Éxodo 19:20 - Qullan Arunaka DC

²⁰ Tatitux Sinaí qulluruw saraqanïna, uka patar makhatañapatakiw Moisesar jawsäna. Moisesasti makhatänwa.

Aymar Bibliia 1986

²⁰ Tatitusti sarakanïnwa Sinaí kolluru wali alto chekaru. Ucatsti Moisesarojj jawsänwa uca kollur maqhatañapataqui. Ucat Moisesajj maqhatänwa.

Qullan Arunaca

²⁰ Tatitusti sarakanïnwa Sinaí kolluru wali alto chekaru. Ucatsti Moisesarojj jawsänwa uca kollur maqhatañapataqui. Ucat Moisesajj maqhatänwa.

Éxodo 19:20 Jak'a apnaqawi uñst'ayäwi

1 Reyes 19:11

Ukat Tatitux jupar säna: “Anqar mistunim, ukatsti qullu patxan nayraqataxan sayt'asim” sasa. Ukapachaw Tatitux uka chiqa sarakipawayäna, ukatsti mä jach'a wali ch'aman thayaw qullu allinuküna, qarqanaksti Tatitun nayraqatapan jaljtayarakïna; ukampis Tatitux janiw uka thayankkänti. Uka thaya qhipatsti mä uraqi khathatiw utjarakïna; ukampis Tatitux janiw uka uraqi khathatinkkänti.

Nehemías 9:13

“Ukatsti Sinaí qulluruw saraqantaxa, jupanakampiw alaxpachatpach parltaxa; jupanakarusti suma aski arsüwinak churtaxa, chiqpach yatichäwinaka, suma kamachi arunakampi.

Salmos 81:7

7 (8) T'aqhisiñaman jawsista, nayasti qhispiysmawa; q'ixuqir qinay taypitpach nayax jaysansma; Meribá uma jalsu jak'an yant'sma.

Éxodo 19:11

jurpür willjtatak sum wakichasipxpan, naya, Tatitusti jurpür willjtaw Sinaí qullur saraqanï, taqi israelitanakan uñjkaña.

Éxodo 19:3

Mä urusti, Moisesax Diosampi jikisiriw Sinaí qullur makhatäna, Tatitusti qullu patatpach jawsasin jupar sarakïna: —Jacobun israelita wawanakapar aka arunak yatiyam:

Éxodo 24:15

Ukham sasinsti, Moisesax qulluruw makhatäna, uka qullurusti qinayaw wali urpxatäna.

Éxodo 24:18

Moisesasti qinay taypinjam qullurux makhatäna, ukatsti pusi tunka urumpi, pusi tunka arumampiw qullunkäna.

Éxodo 34:2

Ukatsti Sinaí qullur arumanthi makhataniñatak wakichasirakim, ukat qullu patan nayar uñstitäta.

Éxodo 34:4

Moisesasti nayrïr tablanak kipkak qalat pä tablanak wakichäna. Qhipärmanthisti wali willjtat qalat lurat pä tablanak apxaruwayasin Sinaí qullur makhatäna, Tatitux siskatayna ukhamarjama.

Deuteronomio 33:2

akham sasa: “Tatit Diosasax Sinaí qullut juti; qhanapax Edom chiqatpach qhant'anistu. Jupan k'ajatapax Parán qullunakatpach jutanti, Meribá chiqakamaw puri, Cadés uraqina. Kupi amparapar aqkir kamachinak apt'asita.

Deuteronomio 9:9

Nayax Horeb qulluruw makhatäyäta, qalat lurat tablanak aptiri, Diosax jumanakampi suma arust'äwi lurkatayna uka qala tablanaka, nayasti pusi tunka urumpi, pusi tunka arumampiw uka qullunkäyäta jan manq'ata jan umata.