Éxodo 23:15 - Qullan Arunaka DC

¹⁵ Jan levaduran t'ant'a manq'añ uru uruyäta, arsutaxarjamasti paqallq uruw jan levaduran t'ant'a manq'äta. Abib sat phaxsin luräta, uka phaxsin Egiptot mistunitam layku. Ukampis uka uruyäwirux janiw khitis ukhamak jan kun apanis nayar uñstir jutañapäkiti.

Aymar Bibliia 1986

¹⁵ Lurätawa jan levaduran t'ant'a mank'añ fiesta, ucsti lurätawa cunjämtejj nayajj siscsma uqhamarjama. Aca fiesta lurasinsti pakallko uruwa jan levaduran t'ant'jja mank'äta. Uqhamsti lurätawa Abib sat phajjsina, uca phajjsinwa Egiptota mistuntajja. Ucampis aca fiestanjja janiw qhitisa jan cunsa apanisajj uqhamaqui nayar uñstirejj jutañapäquiti.

Qullan Arunaca

¹⁵ Lurätawa jan levaduran t'ant'a mank'añ fiesta, ucsti lurätawa cunjämtejj nayajj siscsma uqhamarjama. Aca fiesta lurasinsti pakallko uruwa jan levaduran t'ant'jja mank'äta. Uqhamsti lurätawa Abib sat phajjsina, uca phajjsinwa Egiptota mistuntajja. Ucampis aca fiestanjja janiw qhitisa jan cunsa apanisajj uqhamaqui nayar uñstirejj jutañapäquiti.

Éxodo 23:15 Jak'a apnaqawi uñst'ayäwi

Éxodo 12:2

“Aka phaxsix jumanakatak mä suma jach'a phaxsïniwa, mara qallta phaxsïniwa.

Éxodo 13:3

Ukat Moisesax israelitanakar säna: “Aka urut amtasipxapunïtawa, aka urun Tatitux jach'a ch'amapamp Egipto uraqit jumanakar irpsunipxtam, t'aqhisiyat jakapkäyät uka uraqita. Janiw levaduran t'ant'a manq'apxätati.

Éxodo 13:4

Jichhürux Abib phaxsiwa, uka phaxsin mistunipxtaxa,

Éxodo 22:29

29 (28) “Yapu apthapitanakamata, taqpach vinomat waxt'anaksa nayatak apanipxapunïtawa. “Jilïr wawam nayaruw katuyxitäta,

Éxodo 34:18

“Jan levaduran t'ant'a manq'añ uru uruyapxäta, nayax sapksma ukhamarjam paqallqu uruw jan levaduran t'ant'a manq'apxäta. Abib sat phaxsina, uka phaxsin Egipto markat mistunipxatam layku.

Éxodo 34:20

Ukampis qachu asnon tayna qallup lantxa, mä oveja, jan ukax mä cabrito churapxäta; jan churapkäta ukasti, uka asno qallurux kunkat q'iwinukupxäta. Ukxarusti jilïr wawanakamat mä suma waxt'a churapxarakïta. Ukhamasti janiw khitis nayan ukarux ch'usa amparak jutañapäkiti.

Levítico 23:10

israelitanakar akham sañapataki: “Kunapachatix jumanakax kawkïr uraqtix churapkäma ukar mantapkäta ukkhaxa, apthapipkäta uka trigotxa, nayrïr marqa sacerdoteruw churapxäta.

Miqueas 6:6

¿Kunampirak alaxpachankir Dios Tatitur yupaychañatak uñstästi? ¿Jupan nayraqataparusti maran vaca qallunakampiti uñstäxa jupar wilañcha luqtañataki?

Marcos 14:12

Jan levaduran t'ant'a manq'añ qallta uruw purinïna, ukürusti, israelitanakax mä urqu oveja luqtapxirïna, ukat yatiqirinakapax Jesusar jiskt'apxäna: —¿Kawkharus Pascua arum manq'äwi wakichir sarapxäxa? —sasa.

Lucas 2:41

Jesusan awkipampi taykapampix sapa maraw Jerusalenar sarapxirïna, Pascua urutaki.

Lucas 22:7

Jan levaduran t'ant'a manq'añ jach'a uruw purinxäna, Pascua jayp'un mä maran urqu oveja luqtañäkän uka uru.

Hechos 12:3

Judionakatak uka luratan walïtap uñjasinsti, Herodesax Pedroruw katuntayarakïna. Uka urunakasti jan levaduran t'ant'a manq'añ uruyañ urunakänwa.

Deuteronomio 16:16

“Taqi chachaw Tatit Diosam nayraqatan maran kimsa kuti uñstani, kawkha chiqtix jupax ajlliskani uka chiqana, aka urunak uruyañataki: Jan Levaduran T'ant'a manq'añ uruyañ uruna, Semananaka sat uruyañ uruna, ukhamarak Chhujllanakan sat uruyañ uruna. Jupanakasti janiw Tatitun nayraqatapar ch'usa amparaki uñstkaniti,

1 Samuel 6:3

Jupanakasti sapxänwa: —Jumanakatix Israelan Diosapan arust'äwi arcap kutt'ayañ munapxstaxa, jan ukhamak kutt'ayapxamti, jan ukasti, Tatiturux waxt'äwinak luqtapxam, khuyapayasiñapataki. Ukatsti jumanakax k'umarakiw jikxatasxapxäta, ukhamat amuyapxäta kunatsa uka jan walt'äwinakax juti ukxa —sasa.