Éxodo 29:41 - Qullan Arunaka DC

⁴¹ Jayp'thapirusti uka kipkarak maynïr urqu ovejampix luräta, ukhamarak jak'umpita, vinompitsa, ukhamat uka waxt'anakan Tatitutak suma q'apkir nakt'ayat luqtäñapataki.

Aymar Bibliia 1986

⁴¹ Uca quipcaraquiqui jayp'u horasarojja maynïr ovej-jja loktaraquiquïta jac'u, vino ofrendanacampi cuna. Uqhamata uca ofrendanacajja suma k'apquir Tatitutaqui loktas naqhantayatäñapataqui.

Qullan Arunaca

⁴¹ Uca quipcaraquiqui jayp'u horasarojja maynïr ovej-jja loktaraquiquïta jac'u, vino ofrendanacampi cuna. Uqhamata uca ofrendanacajja suma k'apquir Tatitutaqui loktas naqhantayatäñapataqui.

Éxodo 29:41 Jak'a apnaqawi uñst'ayäwi

1 Reyes 18:29

Chika uru saraqatarusti, jupanakax arnaqasipkakïnwa, luqhinakjamaw thuqnaqapxarakïna, wilañcha luqtañ pachkama, ukkhakamasti janiw kuna arus ist'askänti. ¡Janiw khitis jaysankänti, ist'karakïnsa!

1 Reyes 18:36

Nakt'at wilañcha luqtañäki ukapachasti, Elías profetax jak'achasisin jach'at art'asïna: “¡Tatay, Abrahamana, Isaacana, Israelan Diosapa: jichhürun juman Israelan Diosapätama, nayasti juman luqtirimätam taqin yatipxpan, ukhamaraki juman arsutamarjam taqi akanak lurataxsa!

2 Reyes 16:15

Ukatsti Urías sacerdoterux yatiyarakïnwa, jach'a altarana willjta nakt'at luqtäwi, granonakat jayp'u waxt'äwi nakt'ayañapataki, ukhamaraki reyin nakt'ayat luqtäwinakapsa, granonakat waxt'äwinakapsa, ukatsti taqpach markan nakt'ayat luqtäwinakapa, granonakat waxt'äwinakapa, vino waxt'äwinakap nakt'ayañapataki. Ukxarusti uka altar patxaru nakt'at wilañchanakan wilanakap ch'allakipañapataki, ukampis broncet lurat altaraxa jupa sapaki Tatitumpi parlañatakïtapa yatiyarakïna.

2 Crónicas 2:3

3 (2) Ukatsti Salomonax Tiro markankir Hiram reyirux akham yatiyäwi apayäna: “Jumax kunjämtix David awkixampix lurkäyäta ukham nayampi lurarakim, juparux reyi utap lurayañapatakix cedro lawanak apayanïyätaxa.

Salmos 141:2

Mayisitaxax incienso q'aphir uñtat nayraqatamar makhatanpan, luqatatat amparanakaxasti, jayp'u luqtäwjamäpan.

Éxodo 12:6

Uksti aka phaxsi tunka pusin uru saraqat urukamaw imapxäta, uküruw jayp'u tuqiru Israelan taqpach jaqinakax sapa mayni uka uywa kharinukupxäta.

Éxodo 29:40

Nayrïr ovejamp chiksti, sumïr jak'uta pä kilo jak'umpi, mä litro oliva aceitempi chapt'at luqtäta, ukxarusti mä litro vinompiw warxatäta, waxt'äkaspas ukhama.

Éxodo 29:42

Taqpach israelitanaka, wawanakapan wawanakapaw wiñayapun akham waxt'anak Jikisiñ Carpar mantañäki uka chiqan nayar luqtañapa, uka chiqan nayax jumamp parlañatak ukankä.

Daniel (hebreo) 9:21

Mayisiskäyäta ukapachaw, unañchäwin uñstkitäna uka Gabriel sat angelax jak'axar jutäna. Ukapachasti, Tatitur jayp'u chiqa wilañcha luqtañ pachäxänwa.