Éxodo 25:16 - Qullan Arunaka DC

¹⁶ Uka arcarusti nayax churkäma uka kamachinak uchäta.

Aymar Bibliia 1986

¹⁶ Uca arcarojj ucharaquïtawa cawquïr amtäwinactejj lurctan uca leyinaca.

Qullan Arunaca

¹⁶ Uca arcarojj ucharaquïtawa cawquïr amtäwinactejj lurctan uca leyinaca.

Éxodo 25:16 Jak'a apnaqawi uñst'ayäwi

1 Reyes 8:9

Arcansti janiw kuna yaqhas utjkänti, jan ukasti kawkïr qalat lurat pä tablanaktix Moisesax Horeb chiqankkasin uchkatayna ukakiw ukankäna, Egiptot mistunipkäna ukapacha Tatitux israelitanakampi arust'äwi lurkäna uka.

2 Reyes 11:12

Ukapachaw Joiadá sacerdotex reyin Joás wawapar irpsunïna, ukat jupan p'iqiparux reyi pillu uchäna, ukatsti marka apnaqañ yatichäwi qillqatanak churarakïna, p'iqipar aceite warxatasinsti reyit utt'ayäna. Ukxarusti taqiniw amparanakap t'axllirasipxäna, jach'at art'asipxarakïna: “¡Jallalla rey!” sasa.

2 Crónicas 23:11

Ukapachaw Joiadá sacerdotempi yuqanakapampix reyin Joás yuqapar irpsunipxäna, juparusti reyi pillumpiw uchapxäna, ukhamarak marka apnaqañ kamachi qillqat katuyapxäna, jupar aceitempi warxatasinxa, reyit utt'ayapxäna. Ukatsti taqiniw kusisiñat art'apxäna: “¡Jallalla reyi!” sasa.

Éxodo 16:34

Aaronasti kunjämtix Tatitux Moisesar siskatayna ukhamarjamaw maná t'ant'a uchat phukhu, arust'äwi arca nayraqatar imäna.

Éxodo 25:21

Ukatsti uka qhuphiñ arca patxar uchäta, uka arca manqhirusti churkäma uka kamachi uchäta.

Éxodo 26:33

Ukat uka cortinxa t'iriñanakampiw warkt'äta, ukatsti uka qhipäxarux arust'äwi lurat arca uchäta. Ukhamat uka cortinax jumanakatak Qullan Chiqawjampi, Qullanansa Qullanap Chiqawjamp jaljani.

Éxodo 27:21

Aaronampi, wawanakapampiw Tatitump Jikisiñ Carpan arum paqar qhanañapatak uka lamparanak wakichani, arust'äwi lurat arca uñkatasinkki uka cortina qhipäxana. Aka kamachix israelitanakataki, wawanakapan wawanakapatakis wiñayatakïniwa.

Éxodo 30:36

Mä chikatxa suma ñut'u k'iyjasin arca nayraqataruw uchäta Tatitump Jikisiñ Carpa manqharu, kawkhantix nayax jumamp jikiskä uka chiqaru. Uka inciensox jumanakatak wali qullanapunïniwa.

Éxodo 30:6

Ukatsti uka altarxa arust'äwi arca imt'ki uka cortina nayräxaruw uchäta, kawkhantix nayax jumamp jikiskä uka chiqaru.

Éxodo 31:18

Tatitux Sinaí qullun Moisesar parlañ tukt'aykän ukapachaw, tunka kamachinakan qillqantat pä qala tablanak jupar churäna, ukanakasti pachpa Diosan ampar luk'anapamp qillqatänwa.

Éxodo 32:15

Ukat Moisesax Sinaí qullut saraqanxäna, amparanakapar pä qala tablanak apt'ata, uka tablanakasti purapäxar qillqatänwa.

Éxodo 34:29

Uka qhipatsti Moisesax Sinaí qullut saraqanxäna kamachi arunaka qillqat pä tablanak apt'asita; ukampis saraqankasax janiw jupax amuyaskänti ajanupan wali k'ajaskatapa, Tatitump parlanitap layku.

Éxodo 38:21

Moisesan arsutaparjamasti, levitanakax sum jakthapipxäna, kuna metalanaktix Tatitump Jikisiñ Carpa lurañatak uchapkatayna ukanaka, uka lurañansti Aarón sacerdoten Itamar yuqapaw p'iqichäna.

Éxodo 40:20

Ukatsti Moisesax kamachi arunakan qillqat tablanakxa, arust'äwi lurat arca manqharuw uchäna; ukxarusti kallañ muruq'u lawanak arcar uchäna, uka patxarusti arcan qhuphiñap ucharakïna, ukatsti qullan chiqawja manqharuw uk apäna; ukat cortina warkt'äna arca imt'arakïna, kunjämtix Tatitux Moisesar siskatayna ukhamarjama.

Números 17:4

4 (19) Uka thujrunaksti Tatitump Jikisiñ Carparuw uchanïta, arust'äwi arca nayräxaru, nayax jumanakamp jikiskta ukkharu.

Hechos 7:44

“Nayra awkinakasanxa, wasaran arust'äwi carpax utjäna, ukasti kunjämtix Diosax Moisesar siskatayna ukhamarjam luratänwa, uñjkatayna ukhamarjam luratarakïnwa.

Romanos 3:2

Chiqpachansa askiwa. Nayraqatax, Diosaw judionakar arunakap yatiyäna.

Deuteronomio 31:26

“Kamachinakan qillqat aptapxam, ukatsti Tatit Diosaman arust'äwi lurat arcap thiyar uchapxam, uka yatichäwinakaw jumanakan sarnaqatanakam irkatani.

Hebreos 9:4

ukawjansti qurit lurat incienso nakt'ayañ altarampi, qurimpi apakipat arust'äwi arcampiw utjäna. Uka arca manqhansti qurit lurat mä chatuw utjäna, uka chatunsti maná sat t'ant'aw uchatäna; Aaronan thujrupax ch'uxñatatkatayna, ukhamarak tunka kamachi qillqat qalanakas arca manqhankänwa.

Josué 4:16

“Arust'äwi arca apiri sacerdotenakax Jordán jawirat mistunxapxpan” sasa.