Éxodo 23:25 - Qullan Arunaka DC

²⁵ Tatit Diosamaruw yupaychäta, jupasti t'ant'amaru, umamaruw aski waxt'äwimp phuqt'ani. “Nayaw taqi usunak jumat apaqäma.

Aymar Bibliia 1986

²⁵ Jumasti Tatitu Diosamaruquiw yupaychäta, jupawa jumanacarojj bendicipjjätam t'ant'sa, uqhamarac umsa. “Nayasti take usunacwa jumanacatjja apakapjjäma.

Qullan Arunaca

²⁵ Jumasti Tatitu Diosamaruquiw yupaychäta, jupawa jumanacarojj bendicipjjätam t'ant'sa, uqhamarac umsa. “Nayasti take usunacwa jumanacatjja apakapjjäma.

Éxodo 23:25 Jak'a apnaqawi uñst'ayäwi

Salmos 103:3

Tatituw taqpach juchanakaxat pampachitu, jupaw taqi usunakaxat k'umarachitu,

Éxodo 15:26

Sarakïnwa: “Jumanakatix naya, Tatit Diosaman arunakapar sum ist'apxäta, munañaxsa lurapxäta, ukatsti kamachi arunakaxarusa, kamachinakaxarus phuqhapxarakïta ukapachaxa, janiw kawkïr mutuyäwinaktix egipcionakar apaykta ukanak apayanipkämati. Nayätwa jumanakar k'umarachir Tatitumaxa” sasa.

Eclesiastés 5:20

20 (19) Diosax kusisiñampi chuymar phuqht'asaxa, janiw jakañapat sinti llakiskiti.

Isaías 33:16

ukakiw chiqpachansa taqi kunat imat jakani, qarqat lurat mä suma utan samart'ani, manq'añapas jan tukuskirïniwa, umas janirakiw jupatak pist'kaniti.

Isaías 33:24

Janiw khitis: “Usutätwa” siskaspati. Tatitusti Jerusalenan jakir jaqinakan juchanakap pampacharakini.

Jeremías 8:2

Uka ch'akhanaksti uraqiruw willitatapxani, intinsa, phaxsinsa, taqi warawaranakansa uñjkat willinukutäniwa, jupanakax ukanakaruw yupaychapxatayna, arkapxatayna, jiskt'asipxarakitayna. Janirakiw khitis uka ch'akhanak imt'xañatakix apthapkaniti. Jan ukasti pachpa uraqiruw qhiparani, q'añu t'unar uñtata.

Daniel (hebreo) 1:15

Tunka uru qhipatsti, uka waynanakan uñnaqapax reyin manq'añapata, reyin vinopat umapkänsa uka waynanakat sipan juk'amp k'umara, ch'amanirakiw jikxatasïna.

Levítico 11:44

Nayätwa jumanakan Tatit Diosamaxa. Jumanakasti q'umachasipxañamawa, ukatsti qullanäpxañamarakiwa, nayan qullanätax layku. Janipuniw jumanakax kawkïri laq'unakatix uraqinjam qatatnaqtapki ukanakampix q'añuchayasipxätati.

Levítico 26:3

“Jumanakatix nayan kamachinakaxarjam sarnaqapxäta, arunakaxsa phuqhapxarakïta ukasti,

Malaquías 3:10

Sapa tunkat maya churañamäki uksti nayan utaxar apanipxam, ukhamat manq'añax utaxan utjañapataki. Jichhax yant'apxita, nayaw jumanakaru alaxpach ventananak jist'arasin jilarkir suma waxt'äwinak apayanipxäma.

Mateo 4:10

Jesusasti juparux sänwa: —Saraqit nayat supaya, Diosan qillqatapasti siwa: ‘Tatitu Diosamarukiw yupaychäta, jupa saparukiw arkäta’ —sasa.

Deuteronomio 10:12

“Jichhasti israelit jaqinaka, ¿kunarak Tatitu Diosamasti jumanakan lurapxañam munisti? Jupax jupar jach'añchañanakam muni, jupan thakhipanjam arkañanakama; ukatsti jupar munañanakama, taqi chuymamampi, taqi jakañamamp jupar yupaychañanakama,

Deuteronomio 10:20

“Tatit Diosamar jach'añchapxam, jupa saparuk yupaychapxarakim; jupar jaysirïpxam, juramento lurapkäta ukkhasti Diosan sutipxar lurapxam.

Deuteronomio 13:4

4 (5) Tatit Diosam saparukiw arkapxäta, jach'añchapxarakïta, kamachi arunakap phuqhapxam, arunakap ist'apxam, juparu yupaychapxam; jupamp chikt'atapun jakapxarakim.

Deuteronomio 6:13

Ukhamasti, jumanakan Tatit Diosamar yupaychapxam, jupa saparukirak luqtapxam, ukatsti kunapachatix juramento lurapkäta ukkhaxa, Tatitun sutipxaruk lurapxam.

Deuteronomio 7:13

Jumanakarusti munasiñampiw uñjapxätam, aski waxt'äwi churapxätam, mirantayapxarakïtamwa; wawanakamar aski waxt'äwinak churani, yapunakamaru, taqi achunakamaru, trigo yapunakamaru, vinomaru, aceitemaru, ukhamarak vacanakamana, ovejanakaman qallunakapar aski waxt'äwinak churani, nayra awkinakamar juramentomp churañ arsuwaykän uka uraqina.

Deuteronomio 7:15

Tatitusti taqi usunaka, mutuñanaka jumanakat apaqapxätam, Egipto markar apaykän uka usunak apanukuni; ukampis Tatitux taqi uka usunakampiw uñisirinakamar t'aqhisiyani.

Josué 22:5

Ukampis jan armasipxamti, jumanakax taqi iyawsañ chuymampipuni Tatitun kamachiparusa, arsutanakaparusa phuqhapxam, kunjämtix Diosan luqtiripa Moisesax sapktam ukhamarjama, jumanakax Tatit Diosamarux taqi chuymamp munapxam, jupan chiqa thakhipanjam sarnaqapxam, arunakaparus jaysapxam, taqi munasiñ chuymampi, taqi amuyumpi arkasa jupar luqtapxam” sasa.

Josué 24:21

Israel markasti Josué chacharux sänwa: —Janiw ukax ukhamäkaniti. Nanakax Tatituruw luqtapxä —sasa.

Josué 24:24

Israel markasti sänwa: —Nanakax Tatitu Diosaxarukiw luqtapxä, kuntix jupax sapkitani uk lurapxarakï —sasa.

1 Samuel 12:20

Samuelusti jupanakarux sänwa: —Jan axsarapxamti. Chiqpachansa jumanakax sinti jan wal lurapxtaxa; ukampis jichhax Tatitut jan saraqapxamti, jan ukasti taqi chuymampi yupaychapxam.

1 Samuel 12:24

Jumanakax Tatiturukiw axsartapxañama, juparukiw chiqpach taqi chuymampi yupaychapxañama, jumanak layku muspharkañanak luratapata.

1 Samuel 7:3

Ukat Samuelux israelitanakar säna: “Jumanakatix chiqpachapun Tatitur jaysañ munapxsta ukaxa, yaqhanakan diosanakapar yupaychañ apanukupxam, ukhamaraki Baal, Astarté ukanakan uñtasitanakaparusa, jiwasan mä sapa chiqpach Tatituruki yupaychapxam. Ukapachakiw jupax filisteonakan amparapat qhispiyapxätam” sasa.