Éxodo 24:16 - Qullan Arunaka DC

¹⁶ Tatitun qhapaq kankañapaw Sinaí qullunkäna, suxta uruw qinayax qullur urpxatäna. Paqallqüri urusti Tatitux Moisesaruw qinay taypit jawsäna.

Aymar Bibliia 1986

¹⁶ Tatitun jach'a cancañapawa Sinaí kolljjarojj jutäna, sojjta uruwa uca kollojj kenayampi urpuntatäna. Ucat pakallko urunsti Tatitojj Moisesaruw jawsanïna kenay taypita.

Qullan Arunaca

¹⁶ Tatitun jach'a cancañapawa Sinaí kolljjarojj jutäna, sojjta uruwa uca kollojj kenayampi urpuntatäna. Ucat pakallko urunsti Tatitojj Moisesaruw jawsanïna kenay taypita.

Éxodo 24:16 Jak'a apnaqawi uñst'ayäwi

Salmos 99:7

Diosax qinay taypitpach jupanakarux parläna, kamachi arunakap churäna jupanakasti uka arunakap phuqhapxäna.

Éxodo 16:10

Aaronax israelitanakamp parlaskän ukkhasti, akatjamat wasar tuqit mä qinay uñstanir uñjapxäna, Tatitun qhapaq kankañapaw mä qinay taypit uñstanïna.

Éxodo 19:11

jurpür willjtatak sum wakichasipxpan, naya, Tatitusti jurpür willjtaw Sinaí qullur saraqanï, taqi israelitanakan uñjkaña.

Éxodo 19:9

Tatitusti Moisesarux akham sarakïna: —Nayax jumar wali ch'amak qinay taypin uñstäma, markan jumampi parlatax ist'añapataki, jumatsti jan pächasisipkañapataki —sasa. Moisesasti israelitanakan arsusitanakap wasitat Tatitur yatiyäna.

Éxodo 20:10

paqallqüri urusti samarañ uruwa, Tatit Diosamatak yaqhachat uruwa. Uka urux janiw jumax kuns lurätati, yuqamasa, phuchhamasa, uywatamasa, uywanakamasa, utamankki uka jaya markankir jaqis janiw kuns lurapxañapäkiti.

Éxodo 24:17

Tatitun qhapaq kankañapasti israelitanakatakix qullu patan mä nakhantir ninar uñtatänwa.

Isaías 4:5

Ukat Sión qullun tantacht'at markaxarux imasï, urux mä qinayaw jupanakxarux imxattani, arumasti mä nina aqtatarakiw jupanakar imani. Taqi ukanakxarusti Tatitun qhanapakiw imxattani, ukhamat urunxa lupi qhanan jan qhathintatäpxañapataki, jallutsa, jach'a thayanakatsa jark'aqatäpxañapataki.

Ezequiel 1:28

uka qhanasti kürmir uñtatarakïnwa, kunapachatix kürmix jallu uruna qinay taypin uñstki ukhama. Tatitun qhapaq kankañapax ukhamar uñtataw nayar uñstitu. Uk uñjasasti, nayax uraqir puriñkamaw p'iqix alt'asirakta.

Levítico 9:23

Ukatsti Moisesampi, Aaronampix Tatitump Jikisiñ Utäkis ukaruw mantapxäna, ukat mistunxasinsti Israelitanakaruw aski waxt'äwinak churapxäna. Ukat Tatitux taqi jaqinakarux jach'a k'ajkir qhanapampi uñstarakïna:

Levítico 9:6

Ukat Moisesax sarakïna: “Tatituw ak arsuwayi, jichhax phuqhapxam, ukatsti Tatituw jumanakarux jach'a qhanapampi uñstapxätam” sasa.

Números 14:10

Ukhamäkipansa, jaqinakax qalampiw jupanakar k'upjañ munapxäna. Ukapachaw Tatitun qhapaq kankañapax Tatitump Jikisiñ Carpana uñstäna, taqpach israelitanakan uñjkata,

Números 16:42

24 (7) Taqpachaniw Moisesampiru, Aaronampir muyuntapxäna; ukampis jupanakax Tatitump Jikisiñ Carpäkis uksaruw sartawayxapxäna. Ukapachaw qinayax ukar imxattäna, Tatitun qhapaq kankañapas uñstarakïnwa.

2 Corintios 4:6

Diosax qhanap ch'amakan qhantaykän uka pachpa Diosarakiw chuymanakasan qhantayi. Uka qhanampisti Diosan k'ajkir kankañapax Jesucriston ajanupan qhankis uk uñt'apxañasatakiwa.

Apocalipsis 1:10

Kunürutix Tatitun urupäkän uka urun nayax Qullan Ajayun apnaqat uñjasta, ukatsti mä jach'a aru ist'ta qhipäxaxat art'asiniri, uka arusti mä trompetas phust'askaspa ukhamänwa,