Éxodo 22:17 - Qullan Arunaka DC

¹⁷ 17 (16) Ukampis tawaqun awkipatix uka waynamp jaqichasiñap jan munkanixa, uka waynax qawqhatix chacha jan uñt'ir tawaqut qullqi churañäki ukhamarjamaw churañapa.

Aymar Bibliia 1986

¹⁷ Ucampis tawakon awquipatejj jan uca waynampi casarasiñapa muncchini ucajja waquisiwa uca waynajj pagañapa kawkhtejj jan chacha uñt'iri tawakorojj pagañajj waquisqui uqhamarjama.

Qullan Arunaca

¹⁷ Ucampis tawakon awquipatejj jan uca waynampi casarasiñapa muncchini ucajja waquisiwa uca waynajj pagañapa kawkhtejj jan chacha uñt'iri tawakorojj pagañajj waquisqui uqhamarjama.

Éxodo 22:17 Jak'a apnaqawi uñst'ayäwi

Génesis 23:16

Abrahamasti Efrón chachan mayitaparux jaysarakïnwa, ukatsti hitita jaqinak nayraqatan jupax phuqhatpach qullqi jakt'äna.

Génesis 30:20

ukat sarakïna: “Tatit Diosaw nayarux mä suma waxt'äwi churitu, jichhasti chachaxax juk'amp munasitani, jupatakisti suxtani wawacharapta. Ukat aka wawax Zabulón satäni” sasa.

Génesis 34:12

Jumanakay sapxita, qawqsa jupat churapxirisma uka, nayasti qawqtix sapkitäta ukkha churapxäma, ukampisa, kullakamamp jaqichasikïxaya —sasa.

Levítico 20:6

Maynitix ch'amakani layqanakar jiskt'asir sarani, ukat ukanakar arkasarak q'añuchjasini ukasti, nayax jupatakiw phiñasï ukatsti jiwayarakïwa.

Deuteronomio 18:10

Jan jumanakat khitis ninar nakhantayas wawanakamar wilañcha luqtpati, janirak layqasiñanakan sarnaqpati, jutir urunakat yatxatañanakarus uchasipxpati, janiraki layqasir jaqïpxpati,

Deuteronomio 22:29

uka jaqix phisqa tunka qullqi tawaqun awkiparux churani, uka tawaqur p'inqachatap laykusti, jupampiw jaqichasini, taqi jakañapan janiw uka warmimpix jaljtañapäkiti.

1 Samuel 18:25

Saúl reyisti jupanakarux sarakïnwa: —Davidarux sapxam: ‘Nayax janiw phuchhax lanti kun churañapsa munkti. Jan ukasti, filisteonakan chhuxurasiñapat patak lip'ichinak apaniñapak munta. Nayax jupanakat phuqsusiñ munta’ —sasa. Chiqpachansa, Saúl reyix Davidar filisteo jaqinakan jiwayañap munäna.

1 Samuel 28:3

Ukapachasti Samuelux jiwxataynawa, israelitanakasti taqiniw jupan jiwatapat jachapxatayna. Ukatsti, yurkatayna uka Ramá chiqaruw amayap imt'xapxatayna. Saúl reyisti, Israel uraqit taqi yatirinakaru, jiwatanakar art'asir ch'amakani jaqinakaruw alisnukxatayna.