Éxodo 22:29 - Qullan Arunaka DC

²⁹ 29 (28) “Yapu apthapitanakamata, taqpach vinomat waxt'anaksa nayatak apanipxapunïtawa. “Jilïr wawam nayaruw katuyxitäta,

Aymar Bibliia 1986

²⁹ “Janiw khept'ätati nayatac ofrendanac apaniñjja take cosechanacamata, take vinonacamata. “Jilïr wawamjja nayaruw catuyjjaraquïtata,

Qullan Arunaca

²⁹ “Janiw khept'ätati nayatac ofrendanac apaniñjja take cosechanacamata, take vinonacamata. “Jilïr wawamjja nayaruw catuyjjaraquïtata,

Éxodo 22:29 Jak'a apnaqawi uñst'ayäwi

2 Reyes 4:42

Uka qhipatsti mä chachaw Baal-salisá chiqat purinïna, Eliseotaki cebada t'ant'anakat pä tunka apanirapïna, jichha lurt'at t'ant'anaka, ukhamaraki wayaqaparux chhuyu trigompi apanirapïna. Eliseosti uywataparux sänwa: —Uka jaqinakan manq'apxañapatak churam —sasa.

2 Crónicas 31:5

Ukatsti kunapachatix reyin arunakapax taqinir yatiyatäxän ukkhaxa, israelitanakax taqi munasiñampiw sumäki uka achunakapat churapxäna: trigo, vino, aceite, misk'i, ukhamaraki pampan utjir kunayman achunakapata. Jupanakax taqi achunakapat sapa tunkat mayäki ukanak apapxarakïna, ukanakasti waljapuniw apthaptäna.

Éxodo 13:12

jumanakax tayna yuqall wawanakam yaqhachapxätawa, uywanakaman nayrïr urqu qallunakapsa yaqhachapxarakïtawa, ukanakasti Tatitunkiwa.

Éxodo 13:2

“Jilïr tayna yuqall wawanak nayatak yaqhachapxäta, israelitanakan taqi jilïr tayna yuqall wawanakapax nayankiwa, ukhamarak uywanakan nayrïr qallunakapasa” sasa.

Éxodo 23:15

Jan levaduran t'ant'a manq'añ uru uruyäta, arsutaxarjamasti paqallq uruw jan levaduran t'ant'a manq'äta. Abib sat phaxsin luräta, uka phaxsin Egiptot mistunitam layku. Ukampis uka uruyäwirux janiw khitis ukhamak jan kun apanis nayar uñstir jutañapäkiti.

Éxodo 23:16

“Yapu apthapiñ uru uruyäta, yapunakamat nayrïr achunak apthapkät ukapacha. Ukxarusti mara tukusiruw uruyarakïta, jumax yapunakam taqpach apthapiñ tukuykät ukapacha.

Éxodo 23:19

“Yapuman nayrïr suma achunakapsti Tatit Diosaman utaparuw apäta. “Janiw cabrito aychxa taykapan lechepar qhathiyapxätati.”

Éxodo 34:19

“Jumanakan tayna yuqall wawanakamasti nayatakïniwa; vacanakamana, ovejanakamana, cabritonakaman tayna urqu qallunakapas nayatakïniwa.

Éxodo 34:20

Ukampis qachu asnon tayna qallup lantxa, mä oveja, jan ukax mä cabrito churapxäta; jan churapkäta ukasti, uka asno qallurux kunkat q'iwinukupxäta. Ukxarusti jilïr wawanakamat mä suma waxt'a churapxarakïta. Ukhamasti janiw khitis nayan ukarux ch'usa amparak jutañapäkiti.

Ezequiel 20:40

Taqpach Israel markaw nayan qullan qulluxan yupaychapxitani, nayan uraqixankir Israelan jach'a qullupana. Naya, Tatituw uk arsta. Ukan nayax jumanakar taqi chuymampi katuqapxäma; ukan nayar luqtanak churapxañamatak wayt'apxarakïma, yapunakamat nayrïri achunak nayar luqtapxañamataki apanipxarakïta.

Levítico 22:27

“Kunapachatix uywanakamax mä vaca qallu wawachani, jan ukax mä urqu oveja qallsa, jan ukax mä cabritsa wawachan ukkhasti, uka qallunakax paqallqu uru phuqhasiñapkamaw taykap jak'ankasipkani, ukampis kimsaqallqu uru phuqhasxipansti, uka qallunakax Tatitur wilañchat luqtatäxaniwa.

Miqueas 7:1

¡Ay kunakïkan nayatakixa! Achunak apthapitat jilt'anak thaqhasir jaqjamätwa, uva, higo achunak manq'añ munasa, janiw kunsa jikxatkti, q'al apthapiwayxapxatayna.

Números 18:13

Taqi kuntix uraqix achuyki, taqi uka achunakat nayrïr achunakap jupanakax apanipxani, nayasti jumaruw ukanak katuyäma. Q'umachat jikxatasir jaqix, ukanak manq'askaspawa.

Mateo 6:33

Ukhamasti, nayraqatax Diosan qhapaq markap thaqhapxam, kunatix jupan nayraqatapan chiqäki ukarak lurapxam, ukatsti taqi yänakax churatakïsipkätawa.

Romanos 8:23

Janiw akapach sapaki t'aqhiskiti, jan ukasti, jiwasaxa, Qullan Ajay nayraqat katuqirinakax t'aqhisiraktanwa. Jiwasanakax chuyma manqhisan t'aqhistan Diosan jiwasanakar wawanakapjam katuqatäñas uru suyt'asa, janchinakasax qhispiyat uñjaskani uka uru.

Deuteronomio 15:19

“Vacanakama, ovejanakamatix nayrïr qallup urqu wawachani ukanakxa, Tatit Diosamatakiw yaqhachäta. “Janiw vacaman nayrïr wawachat qalluparux irnaqayätati, janirakiw ovejaman nayrïr qallupatsa t'awra yawirätati.

Santiago 1:18

Jupax ukham munatap laykux jiwasarux chiqa arunakap tuqiw jakañ churistu, jupan luräwipan nayrïr achupäñasataki.