Éxodo 23:31 - Qullan Arunaka DC

³¹ Uraqiman qurpanakapax akhamäniwa: Mar Rojo qutata, Mar Mediterráneo jach'a qutkama, ukatsti wasarata Éufrates sat jawirkama. Nayaw uka uraqinakan jakir jaqinakarux amparamar katuyäma, jumasti nayraqatamat jupanakar alisnuküta.

Aymar Bibliia 1986

³¹ Catuscäta uca orakeman korpapajja aqhamäniwa: Mar Rojo sat kotata filisteonacan Mar Mediterráneo sat jach'a kotapcama, ucqhatsti Arabia ucsa wasarata Eufrates sat jawircama. Ucampis nayajja amparamaruw catuysma uca orakenacan jaquir jakenacarojja jumawa ucatjja alisnucütajja jan jac'amancapjjañapataqui.

Qullan Arunaca

³¹ Catuscäta uca orakeman korpapajja aqhamäniwa: Mar Rojo sat kotata filisteonacan Mar Mediterráneo sat jach'a kotapcama, ucqhatsti Arabia ucsa wasarata Eufrates sat jawircama. Ucampis nayajja amparamaruw catuysma uca orakenacan jaquir jakenacarojja jumawa ucatjja alisnucütajja jan jac'amancapjjañapataqui.

Éxodo 23:31 Jak'a apnaqawi uñst'ayäwi

Génesis 15:18

Uka pachpa uruw Tatitux Abram chachampix mä amtäwir mantäna, sarakïnwa: —Wawanakamaruw aka uraq churä, Egipto jawirata, Éufrates sata jach'a jawirkama.

1 Reyes 11:2

Diosasti israelitanakarux uka markanakankir warminakat sataynawa: “Janiw jupanakamp jaqichasipxätati, jupanakas janirakiw jumanakampi jaqichasiñapäkiti, chuymanakam yaqha diosanakar arkañatak jan saranukuyaskañapataki” sasa. Ukampis Salomonax uka warminakar munasin, jupanakampi mayachasïna.

1 Reyes 20:13

Ukchañkamasti mä profetaw Israelan Ahab reyipar uñjir saräna, juparusti akham säna: —Tatitux akham siwa: “Uka walja uñisirinakam uñjkäta ukasa, nayaw jichhürux amparamar jupanak katuyäma, ukat jumax yatïta nayan Tatitütaxa” —sasa.

1 Reyes 4:21

21 (22) Salomón reyix taqpach markanak apnaqäna, Éufrates jawirata, filisteonakan uraqipkama, Egipto uraqimpi qurpäki ukkhakama. Salomón reyin jakañapkamasti, taqi uka markanakax qullqi juparux churapxäna, juparurakiw jaysapxäna.

1 Reyes 4:24

24 (4) Salomonax Éufrates jawirata inti jalanta tuqin utjir taqpach markanak apnaqäna, Tífsah chiqawjata Gaza chiqakama, ukhamaraki uka uraqinkir reyinakarusa, jupasti uka muytpach uraqinkirinakarux sumankañ utjayarakitayna.

1 Reyes 8:65

Uka urusti, Salomonax taqpach Israel jaqinakamp chikaw Chhujllanak lurañ uru uruyäna, Tatit Diosar jach'añchasa, ukasti paqallq urünwa. Jaqix waljapunïnwa, israelitanakax taqi chiqat jutapxatayna, Hamat chiqata, Egipto jawiratpacha. Uka qhipatsti yaqha paqallq urumpi uruyapxarakïna; taqpachasti tunka pusin uruw uruyapxäna.

2 Crónicas 9:26

Salomón reyisti kawkïr reyinakatix, Éufrates jawirat qalltasa filisteonakan uraqipkama, Egipto qurpakamarak utjkäna uka reyinakaruw apnaqäna.

Salmos 72:8

¡Maysa lamar qutat maysa lamar qutkam apnaqpan, Éufrates jawirat qalltasa, aka uraq tukuskama!

Números 21:34

Ukapachaw Tatitux Moisesar säna: “Og reyir jan axsaramti, nayaw amparamar jupar katuyäma, taqpach ejercitoparu, markapamppacharu, jumasti kunjämtix Hesbón markan jakir amorreo Sihón reyir lurktaxa, uka pachparak luräta” sasa.

Números 34:2

“Israelitanakar parlam jupanakarusti sarakim: Jumanakax Canaán uraqir mantañampïpxtawa. Aka uraqinakaw jumanakankani, qurpanakapasti akanakäniwa:

Deuteronomio 1:7

Jichhasti taqi yänakam apthapisxapxam, ukatsti amorreonakan qullunakaparu, jupanak jak'an utjir uraqinakar sarapxam: Arabá wasararu, qullu chiqanakaru, qhirwanakaru, Négueb pampanakaru, quta thiyanakaru, cananeonakan uraqiparu, Líbano uraqiru, Éufrates sat jach'a jawirar puriñkama.

Deuteronomio 1:8

Nayaw taqi uka uraqinak amparamar katuyapxsma; jichhasti sarapxamay uka uraqinak katuntiri, naya Diosaw uka uraqinak Abrahamampiru, Isaacampiru, Jacobumpiru, jupanakat saraqir wawanakapampir churañatak juramentomp arsta’ sasa.

Deuteronomio 11:24

Kawkharutix jumanakan kayunakamax takt'kani ukawjax jumanakankaniwa. Uraqinakaman qurpanakapax wasarat qalltasin Líbano uraqkamäniwa; ukatsti Éufrates jawirata Mar Mediterráneo jach'a qutakamäniwa.

Deuteronomio 2:33

ukampis jiwasan Tatit Diosasaw amparanakasar katuyistu, ukatsti jupampiru, wawanakapampiru, taqi ejercitopampiruw atipjaraktan.

Deuteronomio 2:36

Janiw kawkïri markas jiwasan amparanakasat jaltirjamäkänti; Tatit Diosasaw taqi aka markanak amparasar katuyistu, Arnón jawir thiyankir Aroer sat markat qalltasa, qhirwa chinqankir marka, Galaad uraqkama.

Deuteronomio 20:16

Ukampis Tatit Diosamax churkätam uka uraqin utjir markanakapanxa, janiw maynirus jakaskir jaytapxätati,

Deuteronomio 3:2

“Ukat Tatitux nayar sarakitu: ‘Jan jumax axsaramti, nayaw jupampiru, ejercitopampiru, ukhamarak taqi markaparus amparamar katuyaskäma, ukhamat jumax kunjämtix Hesbón markan jakir amorreonakan Sihón sat reyipar lurkta, uka kipka jupar lurañamataki’ sasa.

Deuteronomio 6:19

Tatituw taqi uñisirinakamar jumanak nayräxat ananukuni, kunjämtix arsuwaykän ukhamarjama.

Deuteronomio 9:3

“Jichhasti jumanakax yatipxañamawa, Tatit Diosamaw jumanak nayram saraski, mä ninar uñtataw jumanak nayräxan uka markanakar t'unjani, jisk'achjarakini. Jumanakax uka markanakarux mä ch'ipxtanak jaqunukupxäta t'unjapxarakïta, kunjämtix Tatit Diosamax arsuwayki uka aruparjama.

Josué 1:4

Jumanakarux wasarata, Líbano qullunakat qalltasa, Éufrates jach'a jawirkam churapxäma, hitita jaqinakan taqi uraqinakapa, Mediterráneo sat jach'a qutakama.

Josué 10:19

Ukchañkamasti, jumanakax jan ukhamak ukan qhiparapxamti, uñisirin qhipapat arktasin katuntapxam, janirak markanakaparux kuttayapxamti, Tatitu Diosamaw jumanakarux amparanakamaru katuyapxtam” sasa.

Josué 10:8

Tatitusti Josué chacharux sänwa: “Jan jupanakar axsaramti, nayaw amparamar katuyaskäma, janirakiw jupanakat khitis saykatkätamti” sasa.

Josué 13:6

Naya Diosaw israelitanakan nayräxapat sidonio jaqinakarux jaqunukü, ukhamarak qullunakan jakapki ukanakarusa, Líbano chiqat qalltasa Misrefot-maim chiqakama. Jumasti jichhax israelitanakar uka uraqinak churañar uchasim, kunjämtix nayax sisksma ukhamar phuqhasa.

Josué 2:24

Juparusti sapxänwa: “Tatitux taqi uka uraqinak amparasaruw katuyistu, jichhasti uka uraqin jakir jaqinakax jiwasat yatisax axsarañat wal khathatipxi —sasa.

Josué 21:44

Tatitux arsutaparuw phuqhäna, ukatsti israelitanakaru taqi uka uraqpachan sumankañ churäna. Uñisirinakapax janiw jupanakarux saykatirjamäkänti, Tatituw uka uñisirinakarux atipjäna.

Josué 23:14

“Nayax niyaw jiwxä, ukampis nayraqatax muntwa, jumanakan taqi chuymampi, taqi amuyumpi amtasiñanakama, kuna askinaktix Tatitux arsuwayapktam taqi ukanakan taqpacha phuqhasitapa. Janiw mä arsutapas jan phuqhaskiti.

Josué 24:11

Ukatsti jumanakax Jordán jawir makhatasin Jericó markakam purinipxtaxa. Jericó marka jakapkän uka amorreonaka, ferezeonaka, cananeonaka, hititanaka, gergeseonaka, heveonaka, jebuseo jaqinakax, jumanakampiw nuwasipxäna, ukampis nayaw jumanakarux atipt'ayapxsma.

Josué 24:12

Uka pani amorreo reyinakarux janiw jumanakax espadanakampi, arconakampi atipjapktati, jan ukasti nayaw chuymanakapar jumanak nayraqatan axsarañ uchta, ukat jupanakax jumanakas janïr puripkta ukkhax jaltxapxi.

Josué 24:18

Juparakiw thakhinjam jutkäyätan ukkhax, jiwasan nayraqatasat uka markanakar jaqunuküna, ukhamarak ukan jakir amorreo jaqinakarusa. Taqi uka luräwinakatsti, nanakax Tatituruw luqtapxarakï, jupakiw nanakan Diosasaxa —sasa.

Josué 24:8

nayarakiw amorreonakan uraqiparux irpanipxsma, Jordán jawirat inti jalsu tuqiru. Jupanakax jumanakampiw nuwasipxäna, ukampis nayaw ch'ama churapxsma jumanakan atipjapxañamataki, ukat jumanakax uraqinakap katuntasipxtaxa.

Josué 8:18

Ukatsti Tatitux Josué chachar sänwa: “Ai marka tuqir lanzam aytam, nayaw amparamar katuyäma” sasa. Josué chachasti amparap aytasin marka tuqiruw lanzap uñtayäna.

Josué 8:7

Ukapachaw jumanakax imantasipkta ukawjat mistunisin marka katuntapxäta, Tatit Diosamaw amparanakamar uka marka katuyapxätam.

Josué 9:7

Israelitanakasti uka heveo jaqinakarux sänwa: —Inas jumanakax aka jak'anakan jakasipksta; ¿kunjämarak jumanakampi mä suma amtäwiru mantsnasti? —sasa.

Jueces 1:4

ukhamaw Judá ayllunkirinakax cananeonakana, ferezeonakan uraqinakap katuntasipxäna, Tatituw jupanakan amparanakaparux katuyäna. Bézec chiqansti tunka waranqa jaqinakaruw atipjapxäna, jupanak taypinsti Adonisédec reyiw jikxatasïna.

Jueces 11:21

Ukampis Israel markapan Tatitu Diosapaw Sihón reyin ejercitoparu atipt'ayapxitu, ukat nanakax taqi uka chiqankiri amorreonakan uraqip katuntasipxta:

1 Samuel 23:4

Ukhamasti Davidax wasitat Tatiturux jiskt'asïna, Tatitusti sarakïnwa: —Jumax Queilá markarux saraskakim, nayaw filisteonakarux amparamar katuyäma —sasa.