Éxodo 20:18 - Qullan Arunaka DC

¹⁸ Taqpach israelitanakaw qhixu qhixunakampi, trompetan phust'atapamp ist'apxäna, lliju llijunaka, qullut jiwq'inak mistur uñjapxarakïna; jupanakasti wal axsarayasipxäna, jayatak uñch'ukipxarakïna.

Aymar Bibliia 1986

¹⁸ Takpach israelitanacaw uñjapjjäna llijullijunacsa, ist'apjjaraquïna khejjokhejjonaca, trompetanacan suenanacapsa, uqhamarac kollut wali jiwk'enac mistursa; ucatsti jupanacajj wali ajjsarayasisajj jayatacwa uñch'uquipjjäna.

Qullan Arunaca

¹⁸ Takpach israelitanacaw uñjapjjäna llijullijunacsa, ist'apjjaraquïna khejjokhejjonaca, trompetanacan suenanacapsa, uqhamarac kollut wali jiwk'enac mistursa; ucatsti jupanacajj wali ajjsarayasisajj jayatacwa uñch'uquipjjäna.

Éxodo 20:18 Jak'a apnaqawi uñst'ayäwi

Génesis 15:17

Kunapachatix arumäxäna, wali ch'amakäxarakïna, ukapachax mä hornow wali jiq'iskir uñstäna, mä nina wiyarakiw uka jaljat animalanak taypi sarakipäna.

Génesis 3:10

Chachasti sänwa: —Aka chiqan sarnaqatam ist'ta, ukat axsarayasta, q'alala uñjasitax laykuw imantasxarakta —sasa.

Salmos 81:7

7 (8) T'aqhisiñaman jawsista, nayasti qhispiysmawa; q'ixuqir qinay taypitpach nayax jaysansma; Meribá uma jalsu jak'an yant'sma.

Jeremías 23:23

Tatitux siwa: “Jayansa, jak'ansa, nayätwa Diosaxa.

Deuteronomio 18:16

Chiqpachansa jumanakaw Tatit Diosamarux Horeb qullun uk mayipxtaxa, kunürutix taqpachani uka chiqan tantachasipkta ukapacha, sapxaraktawa: ‘Janiw mayampis Tatit Diosasan arupa ist'añ munapkti, janirakiw uka jach'a nina lawra uñjañ munapkti jan jiwaskañataki’ sasa.

Deuteronomio 4:36

Jupasti alaxpachatpach jumanakar chiqachañatak parlanipxtam, aka uraqinxa jach'a ninap uñacht'ayapxtam, arunakapsti nina taypit ist'apxaraktaxa.

Deuteronomio 5:23

Ukampis jumanakax Tatitun arup uka ch'amak taypit arsunitap ist'asaxa, ukatsti qullun nina aqaskatap uñjasaxa, axsarayasipxäyätawa, ukat jumanakax ayllunakan jilïrinakapampi, Israelan jilïrinakapampix nayamp parlir jutapxtaxa,

Deuteronomio 5:25

Ukampisa, ¿kunatarak jiwasasti uka ninan nakhantat jiwañänisti? Wasitattix Tatit Diosasan arup ist'añänixa, jiwañäniwa;

Deuteronomio 5:27

Jumakiy jak'achasim, ukatsti taqi kuntix Tatit Diosasax siskätam uk ist'arakïta, ukat nanakar yatiyapxitäta kuntix parlkätam ukanaka; nanakasti kuntix sapkitäta ukanak phuqhapxäwa’ sasa.

Deuteronomio 5:5

Nayasti ukankaskäyätwa, Tatitumpi jumanakampi uka chika taypina, Diosan arunakap jumanakar yatiyasa, jumanakasti ninaru axsarapxatamat qullurux jan makhatapktati. Tatitusti akham säna: