Éxodo 21:26 - Qullan Arunaka DC

²⁶ “Khititix uywataru chachäpasa, warmïpasa nayrat ch'akutatas ch'ulla nayrap juykhuptayaspaxa, uka uywataparux antutxañapawa, nayra juykhuptayatap layku.

Aymar Bibliia 1986

²⁶ “Uqhamarac qhititejj sirvirinacaparojj chacharusa, warmirusa nayrat ch'acutatasa juyqhuptaycchi ucajja, uca sirviriparojj qhitjjañapawa librëjjañapataqui nayra juyqhuptayatap laycu.

Qullan Arunaca

²⁶ “Uqhamarac qhititejj sirvirinacaparojj chacharusa, warmirusa nayrat ch'acutatasa juyqhuptaycchi ucajja, uca sirviriparojj qhitjjañapawa librëjjañapataqui nayra juyqhuptayatap laycu.

Éxodo 21:26 Jak'a apnaqawi uñst'ayäwi

Nehemías 5:5

Ukhamarus sasipkakïnwa: “Marka masinakaxasa, nanakasa mä pachpa wilat jutirkamakïpxtwa; wawanakaxasti jupanakan wawanakapat janiw kunansa mayjäkiti. Ukampis wawanakaxaruxa t'aqhisiyat jaqïñapatak aljañaw wakt'apxitu. Nanakan phuchhanakaxat waljaniw niya aljantat uñjasxapxi, nanakasti jark'añatakix janiw kuns kamacht'irjamäpkti, nanakan uraqinakaxasa, uva yapunakaxasa yaqha jaqinakankxatapata” sasa.

Salmos 10:14

Juma pachpaw ñanqha luratanakap uñjtaxa, ¡jumaw uñjtaxa, jupanakarusti juchap uñt'ayätaxa! Jumaruw jan arxatirin jaqinakax makhatxapxtam; jumaw wajchanakan yanapiripätaxa.

Salmos 10:18

Wajcharusa, t'aqhisiyatarus chiqaparuy uñjam: ¡laq'at lurat jaqisti, janipun axsarayañ wasitat utjaypati!

Salmos 9:12

12 (13) Tatitux t'aqhisirinakat amtasipuniwa, jachatanakapatsa janiw armaskiti, jupanakar t'aqhisiyirinakarux mutuyiwa.

Éxodo 21:20

“Khititix uywat jaqipar chachäpasa, warmïpasa lawampi jawq'jas jiwaykani ukaxa, ukham luratapat juchañchatäniwa.

Éxodo 21:24

nayratxa nayraraki, laka ch'akhatxa laka ch'akharaki, amparatxa ampararaki, kayutxa kayuraki,

Éxodo 21:25

nakhantayatax nakhantayataraki, chhuxritxa chhuxriraki, ch'akutxa ch'akuraki.

Éxodo 21:27

Khititix uywataparu, chachäpasa, warmïpasa nuwjasin laka ch'akha apsuspaxa, laka ch'akha apsutapat antutxañaparakiwa.

Efesios 6:9

Jumanakasti uywirinaka, ukhamarakiy uywatanakamarux sum uñjapxam, janirak axsarayapxamti. Amtasipxam, jumanakasa, jupanakasa alaxpachankir Tatitunkirïpxtawa, jupax janiw khitirus yaqhachnukkiti.

Deuteronomio 16:19

Chiqa kankañampiw markar taripapxani, apnaqapxarakini, janiw kuna qullqsa chilltayasipkaniti, qullqi chilltayasiñax jach'a amuyt'an jaqinakarux juykhu tukuyi, chiqa kankañampi parlir jaqinakan arunakapsa maysaruw uñtayi.

Colosenses 4:1

Uywirinaka, uywatanakamar chiqapar uñjapxam. Amtasipxam, jumanakax alaxpachan uywirinïpxaraktawa.