Éxodo 23:24 - Qullan Arunaka DC

²⁴ Janiw uka markanakan jan wali luratanakap jumax lurarakïtati. Janiw diosanakap nayraqatan killt'asïtati, janirakiw yupaychätasa; jan ukasti, uka diosanakapsa, qullan qalanakapsa q'alpun tukjäta.

Aymar Bibliia 1986

²⁴ Ucampis uca marcanacajj cuna jan walinactejj lurqui ucanacjja janiraquiw luraraquïtati. Jumasti diosanacaparojj janiw quillt'asisa yupaychätati, jan ucasti uca diosanacapjja p'aquinokasaw tak tucjäta; uqhamarac jach'a kalanacapsa.

Qullan Arunaca

²⁴ Ucampis uca marcanacajj cuna jan walinactejj lurqui ucanacjja janiraquiw luraraquïtati. Jumasti diosanacaparojj janiw quillt'asisa yupaychätati, jan ucasti uca diosanacapjja p'aquinokasaw tak tucjäta; uqhamarac jach'a kalanacapsa.

Éxodo 23:24 Jak'a apnaqawi uñst'ayäwi

2 Reyes 17:11

ukatsti kawkïri markanaktix Tatitux jupanakan nayraqatapat jaqunukkatayna uka markanakan luräwinakaparjamaw inciensonak nakhayapxäna, ñanqha luräwinak lurapxarakïna, ukhamat Tatitur q'apisiyasina.

2 Reyes 17:8

ukatsti kawkïr markanakarutix Tatitux jupanakan nayraqatapat jaqunukkatayna ukanakan luräwinakap arkapxäna, ukhamaraki kuna saranaktix Israel reyinakax utt'ayapkatayna uka saranak arkapxäna.

2 Reyes 18:4

Jupaw qullu patanakan yupaychañ chiqanak apaqäna, yupaychañ qalanaksa jisk'a jisk'a tukjäna, Astarté diosan lantinakapsa taqpach p'akiräna, ukatsti Moisesax broncet mä katari lurkatayna uksa jisk'a jisk'a tukjarakïna; uka urunakkamasti israelitanakax inciensonak uka katarir yupaychasin nakhayapxäna, Nehustán sasaw sutichapxarakïna.

2 Reyes 3:2

Joram reyin luratanakapax Tatitun nayraqatapan janiw walïkänti, ukampis janiw awkipanjama, taykapanjam sinti jan walïkänti, jupasti kawkïr qaltix awkipax Baal diosar jach'añchas luraykatayna uka qala t'unjayäna.

2 Crónicas 14:2

2 (1) Asá reyin luratanakapax Tatit Diosapa nayraqatan sumänwa, chiqarakïnwa.

2 Crónicas 25:14

Amasías reyix Edom chiqankir jaqinakar atipjas kutt'anxasinxa, jupax Seir chiqankir diosanak apasinïna, ukatxa jupan diosanakapat uñt'asïna, ukanakarusti inciensonak nakhayasaw yupaychäna.

2 Crónicas 33:2

Ukampis jupan luräwinakapax Tatit nayraqatan janiw walïkänti, jupasti kawkïr markanakarutix Tatitux israelitanakan nayraqatapat jaqunukkän uka markanakan axtkañ luräwinakap luräna:

2 Crónicas 33:9

Ukampis Manasés reyix Judá uranqinkiri, Jerusalén markankir jaqinakarux kawkïr markanakarutix Tatitux israelitanakan nayraqatapan tukjkän uka jan wali lurir markanakat sipansa juk'amp jan walinak lurayäna.

Salmos 101:3

ñanqha amtäwinakarux janipuniw uñtkäti. Diosat saraqtirinakarux uñisipuntwa; ¡janipuniw jupanakampix jak'achayaskäti!

Éxodo 20:3

“Janiw jumax nayat sipan yaqha diosanak uchasïtati.

Éxodo 20:5

Janiw uka diosanakatak killt'asïtati, janirakiw yupaychätasa, nayaw juman Tatit Diosamätxa, jan yaqhampïñam munir Diosätwa, nayar uñisir awkinakan juchapatxa, nayaw wawanakaparusa, allchhinakaparusa, allchhinakan allchhinakaparus mutuyta;

Éxodo 23:13

“Taqi aka kamachinak phuqhapxam, ukatsti janipun yaqha diosanakar yanap mayipxamti; sutipsa aytasipxamti.

Éxodo 23:32

“Janiw jumax jupanakampisa, diosanakapampis kuna arust'äwirus mantätati,

Éxodo 23:33

janirakiw jupanakarux markam taypin jakayätati, jupanakax nayar jan walt'ayañatak jucha lurayapxiristam. Jumasti diosanakapar yupaychiriw tukusma, ukasti chhaqhañaruw puriyiristam.”

Éxodo 32:20

ukatsti uka quri vaca qallu katusin ninampiw phichkatäna, ukatxa laq'ar tukuyañkam k'iyjasin umaruw willintäna; ukatsti israelitanakarux uka uma umantayarakïna.

Ezequiel 16:47

Jumasti, jupanakjamarakiw q'añu luräwinakapa lurtaxa. Ukanakampi jan sisthapisasa, juman sarnaqäwinakamax jupanakan sarnaqäwinakapat sipan juk'ampi jan walïnwa.

Oseas 10:2

Israelan chuymapax payar jaljtatawa, jichhasti juchanakapat mutuyatarakïniwa. Tatitux uka altaranakap t'unthapiniwa, qullana qalanakapsa q'al tukjarakini.

Levítico 18:3

“Egipto markan sarnaqäwinakaparjamax jan jakapxamti, kawkïr markantix jumanakax jakapkäyät ukana. “Canaán uraqin sarnaqäwinakaparjamax jan jakapxamti, kawkïr uraqirutix nayax jakapxañamatak irpapksma uka uraqina, janirak uka markan kamachinakaparjamas jakapxamti.

Levítico 26:1

“Janipun yaqha diosanak lurasipxamti; janirak ukanakarus yupaychapxamti. Nayätwa jumanakan Tatit Diosamaxa.

Números 25:2

uka warminakasti diosanakapar wilañchanak luqtäwiruw jupanakarux jawsapxäna. Israelitanakax uka manq'äwinakapat manq'apxäna, moabitanakan diosanakapatakiw killt'asipxäna,

Números 33:52

uka uraqin jakir jaqinakaruw alisnukupxäta, qalampita, metalampit lurat diosanakapar taqpach t'unjapxäta, ukatsti diosanakapar qullu patanakan yupaychapki ukawjanak t'unjapxarakïta.

Deuteronomio 12:3

Altaranakap t'unthapipxäta, qalanakapsa jisk'a jisk'a tukjapxarakïta; kawkïr lawanakarutix yupaychapki ukanaksa phichhantapxätawa, uka kunayman uñtan diosanakapsa, jan mayampitakiw t'unjapxarakïta.

Deuteronomio 7:5

Ukat sipana, jupanakarux akanak lurapxäta: Altaranakap tinkuyapxäta, yupaychañ qalanakapampi, lawanakapamp t'unjapxarakïta, idolonakapsa taqpach phichhantapxäta.