Éxodo 29:12 - Qullan Arunaka DC

¹² Ukatsti ampar luk'anamamp wilar aytasin altaran waxranakap jawsüta, ukat jilt'äki ukampisti altar kayuruw waranukurakïta.

Aymar Bibliia 1986

¹² Wilapampisti ampar luc'anamampiw altaran wajjranacapat jawsüta, ucat jilt'äqui ucampisti altar cayururaquiw warnokaraquïta.

Qullan Arunaca

¹² Wilapampisti ampar luc'anamampiw altaran wajjranacapat jawsüta, ucat jilt'äqui ucampisti altar cayururaquiw warnokaraquïta.

Éxodo 29:12 Jak'a apnaqawi uñst'ayäwi

Éxodo 27:2

Uka altaran pusi thiyapatakisti pusi waxranak luräta, ukanakasti altarampix mayakïñapawa, uka altarsti broncempiw lip'ikipayäta.

Éxodo 29:11

ukatsti, Dios nayraqatana, Tatitump Jikisiñ Carpa mantañ punkuruw uka vaca qallu jiwayäta.

Éxodo 30:2

Uka altarasti taqi tuqit mä sapa tupunikïñapawa, sayt'urux pusi tunka phisqan centimetroni, iranarusti pusi tunka phisqan centimetroni, alayarusti llätunk tunka centimetroni, uka altaran waxranakapasti altarampix mayakïñapawa.

Éxodo 38:2

Pusi esquinapatakisti pusi waxranak luräna, uka waxranakampi altarampix maypach luratakïnwa, broncempi lip'ikipayatänwa.

Levítico 16:14

Ukatsti, Aaronax uka urqu vacan wilapar luk'anap juricht'asaw arcan qhuphiñapan maysäx thiyat ch'allt'ani. Ukxarusti paqallqu kutirakiw uka arcan qhuphiñap nayräxar ch'allt'ani,

Levítico 4:18

Ukan mä juk'a wilampi Tatitun nayraqatapankki uka altaran waxranakaparuw jawirt'ani. Ukat taqpach wila jilt'irïki uksti, Tatitump Jikisiñ Carpar mantañäkis ukkhankki uka waxt'a luqtaña altaran kayuparuw wartani.

Levítico 4:25

Ukxarusti sacerdotex juchat wilañcha luqtat chivon mä juk'a wilap luk'anapar juricht'asaxa, altaran waxranakaparuw jawirt'ani; ukat jilt'ki uka wilsti, pachpa altaran kayuparuw wartxani,

Levítico 4:30

Ukatsti sacerdotex mä juk'a wilampi luk'anap juricht'asax altaran waxranakaparuw jawirt'ani, ukat jilt'ki uka wilsti, pachpa altaran kayuparuw wartxani.

Levítico 4:34

Ukatsti sacerdotex mä juk'a wilampi luk'anap juricht'asax altaran waxranakaparuw jawirt'ani, ukat jilt'ki uka wilsti, pachpa altaran kayuparuw wartxani.

Levítico 4:7

Sacerdotesti mä juk'a wila aptasin q'apkiri incienso uchañäkis uka altaran waxranakaparuw jawirt'ani, ukasti Tatitump Jikisiñ Carpan jikxatasi; ukat jilt'iri wilsti, nakhantat waxt'a churañäkis uka altar kayuruw taqpach wartxarakini, kawkïritix Tatitump Jikisiñ Carpa mantañäkis ukankki ukkharu.

Levítico 5:9

ukatsti kawkïritix juchat luqtatäki ukan mä juk'a wilapampiw uka altar thiyar ch'allt'ani, jilt'äki uka wilsti altar kayuruw ch'umsuyxani jucha luräwit wilañcha luqtatätap layku.

Levítico 8:15

Ukatsti Moisesax uka urqu vaca kharinukxäna, luk'anap uka wilar juricht'asaw altaran utjkän uka waxranakar jawirt'äna, ukhamat q'umachañataki, ukat jilt'ir wilsti altar kayuruw warnuqxarakïna, ukhamat uka altarax q'umachata, ukhamarak Tatitur luqtatäxäna ukawjan juchanakat pampachatäñ jikxatañataki.

Levítico 9:9

Ukxarusti yuqanakapax wila apkatapxäna, Aaronasti luk'anap uka wilampi juricht'asaw altaran waxranakapar jawsüna, jilt'ki uka wilsti, altar kayuruw warnuqxarakïna.

Hebreos 10:4

Urqu vacanakana, cabritonakan wilapax janiw juchanak q'umachkaspati.

Hebreos 9:22

Kamachirjamasti, taqi kunaw wilampi q'umachatäñapa; janitix wilax wartaskaspa ukax janiw juchat q'umachasiñax utjkaspati.

Apocalipsis 6:9

Corderox phisqïr sello ch'iyaqkän ukkhasti, altar manqhan uñjta, khitinakatix Tatitun arunakap parlapxatap layku jiwarayat uñjasipkatayna ukanakaru.