Éxodo 26:33 - Qullan Arunaka DC

³³ Ukat uka cortinxa t'iriñanakampiw warkt'äta, ukatsti uka qhipäxarux arust'äwi lurat arca uchäta. Ukhamat uka cortinax jumanakatak Qullan Chiqawjampi, Qullanansa Qullanap Chiqawjamp jaljani.

Aymar Bibliia 1986

³³ Uqhamasti uca veljja ganchonacampiw warct'äta, ucatsti uca velo khepäjjarojja uchätawa suma arust'äwiru mantatäqui uca arca. Ucampis uca velowa jumanacataquejj jaljtäni kollanäquis ucata, kollanansa kollanapäquis ucampitjja.

Qullan Arunaca

³³ Uqhamasti uca veljja ganchonacampiw warct'äta, ucatsti uca velo khepäjjarojja uchätawa suma arust'äwiru mantatäqui uca arca. Ucampis uca velowa jumanacataquejj jaljtäni kollanäquis ucata, kollanansa kollanapäquis ucampitjja.

Éxodo 26:33 Jak'a apnaqawi uñst'ayäwi

1 Reyes 6:16

Tatitun utap mantañ uñkatasiparusti Qullanansa Qullanap chiqawjäñapatakiw wakt'ayarakïna, ukasti llätunka metronïnwa, ukarusti amstat aynachkamarak cedro lawanakampix uchakipäna.

1 Reyes 8:10

Sacerdotenakax Qullan chiqawjat mistunipkän ukapachaxa, qinayaw Tatitun utapar phuqhantäna,

1 Reyes 8:6

Ukxarusti sacerdotenakax Tatitun utap manqhiruw arust'äwi arca apapxäna Qullanansa Qullanapa chiqawjkama, querubines sat chhiqhap manqhïxaru,

2 Crónicas 3:8

Ukxarusti Qullanan Qullanapäki uka chiqatakix mä uta lurayäna. Ukasti sayt'urux llätunka metronïnwa, utax qhawqha tupunïkitix ukkharaki, iranarusti llätunka metronïnwa. Ukatsti pä tunka waranqa kilo suma qurimpiw lip'suyarakïna.

Éxodo 25:16

Uka arcarusti nayax churkäma uka kamachinak uchäta.

Éxodo 26:32

Ukatsti, qurit lurat t'iriñanakamp chhitharasaw acacia lawat lurat pusi sayirinakar warkt'äta. Uka sayirinakasti qurimpi lip'ikipatäñapawa, qullqit lurat pusi takxäsirinakxar uchatäñapawa.

Éxodo 27:10

Pä tunka sayirinakapasa, pä tunka takxäsirinakapas broncet luratäñapawa, t'iriñanakapampi, anillonakapampisti qullqit luratäñapawa.

Éxodo 27:21

Aaronampi, wawanakapampiw Tatitump Jikisiñ Carpan arum paqar qhanañapatak uka lamparanak wakichani, arust'äwi lurat arca uñkatasinkki uka cortina qhipäxana. Aka kamachix israelitanakataki, wawanakapan wawanakapatakis wiñayatakïniwa.

Éxodo 36:36

Ukatsti, quri t'iriñanakampiw uka cortinxa acacia lawat lurat pusi sayirinakar warkkatäna, uka sayirinakasti qurimpi lip'suyatkamakïnwa, qullqit lurat pusi takxäsirinakxana.

Éxodo 40:3

Uka manqhirusti arust'äwi lurat arca uchäta, ukatsti cortinampiw jist'aqarakïta.

Ezequiel 41:4

Ukat uka manqhankir uta tupt'arakïna, ukasti taqi tuqirusa tunka metronkamänwa. Ukat nayarux sarakitu: “Akawjax Qullanan Qullanapawa” sasa.

Levítico 16:2

Ukat Tatitux Moisesar säna: Aarón jilamarux akham sas yatiyam, jan kuna pachas mantkpati kawkïr qullan chiqatix velo qhipäxan utjki uka chiqaruxa, janirak arcar qhupxatatäki uka nayraqatarus mantkpati, ukhamat jan jiwañapataki; nayasti mä qinay taypin uka juchat pampachayasiñäki uka qhuphiñ patxan uñstarakï.