Éxodo 23:19 - Qullan Arunaka DC

¹⁹ “Yapuman nayrïr suma achunakapsti Tatit Diosaman utaparuw apäta. “Janiw cabrito aychxa taykapan lechepar qhathiyapxätati.”

Aymar Bibliia 1986

¹⁹ “Uqhamaraqui yapumana nayrïri suma achunacapsti Tatitu Diosamana temploparuw apäta. Ucampis cabriton aychapjja janiw taycapan lechepampjja wallakeyätati.

Qullan Arunaca

¹⁹ “Uqhamaraqui yapumana nayrïri suma achunacapsti Tatitu Diosamana temploparuw apäta. Ucampis cabriton aychapjja janiw taycapan lechepampjja wallakeyätati.

Éxodo 23:19 Jak'a apnaqawi uñst'ayäwi

Nehemías 10:35

35 (36) Ukatsti amtasipxaraktwa Tatitun utapar yapunakaxat sapa mara nayrïri achunakampi, quqanakaxat nayrïr muxsa achunakampi apañataki,

Nehemías 10:36

36 (37) ukhamaraki jilïri wawanakaxaru Tatitusan utapar irpañataki, ukatxa vacanakaxana, ovejanakaxan nayrïri qallunakap Tatitun utapan luqtir sacerdotenakan nayraqatapar apañatakisa, kunjämatix kamachin qillqatäki ukhamarjama.

Éxodo 22:28

28 (27) “Janipuniw Diosar ñanqhachätati, janirakiw markam apnaqir jilïrirus ñanqhachätati.

Éxodo 22:29

29 (28) “Yapu apthapitanakamata, taqpach vinomat waxt'anaksa nayatak apanipxapunïtawa. “Jilïr wawam nayaruw katuyxitäta,

Éxodo 34:26

“Ukxarusti uraqinakaman achuri nayrïr suma achunakapxa, Tatit Diosaman utaparuw apapxäta. “Janiw cabrito aychxa taykapan lechepar qhathiyapxätati.”

Proverbios 12:10

Aski jaqix uywanakapat khuyapayasiwa, ñanqha lurir jaqisti janiw khuyapayasiñ yatkiti.

Proverbios 3:9

Taqi yänakamamp Tatitur jach'añcham, yapu apthapitamat nayrïr achunak churañampirak waqaycham;

Jeremías 10:3

Uka markanakan iyawsäwinakapax janiw kunatakis askïkiti. Ch'umi taypin mä quqa jaqunukupxi, uka quqatsti ídolo luririw sum lursuski,

Ezequiel 44:30

Sacerdotenakasti taqi achunakata, nayrïr achunakäki, taqi luqtäwinakat sumäki ukanak katuqapxani. Jumanakax t'ant'a lurasiñatak masa wakichasipkät ukkhasti, sumäki uk jupanakarux churapxäta. Ukapachakiw nayan suma waxt'asiñanakaxax utanakaman utjani.

Ezequiel 48:13

Levitanakasti, sacerdotenakampi chika uraqinakanïpxaniwa, uka uraqisti sayt'urux pä tupu chikatanïniwa, iramarusti mä tupurakïniwa. Kawkïr uraqitix Tatitur luqtatäki ukasti sayt'urux pä tupu chikatanïniwa, iramarusti pä tupunirakïniwa.

Ezequiel 48:14

Uka uraqisti markpachan taqi uraqinakat sipansa suma uraqipunïniwa. Uka uraqisti janipuniw aljaskaniti, kunampis turkatäkaniti, janirakiw yaqharus churatäkaniti, jan ukasti Tatitutak luqtatapunïniwa.

Números 15:21

Uka waxt'a lurapxapunïtawa.

1 Corintios 15:20

Ukampis janiw ukhamäkiti. Chiqpachansa Cristox jiwatanak taypit jaktawayi. Jupax nayrïr achükaspas ukhamawa: jupaw jiwatanak taypit nayraqat jaktawayi.

Deuteronomio 14:21

“Janiw jumanakax jupapach jiwat animalanakan aychap manq'apxätati, jumanakax Diosatak yaqhachat markäpxtawa; ukampis ukanakxa yaqha markat jutiri, jumanak taypin jakir jaqirux churasipkasmawa; jupax manq'askaspawa; jan ukax markam chiqa sarakipir jaya jaqiruw uk aljasipkarakisma. “Janiw cabritonakan aychapxa taykapan lechepar phayapxätati.

Deuteronomio 26:10

Ukat jichhax apanta, kawkïr uraqtix Diosax churkitu uka uraqin nayrïr achunakapa’ sasa. “Ukatsti Tatit Diosaman nayraqataparuw uka canasta uchäta, ukat jupan nayräxapar killt'asirakïta.

Deuteronomio 26:2

uraqix achuyarapkätam uka taqi apthapitanakamat nayrïr achunak apaqäta, ukatsti mä canastar uchasin kawkha chiqtix Tatit Diosamax sutipan ukankañatak ajlliskani uka chiqaruw apäta.

Apocalipsis 14:4

Jupanakasti janiw k'ari diosanakar yupaychas q'añuchasipkataynati, jupanakax taqpachaniw Corderor arkapxäna, kawkirutix jupax sarkän ukaru. Jupanakax jaqinak taypit qhispiyatäpxataynawa, nayrïr churäwi Diosampir Corderompir luqtañataki.