Éxodo 28:43 - Qullan Arunaka DC

⁴³ Uka calzoncillo ucht'ataw Aaronampi, wawanakapampix Tatitump Jikisiñ Carpar mantapxani, jan ukax qullan chiqawjan sacerdote lurañanakap phuqhir altarar jak'achasipkani ukapachasa, ukhamat kuna juchsa jan lurapkaniti, janirakiw jiwapkanisa. Aka kamachix wiñayatak utt'ayatawa, Aaronampitaki, wawanakapan wawanakapampitaki.

Aymar Bibliia 1986

⁴³ Uca calzoncillo ucht'ataw Aaronampi, wawanacapampejj Tatitumpi Jiquisiñ Carpan tantachasiñ chekarojj mantapjjañapa, uqhamarac kollana chekaru mantasinsa sacerdotjama lurañanacap phokheri, altar jac'anccani ucqhasa, uqhamat jan jucha lurasa jiwapjjañapataqui. Aca leyisti wiñayataqui churatawa juparu, uqhamarac wawanacapan wawanacaparusa.

Qullan Arunaca

⁴³ Uca calzoncillo ucht'ataw Aaronampi, wawanacapampejj Tatitumpi Jiquisiñ Carpan tantachasiñ chekarojj mantapjjañapa, uqhamarac kollana chekaru mantasinsa sacerdotjama lurañanacap phokheri, altar jac'anccani ucqhasa, uqhamat jan jucha lurasa jiwapjjañapataqui. Aca leyisti wiñayataqui churatawa juparu, uqhamarac wawanacapan wawanacaparusa.

Éxodo 28:43 Jak'a apnaqawi uñst'ayäwi

Éxodo 20:26

Nayan altaraxax jan makhatañanakan luratäñapawa, makhatasin jumanakax q'alal janchinakam jan uñacht'ayaskañataki” —sasa.

Éxodo 27:21

Aaronampi, wawanakapampiw Tatitump Jikisiñ Carpan arum paqar qhanañapatak uka lamparanak wakichani, arust'äwi lurat arca uñkatasinkki uka cortina qhipäxana. Aka kamachix israelitanakataki, wawanakapan wawanakapatakis wiñayatakïniwa.

Éxodo 30:21

Jupanakan jan jiwapxañapatakisti, amparanakapsa, kayunakapasa jariqasipxañapawa. Akasti Aaronampitaki, wawanakapan wawanakapampitakix wiñayatak arsut kamachïniwa.”

Ezequiel 44:17

Manqhankir uta anqäx punkup chiqa mantapkani ukapachasti, linot lurat suma isimpi isthapitäpxañapawa. Manqhankir uta anqäxan luqtapkani, jan ukax pachpa utaxansa luqtapkani ukkhasti, janiw t'awrat lurat isimpi uchasipkaniti.

Levítico 16:13

uka inciensompisti, Tatit nayraqatan uka ninxaruw jach'xatani, uka incienson jiwq'ipasti Tatitumpi amtäwi arcapar qhupxatatäki ukaruw chhaqtayani. Ukhamat Aaronax jan jiwkaniti.

Levítico 17:7

Janipuniw mayampsa uka ñanqha ajayunakarux waxt'anakap luqtaskxapxaniti, kawkïrinakarutix jupanakax yupaychas q'añuchasipxäna ukanakaru. Aka kamachisti jumanakatakix wiñayatakïniwa, awkinakamataki, ukhamarak wawanakamatakisa.

Levítico 22:15

ukampis sacerdotenakax janipuniw israelitanakan qullan luqtanakap takisipxañapäkiti, ukanakan Tatitur luqtatätap layku,

Levítico 22:9

“Jupanakarusti nayan kamachinakaxar phuqhas sarnaqapxpan sarakim, janitix uka kamachinakar phuqhapkani ukasti, jiwarapxaniwa. Naya Tatituw jupanakarux nayatak yaqhachasta.

Levítico 3:17

“Aka kamachisti wiñayatakiwa, wawanakapan wawanakapatakiwa, kawkhantix jumanakax jakapkäta ukkhanxa, janipun wilsa, lik'sa manq'apxamti.”

Levítico 5:1

“Kuntix maynix uñjki, jan ukax ist'ki uk qhanañchañapatak jawsatäni, ukat jan qhanañchañ munkani ukaxa, uka jaqix juch luri, uka jucha luratapatsti mutuñapawa.

Levítico 5:17

“Maynitix jan amuyaskasin Tatitun kamachi arunakap p'akintani ukax juchañchatäniwa, jucha luratapatsti phuqxañapäniwa.

Números 15:15

Uka pachpa kamachinakaw jumanakatakisa, yaqha markat jutir jaqinakatakisa, wawanakamatakisa; uka kamachix wiñayatakïniwa.

Números 18:22

Mayni israelitanakax janiw Tatitump Jikisiñ Carpar jak'achasipxañapäkiti, ukham lurasax jucha lurapxaspa, ukatsti jiwataw uñjasipxaspa.

Números 18:32

Nayatak sumäki uk yaqhachxasinsti, jan kuna jucha lurasaw jilt'anakat manq'asax janiw juchañchatäpkaniti; ukhamat israelitanakan q'uma waxt'anakap jan q'añuchaskañataki, janirakiw jiwayatäñatak juchañchatäpkaniti” sasa.

Números 18:8

Tatitusti Aaronarux sänwa: “Nayar luqtat waxt'anak uñjañamatakiw katuysma. Israelitanakax qullan waxt'anak churapkitu ukanaksti, jumampiru, wawanakamampiruw churapxsma, wakt'apktam ukhamarjama; ukasti wiñayatak arsut kamachïniwa.

Números 9:13

Ukampis khititix q'uma jikxataskasina, jan saräwinkkasina Pascua jan uruykani uka jaqix, markap taypit apanukutaw uñjasini. Uka urun Tatitur waxt'a jan luqtatap laykusti, uka juchapat mutuyataw uñjasini.