa, jupanakasa alaxpachankir Tatitunkirïpxtawa, jupax janiw khitirus yaqhachnukkiti.

Colosenses 3:25

Ukampis khititix jan wal lurki ukax, jan wali luratapat kunatix katuqañapäki uk katuqani, Diosan taqinirus jan yaqhachas taripatap layku.