Éxodo 26:19 - Qullan Arunaka DC

¹⁹ uka tablanakan katxäsiñapatakisti qullqit lurat pusi tunka takxäsirinak uchäta. Sapa tablan achuntañapatakix pä takxäsirinïñapawa.

Aymar Bibliia 1986

¹⁹ Uca tablanac cayuru uchañataquisti kollketwa luräta pusi tunca planchanaca. Sapa maya tabla cayurusti pä planchanacwa uchäta, uqhamata tabla p'iyatanacajj suma pasjasiñapataqui.

Qullan Arunaca

¹⁹ Uca tablanac cayuru uchañataquisti kollketwa luräta pusi tunca planchanaca. Sapa maya tabla cayurusti pä planchanacwa uchäta, uqhamata tabla p'iyatanacajj suma pasjasiñapataqui.

Éxodo 26:19 Jak'a apnaqawi uñst'ayäwi

Éxodo 26:17

Sapa tablasti pä achuntañanïñapawa, taqpach tabla purapat achuntayasin jan unxtañapataki, ukhamwa Tatitump Jikisiñ Carpatakix taqpach tablanak luräta.

Éxodo 26:18

Ukanak lurkät ukkhasti, aynach tuqitakix pä tunka tablanak luräta,

Éxodo 26:20

“Amsta tuqitakisti, pä tunka tablanak luräta

Éxodo 26:25

Ukhamasti kimsaqallqu tablanakaw utjani, qullqit lurat tunka suxtan takxäsirinakapampi, sapa tablatakix pä takxäsirinaka.

Éxodo 26:37

Ukxarusti uka cortinatakix acacia lawat phisqa sayirinak luräta, uka lawanaksti qurimpiw lip'suyarakïta, qurit lurat t'iriñanakapampi, uka sayirinak achuntayañatakisti bronce umatatayasaw takxäsirinakap luräta.

Éxodo 27:10

Pä tunka sayirinakapasa, pä tunka takxäsirinakapas broncet luratäñapawa, t'iriñanakapampi, anillonakapampisti qullqit luratäñapawa.

Éxodo 38:27

Ukxarusti kimsa waranqa kimsa patakan kilo qullqiw utjarakïna, uk umatatayasin qullan chiqawjan patak katxäsiripampi, velo cortinan katxäsiripamp lurañataki, sapa maya katxäsirinakasti, kimsa tunka kimsan kilo qullqimpi luratänwa.

Éxodo 40:18

Moisesax qullan chiqawja sayt'ayäna, nayraqatax sayir lawanakan takxäsirinakap uchäna, ukxarusti tablanaka, patxar ayxatañ lawanak uchäna, lawanak sayarayäna,

Cantar de los cantares 5:15

kayunakapax mármol qalat lurat sayirinakar uñtatawa, suma quri patxar utt'ayata; sayt'asitapasti wali sumawa, Libanonkir cedro quqar uñtata;

Números 3:36

Merarí chachan saraqirinakapax qullan chiqawjan utjir tablanak uñjapxäna, ukhamarak uka tablanakan lawanakapa, kawkïri lawatix mä thiyat mä thiyaru sarki uka lawanakapa, sayir lawanakampi, katxäsirinakapampi, taqi yänakapampi,