Éxodo 24:6 - Qullan Arunaka DC

⁶ Moisesasti chikat wila katuqasin lamananakaruw warantäna, chikat wilampisti altararuw ch'allsurakïna.

Aymar Bibliia 1986

⁶ Moisesajj chicat wila catokasinsti jach'a purüñanacaruw warantäna, ucat chicat wilampisti altararuraquiw ch'allsuraquïna.

Qullan Arunaca

⁶ Moisesajj chicat wila catokasinsti jach'a purüñanacaruw warantäna, ucat chicat wilampisti altararuraquiw ch'allsuraquïna.

Éxodo 24:6 Jak'a apnaqawi uñst'ayäwi

2 Reyes 17:15

kamachinakaparusa, nayra awkinakapamp lurkatayna uka arust'äwirus jisk'achapxänwa. Ukhamarus jan yäqkañ yaqha diosanakan qhipap arkapxäna, ukham lurasaw jupanakax mä jan yäqkañ markar tukupxäna, jupanak jak'ankir markanakan luräwinakap yatiqasipxäna, kuntix Tatitux ukanak jan lurapxañapatak siskchïna ukasa.

Salmos 99:6

Moisesampi Aaronampix jupan sacerdotenakapänwa; Samuel profetax jupan luqtiripänwa. Jupanakax Tatituruw yanap mayipxäna, Tatitusti mayitanakaparux ist'änwa.

Éxodo 12:22

Mä lamanaruw wila katuqapxäta, ukatsti hisopo sat alinak picht'asin ukampiw wilar chilltas uta punku marcor jawsupxäta. Janiw maynis qhipürkam utat mistupxätati.

Éxodo 12:7

Uka uywan wilampampisti manq'apkäta uka uta punkuruw jawsupxäta.

Éxodo 24:8

Ukatsti Moisesax wila aptasinxa, jaqinakxaruw ch'allakipäna akham sasa: —“Aka wilaw yatiyi, Tatitun mä arust'äwi jumanakamp luratapa” —sasa.

Éxodo 29:16

Ukat uka oveja jiwayäta, wilapampisti altar thiyanakaruw ch'allsüta;

Éxodo 29:20

Ukatsti uka oveja kharinuküta, wilapampisti Aaronampiru, wawanakapampiruw aynach tuqit kupi jinchupat jawt'äta, ukhamarak kupi ampar tayka luk'anata, kupi kayu tayka luk'anampita. Ukatsti jilt'kani uka wilampisti altar thiyanakaruw ch'allakipäta.

Jeremías 31:32

Aka arust'äwisti janiw kunjämtix nayra awkinakapampi lurkayäta ukhamäkaniti, kunapachatix jupanakarux Egipto markat amparat wayxarusin irpsunkta ukhama; jupanakasti uka arust'äwixarux janiw phuqhapkiti, nayax jupanakan uywiripäkchiyäta ukasa. Naya, Tatituw uk arsta.

Levítico 1:11

ukasti Tatitun nayraqatapan altarat amstäxan kharinukutäñapawa. Aaronan sacerdote yuqanakapasti altararuw puspach thiyapat wilampi ch'allakipapxani;

Levítico 1:5

Urqu vacarux Tatitun nayraqatapan kharinukuni; ukxarusti Aaronan sacerdote yuqanakapaw wila luqtapxani, ukatsti Tatitump Jikisiñ Carpar mantañawjan altaran thiyanakaparuw ch'allakipapxani.

Levítico 3:2

Khititix waxt'a luqtkani ukax, uka uywan p'iqipxarux amparap luqxatañapa, ukatsti Tatitump Jikisiñ Carpar mantañäkis ukawjan kharinukuñapa. Ukatsti sacerdotenakaw altaran thiyanakap uka wilampi ch'allsupxañapa.

Levítico 3:8

uka uywan p'iqipxaruw amparap luqxatani, ukat Tatitump Jikisiñ Carpa nayraqatan kharinukxani. Ukatsti sacerdotenakax uywan wilapampiw altaran thiyanakap ch'axch'suni.

Levítico 4:6

ukan luk'anap wilar juricht'asini, Tatitun nayraqatapan paqallqu kutiw ch'allt'arakini, kawkïritix qullan utan velopäkix uka tuqiru.

1 Corintios 11:25

Uka pachparakiw manq'añ tukuyasax qiru astäna, ukat sarakïna: “Aka qirux machaq arust'äwiwa, wilaxampi chimpuntata. Sapa kuti umapkät ukkhaxa, nayat amtasisaw lurapxäta” sasa.

Colosenses 1:20

ukatsti aka uraqpachpan Cristo tuqi sumankañ utjañap munarakïna, uka sumankañasti Criston cruzan jiwatap tuqikiw utjäna.

Hebreos 12:24

machaq amtäwi arxatir Jesusaru, q'umachatäktan uka wilaparu, ukax Abel chachan wilapat sipan juk'amp yatiyir wilawa.

Hebreos 8:9

Aka arust'äwisti janiw kunjämatix nayra awkinakapampi lurkäyät ukhamäkaniti, kunapachatix jupanakarux Egipto markat irpsunkta ukhama; jupanakan uka arust'äwir jan phuqhapxatap laykux nayax jaytanuktwa, siw Tatituxa.

Hebreos 9:18

Ukat nayrïr arust'äwix wila wartäwimpi utt'ayasïna.

Hebreos 9:19

Moisesax Diosan taqi kamachi arunakap taqpach markar yatiyäna; qhiparusti mä wila t'awrampi, mä hisopo laymimpi aptäna, ukatsti vaca qallunakan wilaparu, cabritonakan umamp kittat wilaparuw chilltäna, ukampiw kamachi qillqataru, taqi jaqinakar ch'allakipäna.

Hebreos 9:21

Moisesasti qullan chiqaru, yupaychañatak kunanakatix utjkän uka yänakxaruw wilamp ch'axch'ukipäna.

1 Pedro 1:19

jan ukax Tatit Jesucriston suma wilapamp alatawa. Jupasti mä suma q'uma jan kamacht'at ovejar uñtat luqtatarakïnwa.

1 Pedro 1:2

Jumanakarusti nayratpach Dios Awkix amtataparjam ajllisipxtam. Ajay tuqiw jupatak yaqhachasipxtam, ukhamat jupar jaysapxañamataki, Jesucriston wilapamp q'umachatäpxañamataki. Jumanakasti Diosan jilarkir waxt'äwinakap katuqapxam, suman sarnaqasiñ katuqapxarakim.