Éxodo 23:18 - Qullan Arunaka DC

¹⁸ “Uywa wilañcha luqtkitäta ukapachasti, janiw wilapxa levaduran t'ant'amp chik luqtitätati, janirakiw lik'ipsa qhipärmanthitak imätati.

Aymar Bibliia 1986

¹⁸ “Jumasti uywanac sacrificio loktasinsti, janiwa wilapjja loktitätati levadurampi lurat t'ant'ampjja, uqhamarac janiw liq'ipsa imaraquïtati khepärmanthitaquejja.

Qullan Arunaca

¹⁸ “Jumasti uywanac sacrificio loktasinsti, janiwa wilapjja loktitätati levadurampi lurat t'ant'ampjja, uqhamarac janiw liq'ipsa imaraquïtati khepärmanthitaquejja.

Éxodo 23:18 Jak'a apnaqawi uñst'ayäwi

Éxodo 12:10

janiw kunsa qhipürutak imapxätati; kuna jilt'anaksa, ninaruw nakhantayxapxäta.

Éxodo 12:15

Paqallqu uruw jan levaduran t'ant'a manq'apxäta; ukhamasti, nayrïr urut qalltasin janiw utanakaman levadurax utjañapäkiti. Uka paqallqu urunakan levaduran t'ant'a manq'irixa, Israelankirinak taypit apanukutäniwa.

Éxodo 12:8

Uka arumasti uka aycha manq'apxäta, ninar kankata, jan levaduran t'ant'ampi, jaru ch'uxña alinakampi.

Éxodo 16:19

Ukat Moisesax jupanakar sarakïna: —Janiw khitis qhipärmanthitak kuns imañapäkiti —sasa.

Éxodo 29:34

Qhipürutakitix luqtat aychampita, t'ant'ampitsa jilt'kani ukaxa, uka jilt'anak nakhantayxätawa, qullanätap laykusti, jan khitis manq'pati.

Éxodo 34:25

“Wilañcha luqtañatak jiwatäkani uka uywarux, janiw wilampi, levaduran t'ant'ampi apthapit luqtapxätati, janirakiw Pascuan wilañcha luqtatäki ukan jilt'anakapsa qhipärmanthitak imapxätati.

Levítico 2:11

“Janipuniw jumanakax Tatitur luqtañatak grano achunakat wakichat waxt'arux levadura uchapxätati. Janipuniw kuna levadurasa, misk'isa Tatitur luqtat waxt'jamax nakhantayatäñapäkiti.

Levítico 7:12

Uka wilañchäwitix yuspagarañatakïchinixa, aceitempi chapt'ata jan levaduran t'ant'anaka, aceitempi warakipt'ata sillp'a t'ant'anaka, wali suma jak'uta aceitempi chapt'at t'ant'anak churapxäta,

Levítico 7:15

“Kawkïri uywatix yuspagarañataki, ukhamarak sumankthapiñataki luqtaski ukan aychapax uka urpacha pachpan manq'antatäñapawa, janiw mä jisk'a aychas qhipürutakix jilt'ayatäñapäkiti.

Deuteronomio 16:4

Uka paqallqu urunakan janiw jumanakan uraqinakaman levadurax utjañapäkiti; ukatsti nayrïr uruna jayp'u tuqir wilañcha luqtapkäta uka aychatxa, janiw qhipärmanthitak jilt'ayasipxätati.