Éxodo 21:1 - Qullan Arunaka DC

¹ Tatitusti Moisesar sarakïnwa: “Aka kamachinak jumax israelitanakar yatiyäta:

Aymar Bibliia 1986

¹ “Aca leyinacwa jumajj yatiyäta:

Qullan Arunaca

¹ “Aca leyinacwa jumajj yatiyäta:

Éxodo 21:1 Jak'a apnaqawi uñst'ayäwi

1 Reyes 6:12

“Niyakixay aka uta lurañ qalltstaxa, yatiyañ munsma, jumatix kamachinakax imäta, kamachi arunakaxarus phuqhäta, iwxanakaxarjam sarnaqarakïta ukkhaxa, nayax David awkimar arskäyäta ukxa juma tuqiw phuqhä;

2 Crónicas 19:10

Markanakan jakapki uka masinakamatix ch'axwanakap yatiyasipxätam, jumanakan chiqapar uñjapxañamataki, jaqi jiwayañ tuqita, kamachinak phuqhañ tuqita, arsutanakarjam sarnaqañ tuqitsa, jupanakarux iwxt'apxam, Tatit nayraqatan jan pantjasipxañapataki, ukhamat Tatitun jan jumanakatakisa, jupanakatakis q'apisiskañapataki. Jumanakax ukanak phuqhapxam, chiqaparutix uñjasipkäta ukaxa, juchax janiw jumanakxankkaniti.

Nehemías 10:29

29 (30) wila masinakaparu, jilïrinakaparuw mayachasipxäna, ukatsti kuntix Diosax Moisés luqtirip tuqi kamachinak churkatayna ukarjam sum sarnaqañatakiw juramento lurapxäna, ukhamarak Tatitusan taqi kamachinakapsa, arunakapsa, arsüwinakapsa phuqhañataki.

Salmos 147:19

Tatituw Jacoburux arunakap yatiyi, Israel markarusti kamachinakap churaraki.

Éxodo 19:7

Moisesasti kuttasin markan jilïrinakaparuw jawsäna, ukatsti kuntix Tatitux siskatayna ukanak jupanakar yatiyäna.

Ezequiel 20:11

ukan jupanakarux kamachinakaxampi, arsutanakaxampi yatiyta, uka arunakaxarjam sarnaqirinakasti jakañ katuqapxi.

Ezequiel 20:25

Ukatsti jupanakarux jan askïki uka kamachinak churarakta, ukhamat jakañ jan jikxatapxañapataki.

Levítico 18:26

Ukampisa jumanak israelitanaka, ukhamarak kawkïri yaqha markat jutasin jumanak taypin jakir jaqinakasa, nayan kamachinakaxar phuqhas sarnaqapxam, janirak uka q'añu luräwinak lurapxamti,

Levítico 18:5

“Nayan arsutanakaxa, kamachinakaxsa phuqhapxapunim. Kawkïri jaqitix ukanak phuqkani ukasti jakaniwa. Nayätwa Tatituxa.

Levítico 19:37

“Ukhamasti taqi kamachinakax phuqhapxapunim. Nayätwa Tatituxa.”

Levítico 20:22

“Nayan kamachinakax phuqhapxapunim, ukarjamarak sarnaqapxam. Ukhamat kawkïr uraqirutix irpapksma uka uraqit janiw jumanakarux apanukupkämati.

Malaquías 4:4

4 (22) “Horeb qullun Moisés luqtirixar churkta uka kamachinakat amtasipxam. ¡Ukanakasti iwxa arunakampi, kamachi arsutanakampiwa taqpach Israel markan phuqhañapataki!

Números 35:24

ukapachasti markaw taripirit sayt'ani, ukatsti aka kamachinakarjamaw jiwayki uka jaqimpiru, jiwayat jaqin wila masipampiru phuqsusiñ munatapat uñjani.

Números 36:13

Aka arsutanakampi, kamachinakamp Tatitux Moisés tuqi israelitanakar churäna, kunapachatix jupanakax Moab pampanakana, Jordán jawir jak'ana, Jericó marka uñkatasin jikxatasipkän ukapacha.

Mateo 28:20

Taqi kuntix nayax jumanakar yatichapksma ukanak phuqhañ yatichapxam. Nayasti sapürupuniw akapachan tukusiñapkam jumanakampïskä —sasa.

Deuteronomio 15:12

“Hebreo marka masimatix chachäpansa, warmïpansa; uywatamäñapatak jumar aljasïtam ukaxa, jupasti suxta marakiw luqtätam; paqallqüri mararusti janiw uywatamäkxaniti, utamat khithanukxätawa.

Deuteronomio 4:14

Nayaruw Tatitux iwxitu kamachinakapa, arsutanakap jumanakar yatichañataki, churapkätam uka uraqin phuqhañanakamataki.

Deuteronomio 4:45

ukhamarak kamachinaka, kamachi arunaka, arsüwinak yatiyäna, kunapachatix jupanakax Egipto markat mistunisina,

Deuteronomio 4:5

Nayasti jumanakarux Tatit Diosax iwxawaykitu taqi uka kamachi arunak yatichapxsma, katuqapkäta uka uraqin uka kamachinakarjam sarnaqapxañamataki.

Deuteronomio 4:8

¿Kawkïr jach'a markarak utji, kamachinakapasa, arsutanakapas chiqa, nayax jumanakar jichhürun yatiyapksma ukhamasti?

Deuteronomio 5:1

Moisesasti Israel markar tantachthapisin säna: “Israelankir jaqinaka, sum ist'apxam kawkïr kamachinaka, kamachi arsutanaktix jichhürun yatiyapkäma ukanaka. Sum p'iqinakamar yatiqapxam, ukatsti taqi sarnaqäwiman ukarjam sarnaqapxarakim.

Deuteronomio 5:31

ukampis jumax akankañatakiw kuttanïta. Kamachinak katuyäma jupanakar yatichañamataki, ukhamat jupanakax uka kamachi arunakarjam kuna uraqtix churkä ukan sarnaqapxañapataki’ sasa.

Deuteronomio 6:1

“Aka kamachi arunaka, kamachinaka, arsutanakap Tatit Diosamax nayar churitu jumanakar yatichañataki, ukhamarjam jumanakan sarnaqapxañamataki, kawkïr uraqinaktix jupax churapkätam uka uraqina.

Deuteronomio 6:20

“Kunapachatix wawanakamax mä uru jiskt'apxätam: ‘¿Kun sañarak muni uka kamachi arunakampi, arsutanakampi, Tatit Diosasax churawaykistu ukanakasti?’ sasa,

1 Tesalonicenses 4:1

Jichhasti jilatanaka, aksti Tatit Jesusan sutipxaruw achikt'apxsma, iwxt'apxaraksma: nanakat yatiqapkista ukarjamay Diosar kusisiyañatak jakapxam, kamisatix niy jakapkta, ukat juk'amp sum jakapxarakim.