Éxodo 23:33 - Qullan Arunaka DC

³³ janirakiw jupanakarux markam taypin jakayätati, jupanakax nayar jan walt'ayañatak jucha lurayapxiristam. Jumasti diosanakapar yupaychiriw tukusma, ukasti chhaqhañaruw puriyiristam.”

Aymar Bibliia 1986

³³ Uqhamaraqui jupanacjja janiw kheparayätati marcam taypina jacañapataqui, jupanacasti naya contraw jucha lurayapjjeristam, diosanacaparu yupaychasa, uqhamatwa jumajj chhakhañaru purisma.”

Qullan Arunaca

³³ Uqhamaraqui jupanacjja janiw kheparayätati marcam taypina jacañapataqui, jupanacasti naya contraw jucha lurayapjjeristam, diosanacaparu yupaychasa, uqhamatwa jumajj chhakhañaru purisma.”

Éxodo 23:33 Jak'a apnaqawi uñst'ayäwi

1 Reyes 14:16

Jeroboaman juchanaka luratap layku, Israel markaru jucha lurayatap laykurakiw Tatitux Israel markaru apanukuni —sasa.

2 Crónicas 33:9

Ukampis Manasés reyix Judá uranqinkiri, Jerusalén markankir jaqinakarux kawkïr markanakarutix Tatitux israelitanakan nayraqatapan tukjkän uka jan wali lurir markanakat sipansa juk'amp jan walinak lurayäna.

Salmos 106:36

diosanakaparuw yupaychapxäna, ukat jan walt'añanakar puripxäna,

Éxodo 10:7

Ukatsti faraonan yanapirinakapax sapxänwa: —¿Kunapachkamarak aka jaqist jiwasatak jan walt'añanak apaninisti? Uka jaqinakar khithanukxam, Tatit Diosapar yupaychir sarxapxpan. ¿Janit Egipto markan wali tukjatätap amuyktasti? —sasa.

Éxodo 23:24

Janiw uka markanakan jan wali luratanakap jumax lurarakïtati. Janiw diosanakap nayraqatan killt'asïtati, janirakiw yupaychätasa; jan ukasti, uka diosanakapsa, qullan qalanakapsa q'alpun tukjäta.

Éxodo 34:12

“Mantapkäta uka uraqin jakirinakampix janiw jumanakax kuna arust'äwsa lurapxätati, jupanakax jan walt'añaruw puriyapxiristam.

Deuteronomio 20:18

ukhamat uka axtaskañ sarnaqäwinakapa, kunjämtix diosanakapar yupaychapki ukanak jumanakar jan yatichaskañapataki, ukham lurasin Tatit Diosamatak jucha jan lurasipkañamataki.

Deuteronomio 7:1

Moisesasti saskakïnwa: “Tatit Diosasaw churapkätam uka uraqir puriyapxätam, ukatsti jumanakat sipan paqallqu wali jach'a ch'amani markanakaruw jaqunukuni: hititanakaru, gergeseonakaru, amorreonakaru, cananeonakaru, ferezeonakaru, heveonakaru, jebuseonakaru.

Deuteronomio 7:16

Jumanakasti kawkïri markanaktix Tatit Diosamax amparanakamar katuyapkätam uka markanakarux t'unjapxätawa; jan jumanakax jupanakat khuyapayasipxamti, diosanakaparus jan yupaychapxamti, ukham lurapxätaxa, aynacht'añaruw puripxasma.

2 Timoteo 2:26

p'arxtapxañapataki, ukatsti supayan sipitapat jaltapxañapataki, khititix katuntasin munañapar apnaqki ukata.

Josué 10:40

Ukhamaw Josué chachax taqi uka uraqinak katuntasïna. Jupax Négueb qullunkiri, pampankiri, amstankir reyinakaruw atipjäna. Taqpun tukjäna, taqiniruw jiwarayarakïna; janiw ukat jilt'irix kunas utjkänti, janirakiw maynis jakkänti, kunjämtix Israelan Tatit Diosapax jupar siskatayna ukhamaru phuqhasa.

Jueces 2:2

janipuniw jumanakax uka uraqin jakirinakampix kuna arust'äwsa lurapxätati, jan ukasti altaranakap taqi tukjapxäta’ sasa. Ukampis jumanakax janiw jaysapkistati, ¡uñtapxam kuntix lurapkta uka!

Jueces 2:3

Ukat jichhax jumanakar sapxsma: Janiw uka markanakarux jumanak nayraqatat jaqunukkätati, jupanakasa, diosanakapas jumanakatakix mä sipitar uñtatäniwa” sasa.

1 Samuel 18:21

uka phuchhapxa Davidar churañatakiw amtäna, ukhamat uka phuchhapan Davidaru filisteonakan amparapar katuyañapataki. Ukat wasitat Davidarux säna: —Jichhakuchaw tullqaxäyätaxa —sasa.