Éxodo 22:30 - Qullan Arunaka DC

³⁰ 30 (29) uka kipkarak vacanakamana, ovejanakaman nayrïr qallupsa. Uka uywanakaman qallunakapasti wawachatatxa paqallqu uruw taykapampïni, kimsaqallqür urusti nayaruw churxitäta.

Aymar Bibliia 1986

³⁰ uca quipcaraquiwa vacanacamana, ovejanacaman nayrïr kallunacapsa nayar catuyjjetäta. Aca uywanacaman kallunacapasti wawachatatjja pakallko uruwa taycapampïscañapa, ucatsti quimsakallko urunwa nayaru churjjetäta.

Qullan Arunaca

³⁰ uca quipcaraquiwa vacanacamana, ovejanacaman nayrïr kallunacapsa nayar catuyjjetäta. Aca uywanacaman kallunacapasti wawachatatjja pakallko uruwa taycapampïscañapa, ucatsti quimsakallko urunwa nayaru churjjetäta.

Éxodo 22:30 Jak'a apnaqawi uñst'ayäwi

Génesis 17:12

Jichhat uksarusti taqi yuqall wawaw yuritapat kimsaqallqu urur circuncisión katuqañapa, uka kipkarakiw utaman yurki uka yuqall wawasa, qullqimpi alasit uywataman yuqall wawapasa, jaya markat jutir jaqin yuqall wawapas circuncisión katuqañapa.

Éxodo 13:12

jumanakax tayna yuqall wawanakam yaqhachapxätawa, uywanakaman nayrïr urqu qallunakapsa yaqhachapxarakïtawa, ukanakasti Tatitunkiwa.

Ezequiel 4:14

Nayasti ukxarux saraktwa: “Tatay, nayax janipuniw kunapachas kuna q'añunaksa llamkt'irïkti; janipuniw nayax jupapach jiwat uywanakan aychapsa manq'irïkti, janirakiw monte animalanakan jiwayat aychapsa, jan manq'añ animalanakan aychapsa manq'irïkti” sasa.

Levítico 11:44

Nayätwa jumanakan Tatit Diosamaxa. Jumanakasti q'umachasipxañamawa, ukatsti qullanäpxañamarakiwa, nayan qullanätax layku. Janipuniw jumanakax kawkïri laq'unakatix uraqinjam qatatnaqtapki ukanakampix q'añuchayasipxätati.

Levítico 11:45

Nayätwa Tatituxa, nayarakiw jumanakan Diosamäñaxatak Egipto markat irpsunipxsma. Jumanakax qullanäpxañamawa nayan qullanätax layku.”

Levítico 12:3

Uka yuqall wawasti kimsaqallqu uru saraqataruw circuncisión luräwi katuqani.

Levítico 17:15

“Mä israelitatixa, jan ukax yaqha markat jutir jaqisa mä jiwat uywan aychapa jan ukax mä monte animalan jiwayat uywan aychapsa manq'kani ukax, isip t'axsuqasxañapawa, jupa kipkas umampi jariqasxañapawa, ukatsti jayp'thapiñapkamaw q'añut uñt'atäni. Ukat jupax q'umachatäxarakini.

Levítico 22:27

“Kunapachatix uywanakamax mä vaca qallu wawachani, jan ukax mä urqu oveja qallsa, jan ukax mä cabritsa wawachan ukkhasti, uka qallunakax paqallqu uru phuqhasiñapkamaw taykap jak'ankasipkani, ukampis kimsaqallqu uru phuqhasxipansti, uka qallunakax Tatitur wilañchat luqtatäxaniwa.

Levítico 22:8

Jupa pachpa jiwata mä uywan aychapsa, jan ukax monte animalan jiwayat uywan aychapsa janipuniw manq'kaniti, ukhamat jan q'añuchasiskañapataki. Nayätwa Tatituxa.

Levítico 7:23

“Israelitanakarusti akham sarakim: Urqu vacana, ovejana, cabran lik'inakapsa janipuniw manq'apxañapäkiti.

Levítico 7:24

Jiwata uywanakan lik'ipampi, ch'uminkir animalanakan jiwayat uywan lik'ipampis kunsa lurasipkaspawa, ukampisa janipuniw manq'apxañapäkiti.

Levítico 7:26

“Kawkhantix jumanakax jakapkäta, uka chiqanakan janipuniw jamach'inaka, jan ukax uywanakan wilapsa manq'apxätati.

Deuteronomio 14:21

“Janiw jumanakax jupapach jiwat animalanakan aychap manq'apxätati, jumanakax Diosatak yaqhachat markäpxtawa; ukampis ukanakxa yaqha markat jutiri, jumanak taypin jakir jaqirux churasipkasmawa; jupax manq'askaspawa; jan ukax markam chiqa sarakipir jaya jaqiruw uk aljasipkarakisma. “Janiw cabritonakan aychapxa taykapan lechepar phayapxätati.

Deuteronomio 15:19

“Vacanakama, ovejanakamatix nayrïr qallup urqu wawachani ukanakxa, Tatit Diosamatakiw yaqhachäta. “Janiw vacaman nayrïr wawachat qalluparux irnaqayätati, janirakiw ovejaman nayrïr qallupatsa t'awra yawirätati.