Éxodo 24:8 - Qullan Arunaka DC

⁸ Ukatsti Moisesax wila aptasinxa, jaqinakxaruw ch'allakipäna akham sasa: —“Aka wilaw yatiyi, Tatitun mä arust'äwi jumanakamp luratapa” —sasa.

Aymar Bibliia 1986

⁸ Ucat Moisesajj wilampi jakenacaru ch'allt'asinjja sänwa: —Aca wilaw yatiyi, Tatitojj cunanactejj sapctam uca suma amtäwiru mantatjja, take cunanacat sipana.

Qullan Arunaca

⁸ Ucat Moisesajj wilampi jakenacaru ch'allt'asinjja sänwa: —Aca wilaw yatiyi, Tatitojj cunanactejj sapctam uca suma amtäwiru mantatjja, take cunanacat sipana.

Éxodo 24:8 Jak'a apnaqawi uñst'ayäwi

1 Reyes 8:21

Arust'äwi arca uchañatakisti mä chiqawja wakicharapta, Tatitux nayra awkinakasampiw uka arust'äwi luräna, Egipto markat jupanakar irpsunkän ukapacha” sasa.

1 Reyes 8:9

Arcansti janiw kuna yaqhas utjkänti, jan ukasti kawkïr qalat lurat pä tablanaktix Moisesax Horeb chiqankkasin uchkatayna ukakiw ukankäna, Egiptot mistunipkäna ukapacha Tatitux israelitanakampi arust'äwi lurkäna uka.

Salmos 78:36

Lakakiw juparux parlapxäna, laxrampisti k'arintapxänwa,

Éxodo 24:6

Moisesasti chikat wila katuqasin lamananakaruw warantäna, chikat wilampisti altararuw ch'allsurakïna.

Isaías 52:15

ukhamarakiw walja markanakax muspharapxani; reyinakas jupar uñjasax jan aruniw qhiparapxani, kuntix jupanakax uñjapkatayna, amuyt'apkarakitayna ukanakxa, janipuniw kunapachas ist'apxirïkataynati.

Jeremías 31:32

Aka arust'äwisti janiw kunjämtix nayra awkinakapampi lurkayäta ukhamäkaniti, kunapachatix jupanakarux Egipto markat amparat wayxarusin irpsunkta ukhama; jupanakasti uka arust'äwixarux janiw phuqhapkiti, nayax jupanakan uywiripäkchiyäta ukasa. Naya, Tatituw uk arsta.

Ezequiel 16:8

“ ‘Wasitat juma jak'a sarakipawayta, ukat jumar uñkatsma. Wali tawaqüxatätawa, niyas chacht'asirpacha. Nayax uka q'alal janchim imxatañatakix isixampiw janxatsma, ukat jumampi parlthapirakta; mä arust'äwi jumampix lurtan, ukhamat jumax nayankxaraktaxa. Naya, Tatituw uk arsta.

Ezequiel 36:25

Q'uma umampiw jariqt'xapxäma, yaqha diosanakar yupaychas q'añuchasitanakamatsa q'umachxapxarakïmawa;

Levítico 8:30

Ukatsti Moisesax jank'akiw kuna aceitetix Tatitur luqtasiñatak uskutäkän uk aptäna, kuna wilatix altar patxankkäna ukampi, ukatsti ukanakampiw Aaronaru, ukhamarak yuqanakaparux ch'allt'äna, uka kipkaraki jupanakan sacerdote isinakapxarusa. Aaronaru, wawanakaparu, uka kipkarak sacerdote isinakaparus ukham Tatitur luqtxäna.

Hageo 2:5

Egipto markat mistunipkta ukapachax jumanakampïñatakiw nayax arsüyäta, ukasti phuqhasiskiwa. Ajayuxaw jumanakampïski, jan axsarapxamti.

Zacarías 9:11

Tatitux akham siwa: “Jerusalén, nayaw jumampi mä arust'äwi lurta, ukasti wila tuqi luratawa; ukat jumanakan katuntat jaqinakamxa, kawkïri jan umani phuch'unkapkitï jichhax ukat apsü,

Mateo 26:28

akax machaq arust'äwi wilaxawa, ukasti walja jaqinakan juchanakap qhispiyañatak wartatäniwa.

Marcos 14:24

Jesusasti saskakïnwa: —Akax nayan wilaxawa, Diosax uka wilampiw taqi jumanakampix mä arust'äwi luri, uka wila tuqirakiw walja jaqinakax qhispiyatäpxani.

Lucas 22:20

Manq'añ tukuyatatsti, Jesusax yaqha qiru astäna, sarakïnwa: —Aka qirux machaq arust'äwiwa, wilaxampi chimpuntata, ukasti jumanakan askimatakiw wartasi.

1 Corintios 11:25

Uka pachparakiw manq'añ tukuyasax qiru astäna, ukat sarakïna: “Aka qirux machaq arust'äwiwa, wilaxampi chimpuntata. Sapa kuti umapkät ukkhaxa, nayat amtasisaw lurapxäta” sasa.

Efesios 1:7

Criston wila wartatap tuqiw juchanakat qhispitäñasa, pampachatäñas utjistu. Diosasti phullch'irkir khuyapayasiñap jiwasatak utjayi, taqi yatiñ kankaña, amuyt'a kankañ jiwasar churasa,

Deuteronomio 5:2

“Tatit Diosasax mä suma arust'äwi jiwasampi Horeb qullun lurawayi.

Hebreos 10:29

Ukhamasti ¿janit jumanakax amuyapkta, khitinakatix Diosan Yuqapar jisk'achapki, wilaparus jisk'achapki, munasir Diosan Ajayuparus jisk'achapki ukanakan juk'ampi mutuyäwi katuqañapsti? Uka wilaw arust'äwit qhanañchi, ukampirakiw jupanakax Diosatak yaqhachatäpxi.

Hebreos 13:20

Sumankañ churir Diosax, Tatit Jesucristosaruw jiwatanak taypit jaktayawayi, ovejanakan jach'a Awatiriparu, jupax wilapampiw wiñay arust'äwi arsuwayi,

Josué 24:25

Uka pachpa uruw Josué chachax, Siquem chiqana, mä suma arust'äwi Israel markampi luräna, ukatsti kamachinakampi, arsutanakampi churäna,

1 Pedro 1:2

Jumanakarusti nayratpach Dios Awkix amtataparjam ajllisipxtam. Ajay tuqiw jupatak yaqhachasipxtam, ukhamat jupar jaysapxañamataki, Jesucriston wilapamp q'umachatäpxañamataki. Jumanakasti Diosan jilarkir waxt'äwinakap katuqapxam, suman sarnaqasiñ katuqapxarakim.