Éxodo 20:20 - Qullan Arunaka DC

²⁰ Moisesasti israelitanakarux sarakïnwa: —Jan axsarapxamti. Diosax jumanakar yant'iriw juti, jupar axsartasapun sarnaqapxañamataki, ukhamat jucha jan lurapxañamataki —sasa.

Aymar Bibliia 1986

²⁰ Moisesasti israelitanacarojj saraquïnwa: —Jan ajjsarapjjamti. Diosasti jutiwa jumanacaru yant'añataqui, uqhamarac jupajj muniwa take horasan jupar ajjsarasa jan jucha lurapjjañanacama.

Qullan Arunaca

²⁰ Moisesasti israelitanacarojj saraquïnwa: —Jan ajjsarapjjamti. Diosasti jutiwa jumanacaru yant'añataqui, uqhamarac jupajj muniwa take horasan jupar ajjsarasa jan jucha lurapjjañanacama.

Éxodo 20:20 Jak'a apnaqawi uñst'ayäwi

Génesis 20:11

Abrahamasti sarakïnwa: —Nayax aka chiqankir jaqinakan Diosar jan axsarirïpxatap amuyäyäta, inas ukata warmix apaqañ layku nayax jiwayatïrista uka.

Génesis 22:1

Mä qawqha maranak qhipatsti, Diosax Abrahaman iyawsañap yant'äna, ukat sarakïna: —¡Abraham! —sasa. —Akankasktwa —sasaw Abrahamax säna.

Génesis 22:12

Tatitun angelapasti sarakïnwa: —Jan kuna ñanqhsa wawar luramti, Diosar axsaratam yatxtwa, janirakiw “Janiw” sisktati, sapa wawamar nayar luqtaniña —sasa.

Nehemías 5:15

Ukampis nayat nayra marka apnaqirinakasti, jan wal markar lurapxäna, jupanakax sapüruw pusi tunk qullqi mayisipxirïna manq'añataki, vinotaki. Ukxarusti yanapirinakapax markachirinakarux t'aqhisiyapxirïnwa. Ukampis nayax janiw ukham lurkti Tatitur axsaratax layku.

Job 28:28

Jaqinakarusti Diosax sänwa: “Yatiñ kankañax: Tatitur taqi chuyma jaysañawa; ch'ikhi kankañax: ñanqhat jithiqtañawa” sasa.

Éxodo 14:13

Ukampis Moisesax ukxaruw jupanakar säna: —Jan axsarapxamti. Ch'amañchasipxam, jichhüruw uñjapxäta kuntix Tatitux jumanakar qhispiyañatak lurkani uka. Jichhür uñjapkta uka egipcionakarux janiw mayampsa uñkatkxapxätati.

Proverbios 1:7

Yatiñ kankañan qalltapax Tatitur axsartañawa; pisi amuyt'an jaqinakasti yatiñarusa, yatichäwirus jisk'achapxiwa.

Proverbios 16:6

Munasiñampi, chiqa kankañampiw jucha luratarux pampachi; Tatitur axsaratap laykuw jaqix ñanqhat jithiqti.

Proverbios 3:7

Janiy sinti yatiñanjam tukumti; Tatitur axsartam, taqi ñanqhat jithiqtam,

Isaías 41:10

Jan axsaramti, nayaw jumampïskta, jan axsaramti, juman Diosamax nayäsktwa. Nayaw ch'amañchaskäma, nayarakiw yanapaskäma, atipjiri amparaxampiw uywaskäma.

Isaías 41:13

Naya, juman Tatitu Diosamaw jumarux amparat wayxarus irpsma; saraksmawa: ‘Jan axsaramti, nayaw yanapaskäma’ ” sasa.

Isaías 8:13

Taqi ch'amani Tatit saparukiw Qullan Diosarjam uñjañasaxa, jupa saparukiw jach'achañasaxa, jupan nayraqatapan axsarañasaxa.

Deuteronomio 10:12

“Jichhasti israelit jaqinaka, ¿kunarak Tatitu Diosamasti jumanakan lurapxañam munisti? Jupax jupar jach'añchañanakam muni, jupan thakhipanjam arkañanakama; ukatsti jupar munañanakama, taqi chuymamampi, taqi jakañamamp jupar yupaychañanakama,

Deuteronomio 13:3

3 (4) ukapachasti jan jumanakax jupanakar ist'apxamti; Tatit Diosamaw uka tuqit jumanakar yant'añ munasipktam, jumanakax taqpach chuymampiti, taqpach jakañamampit jupar munapxta uk yatiñataki.

Deuteronomio 4:10

“Kunürutix Horeb qullun jumanakax Diosan nayraqatapan jikxatasipkäyäta ukkhaxa, Tatitux nayaruw sitäna: ‘Taqpach markar tantachthapim, arunakax ist'añapataki, jakañanakapan nayar waqaychañ yatiqañapataki, ukatsti wawanakapar kipkarak yatichapxañapataki’ sasa.

Deuteronomio 6:2

Ukhamat jumanakax Tatit Diosamar jach'añchapxäta, ukatsti taqi jakañaman phuqhapxarakïta, jichhürun jumanakaru, wawanakamaru, allchhinakamar churapksma uka kamachinakampi, kamachi arunakampi, ukhamat walja maranak jakapxarakïta.

Deuteronomio 6:24

Ukatsti Tatit Diosasax taqi uka kamachi arunakarjama, axsartañ chuymampi sarnaqañ iwxapxitu, jiwasanakan wiñay kusisit jakañasataki, kamisatix jichhürkam jakayaskistu ukhama.

Deuteronomio 8:16

Ukatsti wasaran maná sat manq'a manq'ayapxtam, janiw nayra awkinakamas uka manq'a uñt'apkataynati, ukhamat jumanakar yant'añataki, llamp'u chuymanïñ yatiqapxañamataki, ukasti jumanakan askimatakirakïnwa.

Deuteronomio 8:2

Tatit Diosamax wasaranjam pusi tunka mara sarnaqayasa irpanipktam taqi uka thakhit amtasipxam, jumanakar t'aqhisiyañataki, yant'añataki, amtäwinakam uñt'añataki, kamachi arunakap phuqhirjamäpxtati janicha uk yatiñataki.

Josué 24:14

—Taqi uka luräwinakat Tatitur axsartapxam, ukatsti suma chuymampi, chiqa kankañampirak luqtapxam. Kawkïri yaqha diosanakarutix jumanakan nayra awkinakamax Éufrates jawir thiyanakansa, Egipto markansa yupaychapkän uka diosanak apanukupxam, ukatsti Tatitur luqtapxam.

1 Samuel 12:20

Samuelusti jupanakarux sänwa: —Jan axsarapxamti. Chiqpachansa jumanakax sinti jan wal lurapxtaxa; ukampis jichhax Tatitut jan saraqapxamti, jan ukasti taqi chuymampi yupaychapxam.