Éxodo 18:16 - Qullan Arunaka DC

¹⁶ Jupanakkam jan walt'ayasipki ukkhax nayan ukaruw jiskt'asir jutapxi, jupanakar khitis juchani uk nayan uñjañaxataki; nayasti Diosan kamachinakapampi, yatichäwinakapampi jupanakar yatiyarakta —sasa.

Aymar Bibliia 1986

¹⁶ Cunapachatejj jupanaccama jan walt'ayasipqui ucqhajja, nayan ucaruw jutapjje jisct'asiñataqui, ucatsti nayawa jupanacarojj uñjta qhitisa juchani ucjja; uqhamatwa nayajj jupanacarojj yatiyaracta Diosan camachinacapa, uqhamarac yatichäwinacapsa.

Qullan Arunaca

¹⁶ Cunapachatejj jupanaccama jan walt'ayasipqui ucqhajja, nayan ucaruw jutapjje jisct'asiñataqui, ucatsti nayawa jupanacarojj uñjta qhitisa juchani ucjja; uqhamatwa nayajj jupanacarojj yatiyaracta Diosan camachinacapa, uqhamarac yatichäwinacapsa.

Éxodo 18:16 Jak'a apnaqawi uñst'ayäwi

2 Samuel 15:3

Absalonax sarakirïnwa: “Mayitamax wakiskiriwa, chiqaparakiwa, ukampis reyi lantix janiw jumar khiti ist'iris utjkiti” sasa.

2 Crónicas 19:10

Markanakan jakapki uka masinakamatix ch'axwanakap yatiyasipxätam, jumanakan chiqapar uñjapxañamataki, jaqi jiwayañ tuqita, kamachinak phuqhañ tuqita, arsutanakarjam sarnaqañ tuqitsa, jupanakarux iwxt'apxam, Tatit nayraqatan jan pantjasipxañapataki, ukhamat Tatitun jan jumanakatakisa, jupanakatakis q'apisiskañapataki. Jumanakax ukanak phuqhapxam, chiqaparutix uñjasipkäta ukaxa, juchax janiw jumanakxankkaniti.

Job 31:13

Uywatanakaxatix kunsa mayipkitän ukapachaxa, nayax mayitanakapar ist'apunïyätwa.

Éxodo 18:17

Ukampis Jetró awkch'ipax akham sarakïna: —Janiw uk wal lurktati,

Éxodo 2:13

Qhipürusti Moisesax mistuwayarakikïnwa, ukatsti pani hebreonakar nuwasiskir uñjäna. Ukat masipar nuwir jaqir jiskt'äna: —¿Kunatsa jumax marka masimar ukham nuwjaskta? —sasa.

Éxodo 23:7

“K'ari irkatañanakat jithiqtätawa, jan juchan aski jaqir k'arimp jiwayatäñatak janirak juchañchamti; nayax janiw juchan jaqirux janis juchanïkaspa ukham uñjkäti.

Éxodo 24:14

Jilïr jaqinakarusti sänwa: —Nanakan kutt'aniñaxkamax akawjat suyt'apxitäta. Aaronampi, Hur chachampisti jumanakampïskaniwa, kuna jan walt'ayasiñanakas utjani ukaxa, jupanakaruw yatiyapxäta —sasa.

Levítico 24:15

Israelitanakarux sarakim: Kawkïritix Tatit Diosapar ñanqhachkani ukarusti, juchap uñt'asiyapxäta, ukatsti taqi jaqinakaw qalamp k'upjas uka jaqirux jiwayapxani. Yaqha markat jutirïskpasa jan ukax pachpa israelita jaqïskpasa, Tatitun sutiptix ñanqhachkani ukasti, uka jaqix jiwayatäñapatak juchañchatäniwa.

Números 15:35

Ukapachaw Tatitux Moisesar säna: “Uka jaqix jiwañapawa. Taqpach marka jupar qalamp k'upjapxpan campamentot anqäxana” sasa.

Mateo 28:20

Taqi kuntix nayax jumanakar yatichapksma ukanak phuqhañ yatichapxam. Nayasti sapürupuniw akapachan tukusiñapkam jumanakampïskä —sasa.

1 Corintios 6:1

Kunapachatix jumanak taypit maynix yaqhampi ch'axwankchixa, ¿kamisarak Cristor jan uñt'ir taripirinakar yatiyasir saranisti?, ¿kunatarak Diosan qullan markapankirinakar jan yatiyasisti?

Deuteronomio 4:5

Nayasti jumanakarux Tatit Diosax iwxawaykitu taqi uka kamachi arunak yatichapxsma, katuqapkäta uka uraqin uka kamachinakarjam sarnaqapxañamataki.

Deuteronomio 5:1

Moisesasti Israel markar tantachthapisin säna: “Israelankir jaqinaka, sum ist'apxam kawkïr kamachinaka, kamachi arsutanaktix jichhürun yatiyapkäma ukanaka. Sum p'iqinakamar yatiqapxam, ukatsti taqi sarnaqäwiman ukarjam sarnaqapxarakim.

Deuteronomio 6:1

“Aka kamachi arunaka, kamachinaka, arsutanakap Tatit Diosamax nayar churitu jumanakar yatichañataki, ukhamarjam jumanakan sarnaqapxañamataki, kawkïr uraqinaktix jupax churapkätam uka uraqina.

1 Samuel 12:23

Nayasti jumanakatak Tatitur mayiñxa janipuniw armaskäti, jan maykirista ukax juchaspäwa. Ukampis jumanakarux suman jakaña, chiqapan sarnaqañ yatichapxäma.