Éxodo 3:15 - Qullan Arunaka DC

¹⁵ Diosasti Moisesar saskakïnwa: —Israelitanakarux sarakim: “Abraham, Isaac, Jacob uka nayra awkinakaman Tatit Diosapaw nayar jumanakan ukar khithanitu.” Jupax siwa: Akaw nayan wiñayatak amtasiñ sutixaxa, ukaw wiñayan wiñayapatak sutixaxa.

Aymar Bibliia 1986

¹⁵ Ucampis Diosajja Moisesarojj sascaquïnwa: —Israelitanacarojja aqham sätawa: “Abraham, Isaac, Jacob uca nayra awquinacaman Tatitu Diosapawa nayarojj jumanacan ucaru qhithanitu.” —Jupajj siwa: —Acawa nayan wiñayatac amtasiña sutejjajja, uca sutejjawa takenitaquisa wiñayan wiñayapataquejja.

Qullan Arunaca

¹⁵ Ucampis Diosajja Moisesarojj sascaquïnwa: —Israelitanacarojja aqham sätawa: ‘Abraham, Isaac, Jacob uca nayra awquinacaman Tatitu Diosapawa nayarojj jumanacan ucaru qhithanitu.’ —Jupajj siwa: —Acawa nayan wiñayatac amtasiña sutejjajja, uca sutejjawa takenitaquisa wiñayan wiñayapataquejja.

Éxodo 3:15 Jak'a apnaqawi uñst'ayäwi

Génesis 24:12

ukatsti Tatitut mayisïna: “Abraham uywirixan Tatit Diosapay, jichhürux jumakiy yanapt'ita, uywirixar munatamsa uñacht'ayarakita.

1 Crónicas 16:16

Abrahamampi arust'äwi luratasa, Isaacampi juramento luratasa,

1 Crónicas 29:18

Tatay, Abraham, Isaac, Israelan nayra awkinakaxan Diosapa, aka amtäwi markaman chuymapan utjayam, juma tuqir chuymap uñtayarakim.

2 Crónicas 28:9

Uka markansti Tatitun mä profetapaw utjäna, Oded sata, jupasti ejerciton Samaria markar mantasinkiriruw jikxatäna, jupanakarusti sarakïnwa: —Nayra awkinakaman Tatit Diosapan Judá markatak q'apisitap laykuw, jumanakan amparamar uka marka katuyapxtam. Jumanakasti wali qhuru chuymampiw jupanakarux jiwayapxtaxa, uka luratanakamax alaxpachkamaw puri.

Salmos 102:12

12 (13) Jumasti, Tatay, wiñayapuniw jaktaxa, ¡sutimax wiñayapuniw amtatäni!

Salmos 102:13

13 (14) Sartasimaya, Sión markat khuyapt'ayasim, t'aqhisiñ urunakax phuqhasxiwa; ¡pampachxañam urux purinxiwa!

Salmos 135:13

Tatay, sutimax wiñayawa; sutimax wiñayapuniw amtatäni.

Salmos 30:4

4 (5) Tatitun arkirinakapa, ¡jupar q'uchupxam!, ¡qullan sutipar yuspagarapxam!

Salmos 30:5

5 (6) Q'apisiñapax mä juk'atakikiwa, munasiñapasti wiñayatakiwa. Jayp'u tuqirutix jachañax puristanixa, willjta tuqirux kusisiñaw utjxistani.

Salmos 68:5

5 (6) Diosax wajchanakan awkipawa, ijma warminakan arxatiripawa, jupax qullan utjäwipan jaki.

Salmos 72:17

¡Reyin sutipax wiñayatakïpan; aytat kankañapasti intir uñtat utjapunpan! ¡Taqpach markanakax jupa tuq askinak katuqapxpan! ¡Taqpach markanakasti “kusisiñanïtawa” sapxpan!

Salmos 72:19

qullan sutipax wiñayatak jach'añchatäpan. ¡Qhapaq kankañapasti uraqir phuqhantpan! ¡Ukhamäpan!

Éxodo 15:2

Q'uchuxax Tatitutakiwa, jupaw ch'amañchirixaxa, qhispiyirixasa. Jupaw Diosaxaxa, juparuw yupaycharakï; jupaw awkixan Diosapaxa, juparuw jach'añcharakï.

Éxodo 15:3

Tatitux ch'aman nuwasiriwa. Sutipax Tatituwa.

Éxodo 3:13

Moisesasti ukxarux sarakïnwa: —Nayatix sarasin israelitanakar säxa: “Nayra awkinakaman Diosapaw nayar khithanitu” sasa, ukatsti jupanakax nayar jiskt'apxitani: ¿Kunas sutipaxa? sasa; ukkhasti, ¿kamsarakï jupanakarusti? —sasa.

Éxodo 3:6

Nayätwa nayra awkinakaman Diosapaxa. Abraham, Isaac, Jacob jupanakan Diosapätwa —sasa. Uk ist'asasti, Moisesax ajanup imantasïna, jupax Diosar uñkatañ wal axsarayasïna.

Éxodo 4:1

Moisesasti Tatiturux wasitat säna: —Israelan jilïrinakapax janiw yäqapkitaniti, janirakiw ist'añsa munapkitaniti, jan ukasti sapxitaniwa: “Janiw Tatitux uñstkpachätamti” —sasa.

Éxodo 4:5

—Israelan jilïrinakap nayraqatan uka pachparak luram. Ukhamat iyawsapxani Abraham, Isaac, Jacob uka nayra awkinakaman Tatit Diosapan jumar uñstatapa —sasa.

Éxodo 6:2

Diosax Moisesar akham säna: —Nayätwa TATITUXA.

Proverbios 18:10

Tatitun sutipax jach'a pukarar uñtatawa, uka tuqiruw aski jaqinakax qhispiyasiñatak jalapxi.

Isaías 26:8

Tatay, juman kamachinakarjam sarnaqasaxa, nanakax askin jikxatasipxta. Chuymanakaxasti jumatak lup'iñ munaski.

Isaías 42:8

Nayätwa Tatituxa, ukaw sutixaxa, janiw nayar jach'achañapäki uk yaqhar churaykäti, janirakiw naya lantxa yaqha diosanakarus yupaychaykäti.

Isaías 63:12

¿Kawkinkarak khititix uka jach'a ch'amapsa Moisesar churki ukasti?, ¿kawkinkarak khititix markap nayraqatansa jach'a qutsa payar jaljki, wiñayatak aytatäñap munki ukasti?,

Isaías 9:6

6 (5) Mä wawawa jiwasatak yuri, Tatituw mä yuqall wawa churistu, uka wawawa jichhax ch'amampi apnaqani. Akham sasaw sutichapxani: Amtäwinakapanxa Muspharkaña, jan atipjkay Tatitu, wiñay Awki, sumankañan Jilïripa, sasa.

Jeremías 33:2

“Naya, khititix aka uraqi lurki, ukatsti kawkhankañapäkitix ukkhar utt'aykaraki, ukaw sistam:

Daniel (hebreo) 2:23

Nayra awkinakaxan Diosapay, jumaruw nayax yuspagarsma, yupaycharaksma, jumaw yatiñ kankañ churista, ch'am churarakista; jichhasti jumaw mayipksma uk yatiyista: reyir llakisiykän uksa qhanañchapxarakista” sasa.

Oseas 12:5

5 (6) Tatitu, taqi ch'aman Dios; ¡Tatitu sataw sutipaxa!

Oseas 12:6

6 (7) Ukhamasti, israelitanaka, juchanakamat pampachayasiñatak Tatitur mayisipxam; chiqpach chuymamampi, askimpirak sarnaqapxam, ukatsti Tatitumarupun alkatasipxarakim.

Miqueas 4:5

Yaqha markanakax pachpa diosanakaparuw jaysapxi, ukampis jiwasanakax Tatit Diosasarupuniw jaysañäni.

Malaquías 3:6

“Nayätwa Tatit Diosaxa, nayax pachpakïsktwa. Ukat jumanakax Jacobun wawanakapa, jan tukjatäpktati.

Mateo 22:32

“Nayax Abrahamana, Isaacana, Jacobun Diosapätwa” sänwa. ¡Diosax janiw jiwatanakan Diosapäkiti, jan ukasti jakirinakan Diosapawa! —sasa.

Hechos 3:13

Abraham, Isaac, Jacob nayra awkinakasan Diosapaw Jesús Yuqapar jach'ar apti. Uka Jesusarux jumanakaw jilïrinakar katuyapxtaxa, Pilato nayraqatan jupar jan uñt'ir tukupxaraktaxa, jupax antutañ amtaskatayna ukapacha.

Hechos 7:32

‘Nayax nayra awkinakaman Diosapätwa. Abraham, Isaac, Jacob awkinakaman Diosapa’ sasa. Moisesasti axsarañat khathatïna, janiw uñtañsa munkänti.

Deuteronomio 1:11

¡Awkinakaman Tatit Diosapay jumanakarux waranqan waranqap jiltaypan, arsuwayapktam ukhamarjam aski waxt'äwinak churarakpan!

Deuteronomio 1:35

‘Aka ñanqha jaqinakat janiw maynisa, kuna suma uraqtix nayra awkinakapar churañ arskäyät ukarux mantkaniti,

Deuteronomio 4:1

Moisesasti saskakïnwa: “Jichhasti Israelit jaqinaka, yatichapksma uka kamachi arunak ist'apxam, uka kamachi arunakarjam phuqhas sarnaqapxarakim, kawkïri uraqtix nayra awkinakaman Tatit Diosapax churapkätam ukan jakapxañamataki.

Hebreos 11:16

ukampis jupanakax mä suma marka munapxäna, ukasti alaxpach markawa. Ukat Diosax jupanakan Diosap satäñxa jan p'inqaskiti, jupanakatakisti mä markaw wakichatäski.

Hebreos 13:8

Jesucristox wasürusa, jichhürusa, wiñayas pachpakïskiwa.